ព័ត៌មានអន្ដរជាតិ
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
ស្ពាន Francis Scott Key នៅទីក្រុង Baltimore នៃរដ្ឋ Maryland សហរដ្ឋអាមេរិក បានបាក់បន្ទាប់ពីត្រូវកប៉ាល់ដឹកទំនិញមួយគ្រឿង បុកចំពេញទំហឹង នៅវេលាម៉ោង១និង៣០នាទី រំលងអធ្រាត្រឈានចូលថ្ងៃអង្គារទី២៦ខែមីនា ដោយបណ្តាលឲ្យរថយន្តជាច្រើនគ្រឿងធ្លាក់ចូលទន្លេ Patapsco។
កប៉ាល់សិង្ហបុរីទម្ងន់៩៦ម៉ឺនតោនមួយនេះមានឈ្មោះថា Dali ប្រវែង៣០០ម៉ែត្រ និងចុះបញ្ជីជាមួយក្រុមហ៊ុន Grace Ocean Pte Ltd ដែលជាសម្ព័ន្ធជាមួយ Synergy Marine Group ប៉ុន្តែត្រូវបានជួលដោយក្រុមហ៊ុនដឹកជញ្ជូនរបស់ដាណឺម៉ាក Maersk។ វាកំពុងចេញដំណើរពីទីក្រុង Baltimore នៅម៉ោង១ព្រឹក ហើយឆ្ពោះទៅកាន់ទីក្រុង Colombo នៃប្រទេសស្រីលង្កា។ តាមការគ្រោងទុក វានឹងទៅដល់គោលដៅនៅថ្ងៃទី២២ខែមេសា។
យោងតាមរបាយការណ៍របស់ ABC News, កប៉ាល់បានបាត់បង់ការគ្រប់គ្រង នៅពេលចាកចេញពីកំពង់ផែ ហើយក្រុមនាវិកក៏បានជូនដំណឹងដល់មន្ត្រីរដ្ឋ Maryland ដែរ។
អាជ្ញាធរនិយាយថា សមាជិកនាវិកទាំងអស់២២នាក់ នៅលើកប៉ាល់ Dali និងអ្នកបញ្ជាកប៉ាល់២នាក់ ត្រូវបានរកឃើញ ហើយគ្មាននរណាម្នាក់រងរបួសឡើយ។
និយាយអំពីស្ពាន Francis Scott Key វិញ, ស្ពាន៤គន្លងប្រវែង២.៦គីឡូម៉ែត្រមួយនេះ គឺលាតសន្ធឹងលើទន្លេ Patapsco ភាគអាគ្នេយ៍នៃទីក្រុង Baltimore។ វាគឺជាផ្នែកសំខាន់មួយនៃបណ្តាញផ្លូវជុំវិញទីក្រុង Baltimore ដែលជាទីក្រុងឧស្សាហកម្មនៅភាគឦសាន រដ្ឋធានីវ៉ាស៊ីនតោនឌីស៊ី។
ស្ពាននេះមានយានជំនិះពាណិជ្ជកម្ម និងរថយន្តដឹកអ្នកដំណើរឆ្លងកាត់ជាង១២លានគ្រឿងក្នុងឆ្នាំ២០២៣។ ដោយឡែក កំពង់ផែ Baltimore គឺជាមជ្ឈមណ្ឌលគ្រប់គ្រងគ្រឿងចក្រកសិកម្ម សំណង់ ធ្យូងថ្ម ព្រមទាំងការនាំចូលនិងនាំចេញសម្រាប់ក្រុមហ៊ុនផលិតរថយន្តធំៗ រួមមាន Nissan, Toyota, General Motors, Volvo, Jaguar និង Land Rover។
លោក Lars Jensen អ្នកជំនាញកប៉ាល់កុងតឺន័រ បាននិយាយថា ការបាក់ស្ពាននេះ នឹងបង្កជាបញ្ហាសំខាន់នៅឆ្នេរខាងកើតសហរដ្ឋអាមេរិក។
ពាក់ព័ន្ធហេតុការណ៍នេះ អភិបាលរដ្ឋ Maryland លោក Wes Moore បានប្រកាសដាក់រដ្ឋក្នុងភាពអាសន្ន ខណៈរដ្ឋមន្ត្រីដឹកជញ្ជូនអាមេរិក Pete Buttigieg គូសបញ្ជាក់ថា “កិច្ចខិតខំប្រឹងប្រែងជួយសង្គ្រោះនៅតែដំណើរការ ហើយអ្នកបើកបរនៅក្នុងតំបន់ Baltimore គួរតែរកផ្លូវវាងតាមការណែនាំរបស់មន្ត្រី”។
ទោះបីជាយ៉ាងណាក៏ដោយ ប្រធានាធិបតីសហរដ្ឋអាមេរិក លោក ចូ បៃដិន បានអះអាងថា ហេតុការណ៍នេះកើតឡើងដោយអចេតនា ហើយមិនត្រូវផ្សារភ្ជាប់ទៅនឹងអំពើភេរវកម្មនោះទេ៕
សូមទស្សនាវីដេអូ៖
អត្ថបទ៖ សុខ សុវណ្ណ
ចុចអាន៖ សិង្ហបុរី ប្រកាសថា ខ្លួននឹងស៊ើបអង្កេតករណីកប៉ាល់កុងតឺន័រ Dali បុកជាមួយស្ពាន Francis Scott Key
មន្ទីរបរិស្ថានខេត្តកែបជំរុញឲ្យស្ថាប័នរដ្ឋ និងវិស័យឯកជនចូលរួមដាំដើមក្ងោកបន្ថែម ដើម្បីបង្កើនភាពទាក់ទាញអ្នកទេសចរណ៍
រដ្ឋមន្ត្រីសុខាភិបាល ណែនាំមន្ត្រីបង្កើនការយកចិត្តទុកដាក់លើការងារអនាម័យ និងភាពស្អាត ដើម្បីប្រសិទ្ធភាព នៃការព្យាបាល
មន្ត្រីជាន់ខ្ពស់ ប.ស.ស ណែនាំក្រុមការងារបច្ចេកទេសអន្តរក្រសួង ជំរុញមន្ត្រីធ្វើបណ្ណ ប.ស.ស ឱ្យបានគ្រប់ៗ គ្នា
តាមការព្យាកររបស់ អ៊ីសាក់ ញូវតុន, ថ្ងៃអវសានពិភពលោក នៅសល់ពេលមិនយូរទៀតនោះទេ
ពលរដ្ឋសង្កាត់អូរតាវ៉ៅ ខេត្តប៉ៃលិន ទទួលបានស្ពានបេឡេត៍ ប្រវែង២១ម៉ែត្រ
លោក ត្រាំ ជំរុញអាមេរិកកម្ចាត់អ៊ីរ៉ង់ឲ្យផុតពូជពីផែនដី បើប្រទេសនេះហ៊ានគ្រោងធ្វើឃាតលោក
អាហារថៃនិងឡាវមួយប្រភេទ ក្លាយជាឃាតកលាក់មុខ សម្លាប់មនុស្សសឹងរាល់ឆ្នាំ
កម្ពុជារកចំណូលបាន $១,៧ ពាន់លាន ពីទេសចរអន្តរជាតិ កើនឡើង ៧%
ចំណូលពន្ធដារកម្ពុជា សម្រេចបានជិត $២ ពាន់លាន នៅឆមាសទី១ ឆ្នាំនេះ
តាមការព្យាកររបស់ អ៊ីសាក់ ញូវតុន, ថ្ងៃអវសានពិភពលោក នៅសល់ពេលមិនយូរទៀតនោះទេ
-
ព័ត៌មានអន្ដរជាតិ៧ ថ្ងៃ agoស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៧ ថ្ងៃ agoអស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ២ ថ្ងៃ agoណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
ព័ត៌មានជាតិ៣ ថ្ងៃ agoតុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
កីឡា៥ ថ្ងៃ agoភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៤ ថ្ងៃ agoមនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
សន្តិសុខសង្គម២ ថ្ងៃ agoផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់
-
ព័ត៌មានជាតិ៤ ថ្ងៃ agoសម្ដេច ហ៊ុន សែន អះអាងច្បាស់ៗថា គ្មានទេកិច្ចព្រមព្រៀងកាត់ដីឱ្យទៅវៀតណាម