ព័ត៌មានជាតិ
ធនាគារជាតិកម្ពុជាដាក់ឲ្យដំណើរការជាផ្លូវការយុទ្ធនាការ «តោះ!និយាយពីលុយ៖តក់ៗពេញបំពង់»
ធនាគារជាតិនៃកម្ពុជានៅថ្ងៃទី៣ ខែធ្នូ ឆ្នាំ២០២១នេះ បានប្រកាសដាក់ឲ្យដំណើរការជាផ្លូវការយុទ្ធនាការ“តោះ!និយាយពីលុយ៖តក់ៗពេញបំពង់”ដោយផ្តោតជាចម្បងលើ សារៈសំខាន់នៃការគិតគូរឱ្យបានដិតដល់ការថ្លឹងថ្លែងជម្រើសផលិតផលនិងសេវាហិរញ្ញវត្ថុនិងការរៀបចំផែនការសកម្មភាពដើម្បីជួយអ្នកប្រើប្រាស់ឲ្យទទួលបានការយល់ដឹង កាន់តែប្រសើរអំពីសិទ្ធិការទទួលខុសត្រូវនិងការចូលរួមក្នុងការសម្រេចចិត្តផ្នែកហិរញ្ញវត្ថុ។
លោកស្រី អ៊ុក ម៉ាលី ទេសាភិបាលរងធនាគារជាតិនៃកម្ពុជាបានមានប្រសាសន៍ថា ធនាគារជាតិនៃកម្ពុជាបានសហការជាមួយអង្គការ Good Return ក្នុងការអនុវត្តគម្រោងនៃ យុទ្ធនាការផ្សព្វផ្សាយចំណេះដឹងផ្នែកហិរញ្ញវត្ថុឈ្មោះថា “តោះ! និយាយពីលុយ” កាលពីឆ្នាំ ២០១៦ ដែលយុទ្ធនាការនេះទទួលបានការគាំទ្រយ៉ាងខ្លាំងពីសាធារណជន។
ដោយយល់ឃើញពីភាពជោគជ័យនៃយុទ្ធនាការនេះនិងក្នុងគោលបំណងលើកកម្ពស់ការផ្សព្វផ្សាយចំណេះដឹងផ្នែកហិរញ្ញវត្ថុបន្ថែមទៀតយុទ្ធនាការថ្មីមួយទៀតដែលមានឈ្មោះថា “តោះ! និយាយពីលុយ៖ តក់ៗ ពេញបំពង់” ត្រូវបានបង្កើតឡើង។
លោកស្រីទេសាភិបាលរងធនាគារជាតិនៃកម្ពុជាបន្តថា យុទ្ធនាការថ្មីនេះមានប្រធានបទគន្លឹះចំនួន៤ រួមមាន៖ ១/- ការគ្រប់គ្រងលុយកាក់របស់អ្នកឱ្យបានកាន់តែប្រសើរ, ២/- ការត្រៀមខ្លួនសម្រាប់រឿងដែលកើតឡើងដោយមិនបានព្រាងទុក, ៣/- ការយល់ដឹងអំពីសិទ្ធិនិងការទទួលខុសត្រូវ និង៤/- និយាយចេញមក ។
នៅថ្ងៃនេះផងដែរធនាគារជាតិនៃកម្ពុជា ក៏បានដាក់ចេញយុទ្ធសាស្ត្រជាតិស្តីពីបរិយាបន្នហិរញ្ញវត្ថុ ឆ្នាំ២០១៩-២០២៥ ដែលកំណត់ពីចក្ខុវិស័យនិងទិសដៅក្នុងការជំរុញបរិយា បន្នហិរញ្ញវត្ថុបង្កើនលទ្ធភាពទទួលបានសេវាហិរញ្ញវត្ថុផ្លូវការដែលមានគុណភាព ទាន់ពេលវេលា តម្លៃសមរម្យ និង មានកិច្ចការពារស្របច្បាប់ជាពិសេសកាត់បន្ថយអត្រាស្ត្រី ដែលមិនទាន់ទទួលបានសេវាហិរញ្ញវត្ថុផ្លូវការដើម្បីធ្វើឱ្យប្រសើរឡើងនូវសុខុមាលភាពសង្គមបង្កើនប្រាក់ចំណូលដល់ប្រជាពលរដ្ឋ កាត់បន្ថយភាពក្រីក្រនិងចូលរួមចំណែក ដល់ការអភិវឌ្ឍសង្គម-សេដ្ឋកិច្ចជារួម។
យុទ្ធសាស្ត្រជាតិនេះ នឹងបង្កើនលទ្ធភាពទទួលបានសេវាហិរញ្ញវត្ថុផ្លូវការដែលមានគុណភាពកាត់បន្ថយអត្រាស្ត្រីដែលមិនទាន់ទទួលបានសេវាហិរញ្ញវត្ថុឱ្យបានពាក់កណ្តាល ពី ២៧%មក១៣%និងពង្រីកការប្រើប្រាស់សេវាហិរញ្ញវត្ថុផ្លូវការពី ៥៩% ទៅ ៧០% ត្រឹមឆ្នាំ២០២៥ព្រមទាំងធ្វើឱ្យប្រសើរឡើងនូវសុខុមាលភាព គ្រួសារនិងគាំទ្រកំណើនសេដ្ឋ កិច្ចតាមរយៈសកម្មភាពអាទិភាពចំនួន ៦។
រួមមាន៖ ១/- លើកទឹកចិត្តឱ្យមានការសន្សំនៅតាមគ្រឹះស្ថានហិរញ្ញវត្ថុផ្លូវការ, ២/- ជំរុញនវានុវត្តន៍សេវាឥណទានសម្រាប់សហគ្រាសធុនតូច និងមធ្យម, ៣/-ពង្រីកសមត្ថភាព ប្រព័ន្ធទូទាត់, ៤/- ពង្រីកការផ្តល់សេវាធានារ៉ាប់រងឱ្យបានទូលំទូលាយ, ៥/- ពង្រឹងសមត្ថភាពនិយ័តករវិស័យហិរញ្ញវត្ថុ និង៦/- លើកកម្ពស់សិទ្ធិនិងបង្កើន កិច្ចការពារអតិថិជន ព្រមទាំងបង្កើនតម្លាភាពក្នុងវិស័យហិរញ្ញវត្ថុ៕
ដោយ ៖ ណារី
ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ
ស្ថានីយប្រព្រឹត្តកម្មទឹកកខ្វក់ទី ៣ នៅខេត្តព្រះសីហនុដាក់សម្ពោធឲ្យដំណើការជាផ្លូវការ
ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ
ក្រុមហ៊ុន អ៊ីអនម៉ល ៖ គ្មានការសាងសង់ផ្សារទំនើបអ៊ីអន៤ នៅខណ្ឌកំបូល ដូចការចុះផ្សាយព័ត៌មានឡើយ
ឃុំ ប៉ុណ្ណាដែត ស្នើមន្ត្រីចរាចរណ៍ប្រកាន់ភ្ជាប់សុជីវធម៌-ក្រមសីលធម៌ ដើម្បីជាគំរូចំពោះប្រជាពលរដ្ឋ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា១ សប្តាហ៍ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត