ព័ត៌មានជាតិ
អភិបាលខេត្តរតនគិរី រំពឹងថានឹងមានក្រុមហ៊ុនកាណាដា មកវិនិយោគ កាន់តែច្រើន
លោក ញ៉ែម សំអឿន អភិបាលខេត្តរតនគិរី មានក្តីសង្ឃឹមថា នឹងមានក្រុមហ៊ុនមកពីប្រទេសកាណាដាជាច្រើនបន្ថែមទៀតមកធ្វើការវិនិយោគលើទឹកដីខេត្តរតនគិរីក្នុងពេលឆាប់ៗខាងមុខ។
ការលើកឡើងរបស់អភិបាលខេត្តរតនគីរី បានធ្វើឡើងនៅ ក្នុងជំនួបពិភាក្សាការងារជាមួយ លោក យ៉ាន ស្កាតស៊ីហ្គីណូ តំណាងឯកអគ្គរដ្ឋទូតកាណាដា ប្រចាំប្រទេសកម្ពុជា នារសៀលថ្ងៃទី០៨ ខែធ្នូនេះ នៅ សាលាខេត្ត។
លោក ញ៉ែម សំអឿន បានជម្រាបតំណាងឯកអគ្គរដ្ឋទូតកាណាដាថា ខេត្តរតនគិរីមានសក្ដានុពលខ្លាំងសម្រាប់វិស័យទេសចរណ៍ ដោយសារខេត្តមានរមណីយដ្ឋានទេសចរណ៍ស្អាតៗទាក់ទាញភ្ញៀវទេសចរជាតិ និងអន្ដរជាតិ ល្បីល្បាញទូទាំងប្រទេស ក៏ដូចជាទៅ ដល់ក្រៅ ប្រទេស ដែលបានរួមចំណែកយ៉ាងសំខាន់ក្នុងការអភិវឌ្ឍខេត្ត។
លោកអភិបាលខេត្ត បានបន្តទៀតថា ក្រៅ ពីនេះខេត្តរតនគិរីមានផ្ទៃដីល្អមានជីជាតិសម្រាប់វិស័យកសិកម្ម និងការដាំដុះលើដំណាំកសិកម្ម និងកសិឧស្សាហកម្មផងដែរ។
លោកអភិបាលខេត្តសង្ឃឹមថា នឹងមានក្រុមហ៊ុនពីប្រទេសកាណាដា បន្ថែមទៀតមកធ្វើការវិនិយោគ លើទឹកដីដ៏សម្បូរបែបនេះ ក្នុងពេលឆាប់ៗខាងមុខ។
លោក យ៉ាន ស្កាតស៊ីហ្គីណូ តំណាងឯកអគ្គរដ្ឋទូតកាណាដា ប្រចាំប្រទេសកម្ពុជា បានបង្ហាញនូវអារម្មណ៍សប្បាយរីករាយដែលបានមកដល់ខេត្តរតនគិរី បានឃើញការអភិវឌ្ឍក្នុងខេត្ត ក៏ដូចជារមណីយដ្ឋានស្អាតៗ មានក្រុមហ៊ុនមកពីប្រទេសកាណាដាធ្វើការវិនិយោគក្នុងខេត្តរតនគិរី ដើម្បីរួមចំណែកជាមួយរាជរដ្ឋាភិបាលកម្ពុជាក្នុងការកាត់បន្ថយភាពក្រីក្រជូនប្រជាពលរដ្ឋកម្ពុជា ពិសេសជួយដល់បងប្អូនជនជាតិដើមភាគតិច៕
អត្ថបទ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង