ជីវិតកម្សាន្ដ

ផ្ទះបាយភូមិខ្មែរ ម៉ាកយីហោខ្មែរថ្មី តែមានឆន្ទៈយ៉ាងមោះមុត ក្នុងការចូលរួមអភិរក្ស និងអភិវឌ្ឍន៍ម្ហូបខ្មែរ កេរដំណែលជាតិ

បានផុស

២ years មុន

នៅ

ថ្ងៃសុក្រ ២៩ មីនា ២០២៤

ដោយ

អ៊ិន ពិសី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភោជនីយដ្ឋាន ផ្ទះបាយភូមិខ្មែរ ដែលមានទីតាំងនៅ ផ្ទះលេខ១២, ផ្លូវលេខ៣៧០, សង្កាត់បឹងកេងកងទី១ ខណ្ឌចំការមន, រាជធានីភ្នំពេញ បានដាក់សម្ពោធជាផ្លូវការកាលពីថ្ងៃទី ២៦ ខែមីនា ឆ្នាំ២០២៤នេះ ក្រោមអធិបតីភាព លោកជំទាវ ឡងឌី សាន់ណារ៉ា រដ្ឋលេខាធិការជាតំណាងដ៏ខ្ពង់ខ្ពស់ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ។

លោកស្រី ហ៊ុក ស្រីហួរ អគ្គនាយិកា ភោជនីយដ្ឋានផ្ទះបាយភូមិខ្មែរ បានមានប្រសាសន៍ថា៖ “នៅផ្ទះបាយភូមិខ្មែរ ពួកយើងបានសិក្សាស្រាវជ្រាវបន្ថែម គាស់កកាយ សម្រិតសម្រាំងពាំនាំមកជូននូវម្ហូបខ្មែរ បង្អែមខ្មែរពិតៗ រសជាតិដើមដ៏ឈ្ងុយឆ្ងាញ់ពីតាមតំបន់នានានៅក្នុងព្រះរាជាណាចក្រកម្ពុជា ដូច្នេះវាកាន់តែភាពងាយស្រួលដល់បងប្អូន លោក លោកស្រី អ៊ំ ពូ មីង ដែលនិយមចូលចិត្ត ម្ហូបខ្មែរពិតៗ អាចអញ្ចើញមកទទួលយកភោជនីយដ្ឋានផ្ទះបាយភូមិខ្មែរ។

ពួកយើងប្តេជ្ញាបម្រើជូនតែអាហារដែលមានសុវត្ថិភាព ប្រើប្រាស់ផលិតផលខ្មែរ គ្រឿងផ្សំ បន្លែ សាច់ ផ្លែឈើ ដែលដាំដុះដោយប្រជាកសិករនៅតាមសហគមន៍ខ្មែរនានា។ ផ្ទះបាយភូមិខ្មែរ ត្រូវបានបង្កើតឡើងមិនមែនតែក្នុងបំណងអាជីវកម្មដើម្បីប្រាក់ចំណេញតែមួយមុខទេ តែដោយក្តីស្រលាញ់ម្ហូបខ្មែរ និងមានចេតនាដោយស្មោះចង់ចូលរួមចំណែកជាមួយសហគ្រិនខ្មែរដទៃទៀតដើម្បីលើកស្ទួយ អភិរក្ស និងអភិវឌ្ឍម្ហូបខ្មែរ កេរតំណែលជាតិ អោយកាន់តែរីកសុះសាយនៅក្នុងចំណោមប្រជាជនខ្មែរផ្ទាល់ និងដើម្បីទទួលស្វាគមន៍ភ្ញៀវបរទេសដែលអញ្ជើញមកកម្សាន្តក្នុងប្រទេសកម្ពុជា ព្រមទាំងដើម្បីជួយផ្សព្វផ្សាយម្ហូបខ្មែរ ម៉ាកយីហោខ្មែរទៅកាន់ពិភពលោកផងដែរ។ ”

លោកស្រីក៏សូមអំពាវនាវឲ្យមានការជួយគាំទ្រប្រើប្រាស់ផលិតផលខ្មែរ ម៉ាកយីហោខ្មែរឲ្យកាន់តែផុសផុល មិនថាផ្ទះបាយភូមិខ្មែរ ឬម៉ាកយីហោខ្មែរដទៃទៀត ដើម្បីជួយជាចលករជំរុញចរន្តសេដ្ឋកិច្ចក្នុងសហគមន៍យើង។

ក្នុងឱកាសចូលរួមពិធីសម្ពោធភោជនីយដ្ឋាន ផ្ទះបាយភូមិខ្មែរ លោកជំទាវ ឡងឌី សាន់ណារ៉ា រដ្ឋលេខាធិកាក្រសួងវប្បធម៌ និងវិចិត្រសិល្បៈ បានមានប្រសាសន៍ថា ថ្វីត្បិតតែពេលនេះ មានម្ហូបបរទេសជាច្រើនបាន និងកំពុងតែធ្វើចរាចរណ៍នៅក្នុងប្រទេសយើងក៏ពិតមែន តែម្ហូបខ្មែរ នៅតែមានរក្សាបានប្រជាប្រិយភាព ពេញនិងទូទាំងប្រទេស។ ពិធីសម្ពោធនារាត្រីនេះប្រៀបបាននឹងការកសាងស្ពានឆ្លងដើម្បីពាំនាំមរតកម្ហូបខ្មែរដល់កូនខ្មែរជំនាន់ក្រោយ កាន់តែច្បាស់។

សូមបញ្ជាក់ផងដែរថា ផ្ទះបាយភូមិខ្មែរ បានធ្វើការស្រាវជ្រាវ ចងក្រងដោយសម្រិតសម្រាំងបាននូវជម្រើសម្ហូបខ្មែរបង្អែមខ្មែរ ដ៏សម្បូរបែប រហូតដល់ជាង ៣០០ មុខពីតាមតំបន់នានា ក្នុងនោះរួមមានខេត្តសៀមរាប បាត់ដំបង ពោធិ៍សាត់ ស្វាយរៀង កំពត មណ្ឌលគិរី រតនៈគិរី ស្ទឹងត្រែងផងដែរ។ល។ ភោជនីយដ្ឋានផ្ទះបាយភូមិខ្មែរ មិនផ្តោតលើតែអាហារប៉ុណ្ណោះទេ តែនាំមកនូវផងដែរនូវបទពិសោធរបស់អតិថិជនជារួម រាប់ពីការធ្វើបដិសណ្ឋាកិច្ចដ៏កក់ក្តៅ បរិយាកាសប្រកបដោយផាសុកភាព រួមនឹងសោភ័ណភាព រចនាបថនៃការតុបតែងហាងដែលផ្សារភ្ជាប់ជាមួយប្រពៃណី និងសិល្ប:បែបខ្មែរផងដែរ។

ព័ត៌មានទំនាក់ទំនង៖

លេខទូរសព្ទ÷ 085 836 688/ 015 836 688

តេលេក្រាម៖ T.me/pbkh_pp

ហេ្វសប៊ុកផេក៖ ភោជនីយដ្ឋាន ផ្ទះបាយភូមិខ្មែរ-Phteah Bay Phoum Khmer Restaurant

អាសយដ្ឋាន៖ ផ្ទះលេខ12 ផ្លូវ370 សង្កាត់បឹងកេងកង1 ខណ្ឌចំការមន រាជធានីភ្នំពេញ។

ខាងក្រោមនេះជាវីដេអូផ្សព្វផ្សាយផលិតដោយ ផ្ទះបាយភូមិខ្មែរ ដែលមានឈុតឆាកបែបខ្មែរគួរឲ្យទាក់ទាញ មានចំណងជើងថា“ម្ហូបខ្មែរជារតនៈសម្បត្តិដ៏ថ្លៃថ្លា”៕