ព័ត៌មានជាតិ

១១ខែឆ្នាំនេះ កម្ពុជាបាននាំចេញផ្លែម្ទេសស្រស់ជាង៦ម៉ឺនតោនទៅកាន់ប្រទេសថៃ

បានផុស

៣ years មុន

នៅ

ថ្ងៃសុក្រ ៤ ធ្នូ ២០២០

ដោយ

ភ្នំពេញ ៖ យោងតាមរបាយការណ៍របស់ក្រសួងកសិកម្មរុក្ខាប្រមាញ់និងនេសាទបានឲ្យដឹងថា នៅក្នុងរយៈពេល១១ខែឆ្នាំ២០២០នេះកម្ពុជាបាននាំចេញម្ទេសស្រស់ជាង ៦ ម៉ឺនតោនទៅកាន់ប្រទេសថៃ កើនឡើងជាង៣៨%បើធៀបទៅនឹងឆ្នាំ២០១៩កន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកម្ទេសក្រៀមវិញនាំចេញបានចំនួន១ ៨០០ តោន ស្មើនឹងការនាំចេញនៅឆ្នាំ២០១៩។
តាមរបាយការណ៍បានបន្តឲ្យដឹងទៀតថា ទីផ្សារនៃការនាំចេញម្ទេសស្រស់មានការកើនឡើងគួរឱ្យកត់សម្គាល់ពីមួយឆ្នាំទៅមួយឆ្នាំក្នុងរយៈពេល ៥ ឆ្នាំចុងក្រោយនេះ ចាប់តាំងពីកម្ពុជាបានចាប់ផ្តើមនាំចេញម្ទេសស្រស់ទៅកាន់ប្រទេសថៃក្នុងឆ្នាំ ២០១៥។

បើតាមតាមរបាយការណ៍របស់ក្រសួងកសិកម្មរុក្ខានៅក្នុងរយៈពេល១១ខែឆ្នាំ២០២០នេះដែរ កម្ពុជាបាននាំចេញផលិតផលផ្លែឈើរួមមានចេកស្រស់ ពោតនិងផ្លែស្វាយស្រស់ប្រមាណជាង៥ម៉ឺនតោនទៅកាន់ប្រទេសចំនួន៤គឺសឹង្ហបុរី ថៃ វៀតណាមនិងប្រទេសចិន។

ក្នុងចំណោមផ្លែឈើជាង៥ម៉ឺនតោននោះរួមមានផ្លែចេកស្រស់ចំនួន៣៧៧៦៥,០៥តោនដោយនាំចេញទៅកាន់ប្រទេសសឹង្ហបុរី វៀតណាមនិងប្រទេសចិន។ចំណែកផ្លែស្វាយស្រស់វិញនាំចេញចំនួន១២៧៦៦,២០តោនទៅកាន់ប្រទេសថៃ វៀតណាមនិងសឹង្ហបុរីនិងគ្រាប់ពោតបាននាំចេញចំនួន២៩០តោនទៅកាន់ប្រទេសថៃ។