សន្តិសុខសង្គម
ប្រធានផ្សារ ២ រូប ចុះធ្វើកិច្ចសន្យាដល់ម្ចាស់ជួលដាក់ទីតាំងកត់ឆ្នោត ឱ្យបញ្ឈប់ជាបន្ទាន់
លោក គួច ចំណាន ប្រធានផ្សារច្បារអំពៅ (ផ្សារលើ) និង លោក សាន់ ប៊ុនណា ប្រធានផ្សារបន្លែច្បារអំពៅ (ផ្សារក្រោម) បានរួមគ្នាចុះទៅធ្វើកិច្ចសន្យាដល់ទីតាំងដែលធ្លាប់ជួលឱ្យអ្នកកត់ឆ្នោតធ្វើអាជីវកម្ម ត្រូវបញ្ឈប់ជាបន្ទាន់ព្រោះខុសនឹងផ្លូវច្បាប់។
ការចុះធ្វើកិច្ចសន្យាដល់ផ្ទះជួលឱ្យអ្នកកត់ឆ្នោតនេះបានធ្វើឡើង នៅថ្ងៃទី២៨ ខែមីនា ដែលមានចំនួន៥ទីតាំង ក្នុងនោះមាន៖ ផ្សារលើចំនួន៣ និងផ្សារក្រោមចំនួន២។
លោក សាន់ ប៊ុនណា បានប្រាប់ឱ្យ កម្ពុជាថ្មី ដឹងថា រាល់ថ្ងៃនេះ ទីតាំងដែលធ្លាប់ជួលឱ្យអ្នកកត់កន្ទុយលេខបានបិទទាំងស្រុងហើយ ប៉ុន្តែថ្ងៃនេះគណៈកម្មការផ្សារទំាង២ បានចុះមកធ្វើកិច្ចសន្យាបញ្ឈប់ការលួចជួលព្រោះខុសនឹងច្បាប់ ហើយបើសិនជាហ៊ានបន្តជួលទៀតនោះ នឹងត្រូវមានវិធានការណ៍តាមផ្លូវច្បាប់ ដោយមិនលើកលែង នោះឡើយ។
ជាមួយគ្នានោះដែរ លោកប្រធានផ្សារទាំង២ បានសំណូមពរឱ្យអាជីវករទាំងអស់រួមទាំងបងប្អូនប្រជាពលរដ្ឋកុំនាំគ្នាយកលុយដែលលំបាករកបំផុតទៅលួចចាក់ឆ្នោតផ្សងសំណាងរហូតដល់ក្រខ្លួនជំពាក់លុយធនាគារសឹងគ្រប់ៗគ្នា។
បើតាមប្រភពពីអ្នកលេងឆ្នោតបានលួចខ្សឹបឱ្យដឹងថា រាល់ថ្ងៃទាំងអ្នកចាក់ និងអ្នកទទួលឆ្នោតគេមិនដែលយកក្រដាស់កត់ឆ្នោតទៅចាក់ដូចរាល់ដងនោះទេ ផ្ទុយទៅគេចាក់តាមប្រព័ន្ធតេឡេក្រាម និងប្រព័ន្ធផ្សេងៗទៀត លុះត្រាតែចាប់មេក្លោងធំបានទើបអាចលុបបំបាត់បានទាំងស្រុង។
សូមជម្រាបថា ការចុះណែនាំ និងធ្វើកិច្ចសន្យាដល់ម្ចាស់ជួលដាក់ទីតាំងកត់ឆ្នោត ក្នុងផ្សារទំាងពីរខាងលើនេះ ស្ថិតនៅភូមិកណ្ដាល សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ៕
អត្ថបទ ៖ នរា
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា