Connect with us

ព័ត៌មានអន្ដរជាតិ

កាណាដា ប្ដឹងក្រុមហ៊ុន Meta, Snapchat និង TikTok ពីបទរំខានការ​សិក្សារបស់សិស្ស

បានផុស

នៅ

ក្រុមប្រឹក្សាសាលាធំៗចំនួន ៤ នៅក្នុងខេត្ត Ontario របស់ប្រទេសកាណាដាបានដាក់ពាក្យប្តឹងប្រឆាំងនឹងកម្មវិធីកម្សាន្ត TikTok, ក្រុមហ៊ុន Meta និង SnapChat ដោយចោទប្រកាន់ថា វេទិកាប្រព័ន្ធផ្សព្វផ្សាយសង្គមទាំងនេះកំពុងរំខានដល់ការសិក្សារបស់សិស្ស ។ នេះបើយោងតាមការចេញផ្សាយរបស់សារព័ត៌មាន AP នៅថ្ងៃទី២៩ ​​ខែមីនានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក្យបណ្ដឹងនេះប្រឆាំងនឹងវេទិកាដូចជា Facebook ,TikTok, SnapChat និង Instagram បន្ទាប់ពីកម្មវិធីទាំងនេះកំពុងបង្កឲ្យកុមារញៀននឹងការប្រើប្រាស់ ប៉ះពាល់ដល់ការគិត ដល់អាកប្បកិរិយា និងការរៀនសូត្ររបស់កុមារ ជាពិសេសធ្វើឲ្យគ្រូបង្រៀនពិបាកក្នុងការគ្រប់គ្រងជាដើម ។

ទន្ទឹមនឹងនោះ ពួកគេក៏កំពុងស្វែងរកសំណងលើការខូចខាតលើសពី ៤ ពាន់លានដុល្លារកាណាដា ស្មើរនឹង ២.៩ ពាន់លានដុល្លារសម្រាប់ការរំខានដល់ការសិក្សារបស់សិស្ស និងប្រព័ន្ធអប់រំប្រទេសកាណាដាផងដែរ ។

ពាក់ព័ន្ធនឹងបញ្ហានេះដែរ អ្នកនាំពាក្យរបស់ Snap Inc. លោកស្រី Tonya Johnson ក៏បានចេញបកស្រាយពីមុខងាររបស់ Snapchat ផងដែរថា មិនជាប់ទាក់ទិននឹងរឿងរ៉ាវនេះនោះទេ ខណៈអ្នកតំណាងរបស់ក្រុមហ៊ុន Meta និង ByteDance មិនបានឆ្លើយតបភ្លាមៗចំពោះសំណើសុំការអត្ថាធិប្បាយនោះឡើយ ។

គួរបញ្ជាក់ថា រដ្ឋជាច្រើននៅសហរដ្ឋអាមេរិក រួមទាំងរដ្ឋកាលីហ្វ័រញ៉ា និងញូវយ៉ក ក៏កំពុងប្តឹងក្រុមហ៊ុន Meta ផងដែរពីបទបង្កគ្រោះថ្នាក់ដល់យុវជន និងរួមចំណែកដល់វិបត្តិសុខភាពផ្លូវចិត្តរបស់យុវជន ដោយបង្កើតលក្ខណៈពិសេសនៅលើ Instagram និង Facebook ដោយចេតនា ហើយធ្វើឲ្យកុមារញៀននឹងវេទិការបស់ខ្លួន ៕

អត្ថបទ ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម