ព័ត៌មានជាតិ

មន្ទីរពេទ្យគន្ធបុប្ផាជួយសង្គ្រោះទារកកើតមិនគ្រប់ខែមានជំងឺធ្ងន់ធ្ងរច្រើនមុខបានជោគជ័យ

បានផុស

២ years មុន

នៅ

ថ្ងៃសុក្រ ២៦ វិច្ឆិកា ២០២១

ដោយ

បើតាមការបង្ហោះតាមបណ្តាញសង្គមហ្វេសប៊ុករបស់ Dr.beat Richner កាលពីព្រឹកថ្ងៃទី២៥ ខែវិច្ឆិកា ឆ្នាំ២០២១នេះ បញ្ជាក់ថា ទារកអភព្វម្នាក់ត្រូវបានគ្រូពេទ្យគន្ធបុប្ផាជួយសង្គ្រោះបានដោយជោគជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទារកតូចខ្ចី អាយុបាន១៥ថ្ងៃ មកពីគ្លីនិកឯកជនមួយ នៅខេត្តក្រចេះ កើតមកមិនគ្រប់ខែ ទម្ងន់តែ៨ខាំ មានជំងឺរលាកខ្លោចពោះវៀន និងរលាកសួត ដោយឆ្លងមេរោគក្នុងឈាមយ៉ាងធ្ងន់ធ្ងរបំផុត ហើយត្រូវបានថែទាំសង្គ្រោះជីវិត ដោយម៉ាស៊ីនជំនួយដង្ហើម នៅក្នុងបន្ទប់សង្គ្រោះទារកកម្រិត៣ ដោយក្រុមគ្រូពេទ្យឯកទេស នៅមន្ទីរពេទ្យគន្ធបុប្ផាភ្នំពេញ អស់រយៈពេល៦៨ថ្ងៃ មកហើយ។

សូមអរគុណ ក្រុមគ្រូពេទ្យឯកទេសសង្គ្រោះទារក និងអរគុណលោកយាយ ដែលបានតស៊ូនៅមើលថែចៅ បានល្អ រាល់ការព្យាបាលទាំងអស់ គឺឥតគិតថ្លៃ សម្រាប់គ្រប់ៗគ្នា ដោយគ្មានការរើសអើង រាល់១ដុល្លាររបស់លោកអ្នក គឺពិតជាបានជួយព្យាបាលសង្គ្រោះ និងការពារជីវិត អរគុណមូលនិធិគន្ធបុប្ផាកម្ពុជា-មូលនិធិគន្ធបុប្ផាស្វីស តាំងពីឆ្នាំ១៩៩២៕

អត្ថបទ៖ រស្មី