សេដ្ឋកិច្ច
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
មន្ត្រីជាន់ខ្ពស់ធនាគារជាតិនៃកម្ពុជា បានអះអាងថា ក្រដាសប្រាក់ ៥ម៉ឺរៀល ដែលមានគូសឆ្នូតកណ្តាល ឬលុយរហែក លុយចាស់ៗ លុយបិទអាចយកប្តូរនៅធនាគារជាតិ ឬសាខាធនាគារនិងគ្រឹះស្ថានហិរញ្ញវត្ថុបាន ដោយមិនមានការកាត់តម្លៃអ្វីទាំងអស់។
ការអះអាងនេះ បានធ្វើឡើងបន្ទាប់ពីមានការបង្ហោះតាមបណ្តាញសង្គមតេកតុក ឬហ្វេហ៊ុកមួយចំនួន ដែលបានផ្សព្វផ្សាយកន្លងមកថា ក្រដាសប្រាក់ ៥ម៉ឺនរៀល ដែលមានការគូសឆ្នូតកណ្តាល ឬលុយរហែក ឬលុយចាស់ៗ ស្មើនឹងតម្លៃសូន្យមិនអាចដូរវិញបានទេ។
ថ្លែងក្នុងពិព័រណ៍ ការប្រគុំតន្ត្រីនិងការប្តូរក្រដាសប្រាក់រៀលរហែក ទក់និងចាស់យកក្រដាសប្រាក់ថ្មីដោយឥតគិតថ្លៃនៅផ្សារទំនើប ខេ ម៉ល ផ្លូវវ៉េងស្រេង នៅព្រឹកថ្ងៃទី ២៤ ខែមីនា ក្រោមអធិបតីភាពលោក យឹម លាត ទេសាភិបាលរងធនាគារជាតិនៃកម្ពុជា លោក ឈឹម ច័ន្ទកុសលអគ្គបេឡារង ធនាគារជាតិនៃកម្ពុជា បានមានប្រសាសន៍ថាក្រដាស ៥ម៉ឺនរៀល ដែលមានគូសឆ្នួតចំកណ្តាល ដែលបង្ហោះនៅលើទំព័រតេកតុក ឬហ្វេប៊ុកមួយចំនួនថា មិនអាចដូរបាន ឬស្មើនឹងតម្លៃសូន្យនោះ មិនត្រឹមត្រូវទេ គឺអាចធ្វើការដូរក្រដាសប្រាក់ថ្មីវិញបាន ដោយមិនគិតតម្លៃទេ។
លោកបានពន្យល់ថា «ពេលក្រដាសប្រាក់ដែលមិនដិតវាខុសបច្ចេកទេសកកន្លែងណាមួយនោះយើងនឹងយកប៊ិចគូសបណ្តោយព្រោះថាពេលបោះពុម្ពក្រដាសប្រាក់រាប់លានសន្លឹកជូនកាលមានក្រដាស១ចូលមកជាមួយដុំធ្វើចរាចរណ៍ហើយមានប្រជាពលរដ្ឋខ្លះពេលឃើញមានក្រដាសប្រាក់ប្រភេទហ្នឹង ហើយផេកខាងលើបានបង្ហោះថាឱ្យប្រយ័ត្នប្រយែងព្រោះក្រដាសប្រាក់មានតម្លៃស្នើនឹងសូន្យ។ ការពិតប្រជាពលរដ្ឋមានក្រដាសប្រាក់៥ម៉ឺនរៀលដែលមានគូសឆ្នូតអាចយកមកដូរបាននៅធនគារជាតិដោយមិនមានការកាត់តម្លៃទេ ហើយឥឡូវនេះស្នើឱ្យធនគារ និងគ្រឹះស្ថានហិរញ្ញវត្ថុអាចប្តូរលុយចាស់ៗ រហែក ទក់ ឬលុយប្រឡាក់ លុយបិទពីប្រជាពលរដ្ឋពិសេសប្រជាពលរដ្ឋនៅតំបន់ជនបទដាច់ស្រយាលអាចដូរនៅសាខាធនាគារ ឬគ្រឹះស្ថានហិរញ្ញវត្ថុបានដោយមិនមានកាត់តម្លៃអ្វីទាំងអស់»។
លោកបានអំពាវនាវដល់ប្រជាពលរដ្ឋកុំមានការយល់ច្រឡំចំពោះព័ត៌មានដែលបង្ហោះតាមផេកតេកតុក និងហ្វេប៊ុកមួយចំនួន។ បច្ចុប្បន្ននេះ យើងបានចាប់ផ្តើមអនុវត្តរួចហើយចំពោះគ្រឹះស្ថានធនាគារឱ្យដូរយកលុយចាស់ៗ រហែក ទក់ឬលុយប្រឡាក់ លុយបិទពីប្រជាពលរដ្ឋលើកលែងតែលុយក្លែងក្លាយនិងលុយដាច់ជាពីរហើយមានបំណែកខុសគ្នាមិនអាចដូរបានទេនិងលុយដែលមានកណ្តុរកាត់ច្រើនព្រោះធនាគារគ្រឹះស្ថានឯកជនអាចមានការលំបាក។ ប៉ុន្តែលុយដែលមានកណ្តុរកាត់ច្រើនអាចមកដូរនៅធនាគារជាតិបាន ។ យ៉ាងណាក៏ដោយ លោក ឈឹម ច័ន្ទកុសល បានជំរុញឱ្យប្រជាពលរដ្ឋគួរងាកមកប្រើប្រាសប្រាក់រៀលឱ្យបានច្រើន ព្រោះថាការប្រើប្រាស់ប្រាក់ដុល្លារមិនងាយស្រួលទេប្រសិនបើមានការរហែកបន្តិចក៏មានការកាត់ទឹកដែរ ដូចនេះគួរនាំគ្នាប្រើប្រាក់រៀលវាប្រសើរជាង។
គួរបញ្ជាក់ថាដើម្បីចូលរួមចំណែកអបអរសាទរខួបលើកទី៤៤ នៃការបោះផ្សាយក្រដាសប្រាក់រៀល ថ្ងៃទី២០ មីនា ក៏ដូចជាគាំទ្រគោលនយោបាយលើកកម្ពស់ការប្រើប្រាស់ប្រាក់រៀល ធនាគារជាតិនៃកម្ពុជា បានរៀបចំយុទ្ធនាការ “ស្រលាញ់ប្រាក់រៀល” រយៈពេល ១០ថ្ងៃ ពោលគឺចាប់ពីថ្ងៃទី២០ មីនា ដល់ថ្ងៃទី២៩ ខែមីនា ឆ្នាំ២០២៤ ដោយបើកទទួលប្តូរលុយរៀលចាស់ៗ ដោយមិនកាត់ខាតឡើយ។ ក្នុងយុទ្ធនាការ “ស្រលាញ់ប្រាក់រៀល” រយៈពេល ១០ថ្ងៃនេះ ដោយមានការសហការជាមួយគ្រឹះស្ថានធនាគារ និងហិរញ្ញវត្ថុទទួលប្រាក់បញ្ញើតាមខេត្ត-ក្រុង ធនាគារជាតិនៃកម្ពុជា ក្នុងនាមជាអាជ្ញាធររូបិយវត្ថុជាតិ សារធាណជនទាំងអស់ អាចយកក្រដាសប្រាក់រៀលចាស់ៗ ទក់ និងរហែក មកប្តូរនៅគ្រប់សាខា របស់ធនាគារជាតិនៃកម្ពុជា ខេត្ត-ក្រុង ដោយមិនកាត់ខាតឡើយ៕
អត្ថបទ៖សំអឿន
-
ព័ត៌មានជាតិ១ សប្តាហ៍ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
សេដ្ឋកិច្ច៣ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៤ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ១ សប្តាហ៍ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានជាតិ៧ ថ្ងៃ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
ជីវិតកម្សាន្ដ១ សប្តាហ៍ ago
តារាចម្រៀងហុងកុង Steven Cheung ធ្លាក់ខ្លួនខ្លាំង សូម្បីលុយបង់ភ្លើងក៏គ្មានផង
-
ព័ត៌មានអន្ដរជាតិ១ សប្តាហ៍ ago
ត្រីនៅ វៀតណាម ងាប់អណ្ដែតត្រៀបត្រាពេញផ្ទៃទឹក ខណៈរលកកម្ដៅកំពុងអុកឡុកខ្លាំង
-
ជីវិតកម្សាន្ដ៤ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV