ព័ត៌មានជាតិ

តារាចម្រៀង ម៉េង កែវពេជ្ជតា ប្រកាសគាំទ្រឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្ត្រី

បានផុស

២ ខែ មុន

នៅ

ថ្ងៃសៅរ៍ ៤ ធ្នូ ២០២១

ដោយ

ភ្នំពេញ ៖ តារាចម្រៀងជើងចាស់អ្នកនាង ម៉េង កែវពេជ្ជតា បានចេញសារប្រកាសគាំទ្រយ៉ាងពេញ ទំហឹងចំពោះឯកឧត្តមឧត្តមសេនីយ៍ ហ៊ុន ម៉ាណែត ជាបេក្ខភាពនាយករដ្ឋមន្ត្រីកម្ពុជានាពេលអនាគតតាមរយៈការបោះឆ្នោត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងអ្នកនាង ម៉េង កែវពេជ្ជតា បានបង្ហោះនៅលើគណនីហ្វេសប៊ុកផ្ទាល់ខ្លួនថានាងខ្ញុំ ម៉េង កែវពេជ្ជតា ព្រមទាំងក្រុមគ្រួសារមានសេចក្ដីសោមនស្សចូលរួមគាំទ្រដោយស្មោះចំពោះប្រសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុ ជា ក្នុងការប្រកាសគាំទ្រ ឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្ត្រីនាពេលអនាគតដោយការបោះឆ្នោត។

គួររំលឹកថា នៅក្នុងពិធីសម្ពោធដាក់ឱ្យប្រើប្រាស់ជាផ្លូវការផ្លូវចំនួន៣៧ខ្សែនៅខេត្តព្រះសីហនុកាលពីព្រឹកថ្ងៃទី០២ ខែធ្នូ ឆ្នាំ២០២១សម្ដេចអគ្គមហាសេ នាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានប្រកាសគាំទ្រពេញទំហឹងឱ្យឧត្តមសេនីយ៍ ហ៊ុន ម៉ាណែត កូនប្រុសច្បងរបស់សម្តេចធ្វើជានាយករដ្ឋមន្ត្រីបន្តប៉ុន្តែត្រូវឆ្លងកាត់ការបោះឆ្នោត។

ទោះជាយ៉ាងណា សម្តេចបញ្ជាក់ថា ឯកឧត្តម ហ៊ុន ម៉ាណែត ជាបេក្ខជនមួយរូបក្នុងចំណោមបេក្ខជននាយករដ្ឋមន្ត្រីជាច្រើនប៉ុន្តែឧត្តមសេនីយ៍ ហ៊ុន ម៉ាណែត ទទួលបានការគាំទ្រពេញលេញពីសម្តេចតែម្តង។ បច្ចុប្បន្ននេះ ឯកឧត្តម ហ៊ុន ម៉ាណែត គឺជាសមាជិកគណៈអចិន្ត្រៃយ៍គណៈកម្មាធិការកណ្តាល និងជាប្រធានយុវជនគណបក្សប្រជាជនកម្ពុជាថ្នាក់កណ្តាល។ ឯកឧត្តមក៏ជាអគ្គមេបញ្ជាការរងនៃកង យោធពលខេមរភូមិន្ទ និងជាមេបញ្ជាការកងទ័ព ជើងគោកកម្ពុជាផងដែរ៕

ដោយ ៖ ចាន់រ៉ា