ព័ត៌មានជាតិ

ឆ្មក់បង្ក្រាបទីតាំងលួចលាក់លេងល្បែងបញ្ជល់មាន់មួយ កន្លែងរឹបអូសបានតែម៉ូតូជាង២០គ្រឿង

បានផុស

៣ years មុន

នៅ

ថ្ងៃចន្ទ ១៤ ធ្នូ ២០២០

ដោយ

តាកែវ ៖ ទីតាំងលួចលាក់លេងល្បែងបញ្ជល់មានមួយកន្លែងនៅស្រុកគីរីវង់ ត្រូវបានសមត្ថកិច្ចចុះបង្ក្រាបទាំងកណ្តាលថ្ងៃត្រង់ នឹងរឹបអូសបានម៉ូតូជាង២០គ្រឿង ចំណែកអ្នកលេងរត់បាត់អស់រកតែម្នាក់យកធ្វើថ្នាំគ្មាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមានចង្អុលបង្ហាញពីសំណាក់លោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ និងមានការសម្របសម្រួលពីលោកព្រះរាជអាជ្ញាអមសាលាដំបូងខេត្តតាកែវផងនោះ នៅថ្ងៃទី១៤ ខែធ្នូ ឆ្នាំ២០២០ វេលាម៉ោង១២និង៤៥នាទី កម្លាំងជំនាញនៃអធិការដ្ឋាននគរបាលស្រុកគីរីវង់ ដឹកនាំបញ្ជាដោយលោកវរសេនីយ៍ឯក យុគ សា រ៉ាត់ អធិការនគរបាលស្រុក បានចុះបង្ក្រាបកន្លែងជល់មាន់មួយកន្លែង ដែលបានលួចលេងក្នុងដីវាលដែលជាកម្មសិទ្ធិរបស់ឈ្មោះ ជន រឹម ភេទស្រី អាយុ៨២ឆ្នាំ (ចាស់ជរា) ស្ថិតនៅភូមិអណ្តូងធំ ឃុំគោកព្រេច ស្រុកគិរីវង់ ខេត្តតាកែវ។ ជាលទ្ធផលអ្នកលេងជល់មាន់ទាំងអស់បានដឹងខ្លួនរត់គេចបាត់អស់ សល់តែវត្ថុតាងមានជញ្ជីងថ្លឹងមាន់ចំនួន០១ និងម៉ូតូចំនួន២៥គ្រឿង យកមកធ្វើកំណត់ហេតុ។

បច្ចុប្បន្នកម្លាំងជំនាញនៃអធិការស្រុកគីរីវង់បានយកវត្ថុតាងធ្វើការកំណត់មុខសញ្ញាអ្នកលេងល្បែងជល់មាន់ទាំងអស់ដែលកំពុងរត់គេចខ្លួន ដើម្បីយកមកផ្តន្ទាទោសតាមច្បាប់៕
ដោយ ៖ វីរៈ