ព័ត៌មានជាតិ
តាង៉ែននៅថៃនឹងស្អុយចោល ទើបត្រូវការពលកម្មពីខ្មែររាប់ម៉ឺននាក់
ភ្នំពេញ៖ លោក អន ប៊ុនហាក់ ប្រធានសមាគមទីភ្នាក់ងារហត្ថពលកម្មកម្ពុជាបានមានប្រសាសន៍នៅ រសៀលថ្ងៃទី១៤ធ្នូនេះថា ថៃត្រូវការកម្លាំងពលកម្មខ្មែរប្រមាណ២ទៅ ៣ម៉ឺននាក់ ដើម្បីទៅ បេះផ្លែឈើនៅ តាមចំការកសិកម្មនានាតាមរដូវនៅ ជាប់ព្រំដែនកម្ពុជា‑ថៃ។
កម្លាំងពលកម្មខ្មែរប្រមាណ២ទៅ ៣ម៉ឺននាក់នោះ នឹងត្រូវបញ្ជួនពីខេត្តបាត់ដំបងនិងខេត្តប៉ៃលិន ដើម្បីបេះផ្លែឈើពិសេសផ្លែតាង៉ែននៅ ខេត្តចន្ទបូរីថៃ។
«តាមអ្វីដែលខ្ញុំបានដឹងភាគីថៃក្នុងកំឡុងខែធ្នូនិងខែមករានេះ ពលករតាមរដូវកាលឬទៅព្រឹកវិលល្ងាចនេះអាចមានពី ២ទៅ ៣ ម៉ឺននាក់ ពីព្រោះជារដូវការបេះផ្លែតាង៉ែនដែលឱ្យផលក្នុងខែ១២និងខែ១។ អីចឹងត្រូវការកម្លាំងពលកម្មបន្ទាន់»។
កសិករថៃបានដាក់សម្ពាធដល់រដ្ឋាភិបាល ដើម្បីសុំចរចារជាមួយខេត្តជាប់ព្រំដែនពិសេសខេត្តនៅជាប់ខេត្តចន្ទបូរីដែលមានខេត្តបាត់ដំបងនិងប៉ៃលិនបើកច្រកឱ្យពលករខ្មែរអាចចេញទៅបេះផ្លែតាង៉ែនបាន ព្រោះថាបើអត់មានពលករខ្មែរទៅទេបេះអត់ទាន់អាចខូចស្អុយចោល។
លោកបានបន្តទៀតថា កន្លងមកការប្រមូលផលកសិកម្មថៃគឺពឹងផ្អែកលើកម្លាំងកពលកម្មខ្មែរសុទ្ធសាធតែម្តង។ បើមិនមានកម្លាំងពលកម្មខ្មែរទេ ផលិតផលកសិកម្មទាំងនោះនឹងត្រូវខូចទាំងអស់នៅតាមព្រំដែន។ ដូចនេះចង់ឬមិនចង់រាជរដ្ឋាភិបាលថៃ ត្រូវតែចំណាយប៉ុន្មានក៏ត្រូវតែធ្វើដែរ ដើម្បីធ្វើយ៉ាងណាឲ្យមានកម្លាំងពលកម្មគ្រប់គ្រាន់ទៅ ជួយដល់កសិករដើម្បីប្រមូលផលបានទាន់ពេលវេលា។
លោក ឃឹម ទិព្វមន្នី ប្រធានស្នាក់ការច្រកទ្វាអន្តរជាតិដូងស្រុកកំរៀងខេត្តបាត់ដំបងបានឱ្យដឹងថា តាមការព្រមព្រៀងគ្នារវាងភាគីកម្ពុជានិងថៃ គឺថៃអនុញ្ញាតឱ្យនាំពលករខ្មែរទៅ ធ្វើការនៅ ខេត្តចន្ទបូរី ប្រទេសថៃតាមច្រកអន្តរជាតិនេះមួយសប្តាហ៍ ២ថ្ងៃគឺថ្ងៃអង្គារនិងថ្ងៃពុធ។
លោកបញ្ជាក់ថា ក្នុងសប្តាហ៍ទី១ នាថ្ងៃទី០៨ទៅទី០៩ ធ្នូ មានពលករខ្មែរសរុបប្រមាណ២០០នាក់ ត្រូវបានបញ្ជូនទៅ ធ្វើការសាកល្បង បើសិនជាការធ្វើការរលូនមិនមានបញ្ហាអ្វី ភាគីថៃនឹងបន្ថែមថ្ងៃដើម្បីបញ្ជូនពលករខ្មែរទៅធ្វើការនៅប្រទេសថៃបន្ថែមទៀត។
លោក ឃឹម ទិព្វមន្នី បានបន្តថា ពលករខ្មែរដែលបញ្ជូនទៅធ្វើការនៅខេត្តចន្ទបូរីប្រទេសថៃ គឺត្រូវបំពេញលក្ខណ្ឌមួយចំនួនហើយស្ថិតនៅក្រោមការត្រួតពិនិត្យពីមន្រ្តីច្រកទ្វាព្រំដែននិងមន្រ្តីមន្ទីរការងារជាដើម និងត្រូវមានក្រុមហ៊ុននិងថៅ កែមកធានាច្បាស់លាស់។ បន្ថែមពីនោះត្រូវមានឯកសារភ្ជាប់ខ្លួនមួយចំនួនដូចជាបណ្ណព្រំដែន, បណ្ណចាក់វ៉ាក់សាំង២ដងយ៉ាងតិច ប័ណ្ណពិនិត្យសុខភាព ដែលបង្ហាញពីការធ្វើតេស្តរហ័សមិនលើសពី៧២ម៉ោង។ ពេលទៅ ដល់ប្រទេសថៃត្រូវធ្វើតេស្តរហ័សម្ដងទៀត និងធ្វើចត្តាឡីស័ក ១សប្តាហ៍រួចធ្វើតេស្តរកមេរោគកូវីដ១៩ ដោយម៉ាស៊ីនPCR ម្ដងទៀតទើបអនុញ្ញាតឱ្យចូលធ្វើការ៕
អត្ថបទ៖ សំអឿន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ