ព័ត៌មានជាតិ
ប្រព័ន្ធបាគង និង KHQR កំពុងជំរុញការទូទាត់ប្រាក់រៀល និងបង្កើនការទូទាត់ឆ្លងដែនរបស់កម្ពុជា
ទេសាភិបាលធនាគារជាតិនៃកម្ពុជា (NBC) លោកស្រីបណ្ឌិត ជា សិរី បានលើកឡើងថាការអភិវឌ្ឍប្រព័ន្ធទូទាត់បាគង និង ខេអេចឃ្យូអរ (KHQR) បានកំពុងដើរតួនាទីយ៉ាងសំខាន់ក្នុងការលើកកម្ពស់ការប្រើប្រាស់ប្រាក់រៀល និងការតភ្ជាប់ជាមួយនឹងបណ្តាញទូទាត់អន្តរជាតិដើម្បីបង្កើនការទូទាត់ឆ្លងដែន។
ការលើកឡើងរបស់លោកស្រីបណ្ឌិត ជា សិរី ទេសាភិបាល ធ្វើឡើងក្នុងសិក្ខាសាលាស្តីពី ប្រាក់រៀល ប្រព័ន្ធបាគង និងខេអេចឃ្យូអរ (KHQR) កាលពីសប្តាហ៍មុនថា ការអភិវឌ្ឍប្រព័ន្ធទូទាត់បាគង និង KHQR ត្រូវបានមជ្ឈដ្ឋានអន្តរជាតិទទួលស្គាល់ពីតួនាទីដ៏សំខាន់នៃប្រព័ន្ធទូទាត់ដ៏ទំនើបនេះ ពិសេស លើការរួមចំណែករបស់ប្រព័ន្ធទូទាត់ ក្នុងការជំរុញបរិយាបន្នហិរញ្ញវត្ថុ សុវត្ថិភាពនិងប្រសិទ្ធភាពនៃការទូទាត់ និងការតភ្ជាប់ជាមួយនឹងបណ្តាញទូទាត់អន្តរជាតិផងដែរ។
លោកស្រីបណ្ឌិតថ្លែងបញ្ចាក់ថា៖«ភាពងាយស្រួលនៃការទូទាត់តាមទូរសព្ទបានជំរុញប្រជាជន អ្នកលក់ដូរជាច្រើនទៅបើក គណនីធនាគារដើម្បីទទួលការទូទាត់ ដែលការណ៍នេះបានជំរុញបរិយាបន្នហិរញ្ញវត្ថុសម្រួលដល់ជីវភាពនិងសុវត្ថិភាពរបស់គាត់»។
លោក តូច ចៅចេក អគ្គនាយករបស់ធនាគារប្រៃសណីយ៍កម្ពុជាបានថ្លែងប្រាប់កម្ពុជាថ្មីថា នៅក្នុងយុគសម័យនេះ គឺជាសម័យកាលនៃការប្រើប្រាស់ប្រព័ន្ធបច្ចេកវិទ្យាឌីជីថល ការណ៍នេះបណ្តាគ្រឹះស្ថានធនាគារ និងហិរញ្ញវត្ថុនានាត្រូវតែធ្វើការវិនិយោគលើឌីជីថល មិនថាតូច ឬធំនោះទេ ប៉ុន្តែនៅក្នុងសហគមន៍ឬទីជននបទ អ្នកប្រើប្រាស់ហាក់នៅមិនទាន់មានការចាប់អារម្មណ៍ខ្លាំងនៅឡើយ។
លោកថា ធនាគារប្រៃសណីយ៍ ក៏ដូចជាធនាគារដទៃទៀត គឺប្រឹងប្រែងសំដៅធ្វើយ៉ាងណាឱ្យការប្រើប្រាស់ប្រព័ន្ធឌីជីថលកាន់តែមានការរីកចម្រើនខ្លាំងជាបន្តបន្ទាប់។
លោកថា៖«បច្ចុប្បន្នប្រជាពលរដ្ឋមួយចំនួនចាយលុយ គឺសឹងតែលែងកាន់លុយទៀតហើយ ច្រើនតែប្រើ QR ស្គែន ដូច្នេះយើងអាចឃើញបានថា ប្រតិបត្តិការ ស្គែន QR មានការកើនឡើងកាន់តែខ្ពស់ទៅៗ ហើយប្រតិបត្តិការដកលុយតាមបញ្ជរផ្សេងៗមានការថយចុះ បើទោះបីជាទូអេធីអឹមកាន់តែច្រើនក៏ដោយ ប៉ុន្តែប្រតិបត្តិការហាក់មិនសូវរីកចម្រើនដូចការឌីជីថលនោះទេ»។
លោកស្រីបណ្ឌិត ជា សិរី ថ្មីៗនេះ NBC បានដាក់ឱ្យប្រើប្រាស់កម្មវិធីទូទាត់ “បាគងទេសចរ” ដែលភ្ញៀវទេសចរបរទេស អាចទូទាត់ជាប្រាក់រៀលតាមប្រព័ន្ធទូទាត់ឌីជីថលបានយ៉ាងឆាប់រហ័ស និងសុវត្ថិភាព ដោយគ្រាន់តែបញ្ចូលលុយទៅក្នុងគណនីកាបូបអេឡិចត្រូនិក តាមរយៈ Visa Mastercard ឬ UnionPay ហើយធ្វើការទូទាត់នៅគ្រប់អាជីវករទូទាំងប្រទេស ដែលប្រើប្រព័ន្ធបាគង។
យោងតាម NBC ការទូទាត់តាមប្រព័ន្ធបាគង បានកើនឡើងយ៉ាងឆាប់រហ័ស ចាប់តាំងពីការដាក់ឱ្យប្រើប្រាស់កាលពីឆ្នាំ២០២០មក ដែលក្នុងឆ្នាំ២០២៤ ប្រតិបត្តិការទូទាត់សរុបមានចំនួន ៦០៧,៥លានប្រតិបត្តិការ ដោយក្នុងនោះទំហំទឹកប្រាក់នៃប្រតិបត្តិការជាលុយរៀលមានចំនួន ១៨៣,៣ទ្រីលានរៀល និងជាដុល្លារអាមេរិកមានចំនួន ១០៤,៨ប៊ីលានដុល្លារ ហើយមានចំនួនគណនីប្រើប្រាស់ចំនួន ៣០លានគណនី ដែលអាចទូទាត់បានជាមួយនឹងពាណិជ្ជករក្នុងស្រុកចំនួន ៤,៥លានកន្លែង និងក្រៅស្រុកច្រើនជាង ២៤០លានកន្លែង ដូចជានៅប្រទេសថៃ វៀតណាម ឡាវ ម៉ាឡេស៊ី និងចិន និងអនុញ្ញាតឱ្យ ភ្ញៀវទេសចរពីប្រទេសទាំងនោះអាចមកទូទាត់នៅតាម KHQR នៅកម្ពុជាបានយ៉ាងងាយស្រួល៕
-
ព័ត៌មានជាតិ១ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច៧ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៤ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៥ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៧ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម៥ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៧ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៧ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី