Connect with us

នយោបាយ

អ្នកនាំពាក្យ៖ សម្ដីរបស់ទណ្ឌិត សម រង្ស៊ី លែងបានការសម្រាប់បក្សប្រឆាំងនៅកម្ពុជាទៀតហើយ

បានផុស

នៅ

អ្នកនាំពាក្យបក្សកាន់អំណាច លោក សុខ ឥសាន បានវាយតម្លៃថា រាល់ទង្វើ រាល់សម្ដី រាល់ការអំពាវរបស់ទណ្ឌិតមេឧទ្ទាមក្រៅច្បាប់ សម រង្ស៊ី ដែលឱ្យបក្សប្រឆាំងរួបរួមគ្នា ដើម្បីបង្កើនកម្លាំងប្រជាធិបតេយ្យនោះ គឺលែងមានន័យ ឥទ្ធិពល មកលើបក្សប្រឆាំងដែលកំពុងធ្វើសកម្មភាពនយោបាយនៅក្នុងប្រទេសកម្ពុជាទៀតហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុខ ឥសាន ចេញមកវាយតម្លៃបែបនេះ គឺនៅក្រោយពេលដែលទណ្ឌិត សម រង្ស៊ី  ធ្វើពិធីជួបជុំនៅរដ្ឋកាលីហ្វញ៉ា សហរដ្ឋអាមេរិក ហើយបានអំពាវនាវឱ្យគណបក្សបក្សប្រឆាំងនៅកម្ពុជា ជាពិសេសគណបក្សភ្លើងទៀន បក្សឆន្ទៈខ្មែរ បក្សកម្លាំងជាតិ រួបរួមគ្នា ដើម្បីបង្កើនកម្លាំងប្រជាធិបតេយ្យ។

សម្រាប់លោក សុខ ឥសាន មូលហេតុដែលលោកហ៊ានវាយតម្លៃថាសម្ដីរបស់ទណ្ឌិត សម រង្ស៊ី លែងមានឥទ្ធិពលមកលើគណបក្សប្រឆាំងនៅកម្ពុជា ព្រោះតែលោកសំអាងលើលទ្ធផលនៃការបោះឆ្នោតជ្រើសតាំងសមាជិកព្រឹទ្ធសភានាពេលថ្មីៗនេះ។ តាមលោក សុខ ឥសាន លទ្ធផលបោះឆ្នោតព្រឹទ្ធសភា ដែលគណបក្សប្រជាជនកម្ពុជាទទួលបានអាសនៈចំនួន៥៥ នៃ៥៨អាសនៈ ចំណែកបក្សឆន្ទៈបានសម្លេងឆ្នោតតែ៣អាសនៈ  បានបង្ហាញឱ្យឃើញថា បក្សប្រឆាំងបានបែកបាក់គ្នា លែងស្ដាប់តាមសម្ដីរបស់ទណ្ឌិត សម រង្ស៊ី។

ជាការកត់សម្គាល់ នេះមិនមែនជាលើកទីមួយឡើយ ដែលទណ្ឌិត សម រង្ស៊ី បានអំពាវនាវឱ្យសមាជិកបក្សប្រឆាំងក្នុងស្រុក រួបរួមគ្នា ដើម្បីយកឈ្នះលើការបោះឆ្នោតនៅកម្ពុជា។ ជាក់ស្ដែងនាពេលថ្មីៗ ទណ្ឌិតដែលកំពុងជ្រកកោននៅក្រៅប្រទេសរូបនេះ បានអំពាវនាវឱ្យគណបក្សកម្លាំងជាតិ រួបរួមជាមួយបក្សភ្លើងទៀន ដើម្បីប្រកួតប្រជែងជាមួយគណបក្សប្រជាជនកម្ពុជា ក្នុងការបោះឆ្នោតជ្រើសរើសសមាជិកព្រឹទ្ធសភានីតិកាលទី៥។ ប៉ុន្តែគណបក្សកម្លាំងជាតិ មិនបានចាប់ដៃគ្នាជាមួយបក្សភ្លើងទៀនឡើយ ផ្ទុយទៅវិញបក្សទាំងពីរ បានដើរផ្លូវរៀងខ្លួន។

ការដើរលើផ្លូវនយោបាយរៀងខ្លួន និងការលែងស្ដាប់តាមសម្ដីទណ្ឌិត សម រង្ស៊ី បានច្រានឱ្យបក្សឆន្ទៈខ្មែរដែលជាសម្ព័ន្ធភាពរបស់គណបក្សភ្លើងទៀនបានត្រឹម៣អាសនៈប៉ុណ្ណោះ ឯបក្សកម្លាំងជាតិគ្មានបានអាសនៈសូម្បីតែមួយអាសនៈ ក្នុងការបោះឆ្នោតជ្រើសរើសសមាជិកព្រឹទ្ធសភា កាលពីថ្ងៃទី២៥ ខែកុម្ភៈ ឆ្នាំ២០២៤​កន្លងទៅថ្មីៗនេះ៕

ដោយ៖ ង៉ិល ណារ៉ាត់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១២ នាទី មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃ លើការផ្គត់ផ្គង់សម្ភារកីឡាគ្រប់ប្រភេទ សង្ហារឹម សម្ភារបរិក្ខាបច្ចេកទេសព័ត៌មានវិទ្យា និងមិនមែនមែនព័ត៌មានវិទ្យា ឆ្នាំ ២០២៤

ព័ត៌មានអន្ដរជាតិ១៣ នាទី មុន

អ៊ីស្រាអែល យល់ព្រមដោះលែងអ្នកទោសប៉ាឡេស្ទីន ៧០០នាក់

ព័ត៌មានអន្ដរជាតិ១៣ នាទី មុន

ចិន ត្រៀមបន្ថែមរោងចក្រវៃឆ្លាតដល់ ១០០ ត្រឹមឆ្នាំ ២០២៦

ព័ត៌មានជាតិ១៥ នាទី មុន

គណៈមេធាវីកម្ពុជា បង្កើតក្រុមមេធាវីជួយដោះស្រាយបញ្ហាពលរដ្ឋរងគ្រោះដោយសារក្រុមហ៊ុន CIC មិនគិតថ្លៃ

ព័ត៌មានអន្ដរជាតិ១៩ នាទី មុន

ប៉ូលិស ថៃ ដាក់ទោសភេទទី ៣ ម្នាក់ជាប់ពន្ធនាគារ ៥ ឆ្នាំ ក្រោមបទចោទប្រកាន់ថតរូបស៊ិចស៊ីមុខទីសក្ការៈ

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៥ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៤ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

សន្តិសុខសង្គម១ ថ្ងៃ មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

Sokha Hotels

ព័ត៌មានពេញនិយម