Connect with us

ព័ត៌មានអន្ដរជាតិ

តើការវាយប្រហារភេរវកម្មនៅ រុស្ស៊ី ជាស្នាដៃរបស់លោក Zelensky មែនឬ?

បានផុស

នៅ

កាលពីរាត្រីថ្ងៃសុក្រ ទី២២ ខែមីនាកន្លងទៅ រុស្ស៊ីបានជួបប្រទះហេតុការណ៍ដ៏តក់ស្លុត និងសោកសង្រេងមួយ បន្ទាប់ពីជនដៃដល់ដែលមានគ្នា ៥ នាក់បានបើកការបាញ់រះ និងបំផ្ទុះគ្រាប់បែកនៅសាលប្រគំតន្រ្តី Crocus City Hall ក្នុងទីក្រុងមូស្គូ បណ្ដាលឲ្យមនុស្សប្រមាណ ៦០ នាក់ស្លាប់បាត់បង់ជីវិត និងជាង ១០០ នាក់រងរបួស ខណៈរុស្ស៊ីបានដាក់ផ្ទាំងស៊ីបថាគ្មានអ្នកណាឆ្ងាយពីអ៊ុយក្រែនឡើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងបញ្ហានេះ លោកវរសេនីយ៍ឯក Anatoliy Matviychuk អ្នកជំនាញការផ្នែកយោធា និងជាកងទ័ពចូលនិវត្តន៍បានប្រាប់សារព័ត៌មាន Sputnik ថា “ច្បាស់ណាស់ ការវាយប្រហារភេរវកម្មដ៏សាហាវយង់ឃ្នងគឺត្រូវបានរៀបចំទុកជាមុនរួចស្រេច ហើយមានអ្នកបង្គាប់បញ្ជានៅពីក្រោយខ្នងតែម្នាក់គត់” ។

លោក Matviychuk លើកឡើងថា “ការវាយប្រហារនេះត្រូវបានគិតទុកជាមុន ដោយសារតែវាគឺជាការសងសឹកទៅនឹងការវាយប្រហារទាំងអស់ដែលរុស្ស៊ីធ្វើដាក់អ៊ុយក្រែនក្នុងរយៈពេល ៥ ឬ ៦ ថ្ងៃចុងក្រោយនេះ ។ ខ្ញុំចង់និយាយរឿងមួយទៀតថា គ្មានអ្វីត្រូវសង្ស័យឡើយដែលលោកប្រធានាធិបតីអ៊ុយក្រែន Volodymyr Zelensky នៅពីក្រោយខ្នងលើរឿងនេះ” ។

អ្នកសង្កេតការណ៍យោធា និងជាអ្នកប្រយុទ្ធជើងចាស់នៅអាហ្វហ្គានីស្ថាន និងស៊ីរីរូបនេះបានបញ្ជាក់បន្ថែមថា មិត្តភក្តិបរទេសរបស់អ៊ុយក្រែនកំពុងខ្នះខ្នែងជ្រោមជ្រែងដល់រដ្ឋាភិបាលទីក្រុងកៀវឲ្យប្រព្រឹត្តសកម្មភាពឃោរឃៅយង់ឃ្នង ហើយលោកហ៊ានអះអាងបែបនេះក៏ដោយសារតែមានការព្រមានក្នុងរយៈពេលប៉ុន្មានសប្ដាហ៍ថ្មីៗនេះរបស់ស្ថានទូតអាមេរិកអំពីការគំរាមកំហែងភេរវកម្មនៅក្នុងទីក្រុងមូស្គូ និងទីក្រុងផ្សេងទៀតរបស់រុស្ស៊ី ។

ក្រោយហៅការវាយប្រហារភេរវកម្មនោះថាជា “ការប្រកាសសង្គ្រាម” លោក Matviychuk បានបន្ថែមថា រុស្ស៊ីនឹងត្រូវឆ្លើយតបទៅវិញតាមនោះ ហើយរដ្ឋាភិបាលទីក្រុងមូស្គូនឹងបំពាក់អាវុធពេញដៃដល់កងកម្លាំងប្រដាប់អាវុធជាមួយនឹងសមត្ថភាពគ្មានដែនកំណត់ ដើម្បីកម្ទេចភេរវករនៅគ្រប់ទីកន្លែងដែលពួកគេកំពុងសំងំលាក់ខ្លួន” ។

លោកបានបញ្ជាក់ទៀតថា ដូចគ្នាទៅនឹងអាមេរិកដែរដែលបានចាប់ផ្តើមប្រតិបត្តិការប្រឆាំងភេរវករនៅក្នុងប្រទេសអាហ្វហ្គានីស្ថាន បន្ទាប់ពីការវាយប្រហារលើអគារភ្លោះ ឥឡូវនេះយើងត្រូវចាប់ផ្តើមប្រតិបត្តិការដូចគ្នាទៅនឹងរបបរបស់លោក Zelensky និងសម្ព័ន្ធមិត្តរបស់ខ្លួន” ។

ទោះយ៉ាងណា ទីប្រឹក្សាប្រធានាធិបតីអ៊ុយក្រែន លោក Mykhailo Podolyak ក៏បានចេញមកស្រាយបំភ្លឺចំពោះករណីនេះផងដែរថា រដ្ឋាភិបាលទីក្រុងកៀវសូមបញ្ជាក់ម្តងហើយម្ដងទៀត អ៊ុយក្រែនមិនជាប់ពាក់ព័ន្ធនឹងការវាយប្រហារលើសាលប្រគំតន្ត្រីនៅទីក្រុងមូស្គូកាលពីថ្ងៃសុក្រនោះទេ ។

គួរបញ្ជាក់ថា ក្រោយហេតុការណ៍ដ៏សោកសង្រេងនៅទីក្រុងមូស្គូនេះទៀតសោត ក៏មានមហាមិត្តរបស់រុស្ស៊ីជាច្រើនផ្ញើសារចូលរួមរំលែកទុក្ខដល់គ្រួសារនៃជនរងគ្រោះ ខណៈនេះក៏ជាការវាយប្រហារភេរវកម្មដ៏អាក្រក់បំផុតក្នុងប្រវត្តិសាស្ត្រសម័យទំនើបរបស់រុស្ស៊ីផងដែរ ៕

ដោយ ៖ សុខ ជីវ័ន្ត

ចុចអាន ៖ រុស្ស៊ី ថា អាមេរិក គួរតែប្រញាប់ប្រាប់ព័ត៌មានរឿងវាយប្រហារភេរវកម្មនៅ ក្រុងមូស្គូឲ្យហើយមក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ នាទី មុន

តើការវាយប្រហារភេរវកម្មនៅ រុស្ស៊ី ជាស្នាដៃរបស់លោក Zelensky មែនឬ?

ព័ត៌មានជាតិ៥ នាទី មុន

រដ្ឋបាលខេត្តព្រះវិហារ បដិសេធការផ្សាយថា ពលរដ្ឋរត់ទៅពួនក្នុងព្រៃដើម្បីគេចពីការចាប់ខ្លួនពីអាជ្ញាធរខេត្ត

ព័ត៌មានជាតិ៨ នាទី មុន

ជួបការ​រាំងស្ងួតយ៉ាងណា តំបន់អូរជាំនៅតែមានប្រភពទឹកធម្មជាតិទ្រទ្រង់លើភូមិចំនួន ៤ ធ្វើកសិកម្មពេញមួយឆ្នាំ

ជីវិតកម្សាន្ដ២៥ នាទី មុន

ផ្ទុះការវែកញែក ក្រោយ ឯម រៀម បង្ហាញ ៣ ចំណុច គួរចៀសវាង ក្នុងពិធីអាពាហ៍ពិពាហ៍

ព័ត៌មានជាតិ៣៥ នាទី មុន

ក្រសួងមហាផ្ទៃ បើកសិក្ខាសាលាពិគ្រោះយោបល់ លើសេចក្តីព្រាងច្បាប់ស្តីពីបទល្មើសបច្ចេកវិទ្យាព័ត៌មាន

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម