អាជីព
យុវជនម្នាក់ បង្កើតមាតិកាស្ដីពីការដាំដុះបន្លែ និងចិញ្ចឹមសត្វ ទទួលបានការគាំទ្រពីមហាជន
មហាជនមួយចំនួន ប្រាកដជាបានស្គាល់ ម្ចាស់ផេកហ្វេសប៊ុក រៀនដាំ Rean Dam ដែលជាទូទៅតែងតែនិយមបង្កើតវីដេអូស្ដីពីកសិកម្ម ពិសេសការដាំដុះដំណាំចម្រុះ និងការចិញ្ចឹមសត្វ តាមរយៈការផុសនៅលើបណ្ដោញសង្គម ដើម្បីចែករំលែកចំណេះដឹងទៅកាន់មនុស្សទូទៅឱ្យបានយល់ច្បាស់ពីការធ្វើកសិកម្មបែបលក្ខណៈគ្រួសារ។
![](https://www.kampucheathmey.com/wp-content/uploads/2024/03/1-30-1024x576.jpg)
លោក នី ប៊ុនថា ម្ចាស់គណនីហ្វេសប៊ុកផេក រៀនដាំ Rean Dam បានប្រាប់ឱ្យ កម្ពុជាថ្មី ដឹងថា មូលហេតុដែលលោក ជ្រើសរើសបង្កើតមាតិកាជាប្រភេទវីដេអូទាក់ទងនឹងវិស័យកសិកម្ម ពិសេសការដាំដុះបន្លែចម្រុះ និងការចិញ្ចឹមសត្វ ដោយសារតែការស្រឡាញ់ចូលចិត្តជំនាញមួយនេះ។
លោក បន្ថែមថា សម្រាប់ការបង្កើតមាតិកា ដាំដុះដំណាំលក្ខណៈគ្រួសារនេះ គឺលោកចាប់ផ្ដើមតាំងពីឆ្នាំ ២០១៨ មកម្ល៉េះ ប៉ុន្តែការបង្កើតវីដេអូនៅពេលនោះពុំទាន់មានការចាប់អារម្មណ៍ច្រើនពីសំណាក់មហាជនខ្មែរ ដូចពេលបច្ចុប្បន្ននោះឡើយ។
![](https://www.kampucheathmey.com/wp-content/uploads/2024/03/5-23-1024x576.jpg)
លោក នី ប៊ុនថា បានបញ្ជាក់ទៀតថា បច្ចុប្បន្ននេះ លោកបានបង្កើតមាតិកាបង្រៀន ស្ដីពីការដាំដុះបន្លែឱ្យទទួលបានផលល្អ តាមរយៈអនឡាញទៅកាន់អ្នកដែលចង់យល់ច្បាស់ពីវិស័យកសិកម្មដាំដុះបន្លែផ្សេងៗ និងការចិញ្ចឹមមាន់-ទា ជាដើម។
លោក នី ប៊ុនថា បន្តទៀតថា តាមពិតទៅលោកមិនមែនជានិស្សិតរៀនចប់ជំនាញកសិកម្មអ្វីនោះទេ ប៉ុន្ដែដោយសារការស្រឡាញ់កសិកម្ម និងការចង់ចែករំលែក ទើបលោក និងគ្រួសារ បានសម្រេចចិត្តបង្កើតមាតិកា បែបការរៀនដាំដុះបន្លែចម្រុះនៅជុំវិញផ្ទះ រួមផ្សំ និងការស្វែងយល់បន្ថែមទៅនឹងវិស័យកសិកម្ម និងដោយការអនុវត្តផ្ទាល់ជាប្រចាំថ្ងៃ ទៅលើជំនាញនេះ ជាលទ្ធផល ធ្វើឱ្យ លោក នី ប៊ុនថា អាចដាំដុះដំណាំផ្សេងៗ បានយ៉ាងល្អ ព្រមទាំងទទួលបានការគាំទ្រពីសំណាក់មហាជនទូទៅតាមរយៈបណ្ដោញសង្គមហ្វេសប៊ុកផេករបស់លោក ដូចពេលឥឡូវនេះ៕
អត្ថបទ ៖ សួស សិត
![](https://www.kampucheathmey.com/wp-content/uploads/2024/03/8-17-1024x576.jpg)
![](https://www.kampucheathmey.com/wp-content/uploads/2024/03/9-18-1024x576.jpg)
![](https://www.kampucheathmey.com/wp-content/uploads/2024/03/10-8-1024x768.jpg)
![](https://www.kampucheathmey.com/wp-content/uploads/2024/03/7-23-1024x576.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានជាតិ៧ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៥ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៥ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ៧ ថ្ងៃ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៣ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ១ សប្តាហ៍ ago
UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី