អ្នក​ភ្នំពេញ មក​ដឹង​ទីតាំង​ចាក់​វ៉ាក់សាំង​​ដូស​ជំរុញ​បែងចែក​​ទាំង ១៤ ខណ្ឌ

រដ្ឋបាលរាជធានីជូនដំណឹងពីការចាក់វ៉ាក់សាំងបង្ការជំងឺកូវីដ-១៩ ដូសទី៤ ជូនមន្ត្រីរាជការនិងពលរដ្ឋ ចាប់ពីថ្ងៃទី១៤ មករា នៅទីតាំងដែលបានកំណត់រួច។ ប្រជាពលរដ្ឋនៅក្នុងភូមិសាស្ត្ររាជធានីភ្នំពេញដែលបានចាក់វ៉ាក់សាំងបង្ការ ជំងឺកូវីដ-១៩ ដួសជំរុញ ឬដូសទី៣ ហើយមានគម្លាតចាប់ពី៤ខែឡើង អាច​ទៅ​ទទួល​ការ​ចាក់វ៉ាក់សាំង​នៅទីតាំងក្នុងតារាងឧបសម្ព័ន្ធ ស្របតាមកាលបរិច្ឆេទកំណត់​រួច។

ចំពោះឯកសារតម្រូវចាំបាច់ដែលត្រូវភ្ជាប់មកជាមួយរួមមាន (១) ប័ណ្ណចាក់វ៉ាក់សាំងកូវីដ-១៩ (២) ប័ណ្ណ សម្គាល់ខ្លួនមន្ត្រីរាជការ-បុគ្គលិក និង (៣) អត្តសញ្ញាណប័ណ្ណសញ្ជាតិខ្មែរ ឬ ឯកសារដែលបានប្រើប្រាស់ក្នុងការ ចាក់វ៉ាក់សាំងដូសទី១ ព្រមទាំងត្រូវគោរពនូវលក្ខខណ្ឌនៃការទទួលបានវ៉ាក់សាំងដូសទី៤ ពោលគឺធានានូវគម្លាត រយៈពេល ០៤ (បួន) ខែ គិតចាប់ពីកាលបរិច្ឆេទនៃការចាក់វ៉ាក់សាំងដូសជំរុញ ឬដូសទី៣។

អត្ថបទ៖ ស្រីរ័ត្ន