កីឡា

មកខ្មែរល្ងាចនេះ Dave Leduc ប្រាប់ថា មានរឿងចង់និយាយពី ព្រុំ សំណាង

បានផុស

២ years មុន

នៅ

ថ្ងៃសៅរ៍ ៣០ មីនា ២០២៤

ដោយ

កីឡាករប្រដាល់កាណាដា-មីយ៉ាន់ម៉ា Dave Leduc នឹងធ្វើដំណើរមកប្រទេសកម្ពុជាជាលើកទី៣ នៅល្ងាចថ្ងៃសៅរ៍ ទី៣០ ខែមីនា ឆ្នាំ២០២៤ បន្ទាប់ពីរូបគេទើបចាកចេញពីកម្ពុជាកាលពីថ្ងៃទី២៥ ខែមីនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានវិលត្រឡប់មកកម្ពុជាលើកទី២កាលពីប៉ុន្មានថ្ងៃមុន បន្ទាប់ពីមកលើកទី១ដើម្បីប្រកួតជាមួយកីឡាករ ព្រុំ សំណាង ដែលលទ្ធផលស្មើគ្នា។ ការមកកម្ពុជាលើកទី២ លោកមិនបានទម្លាយឲ្យដឹងពីកិច្ចការងារអ្វីឡើយ ហើយលោកក៏មិនបានជួបអ្នកសារព័ត៌មានដែរ។ ពេលចាកចេញពីកម្ពុជាវិញកាលពីថ្ងៃទី២៥ ខែមីនា លោកបង្ហាញខ្លួននៅប្រទេសវៀតណាម។

កាលពីយប់ថ្ងៃសុក្រ ទី២៩ ខែមីនា Dave Leduc បានប្រាប់ថា លោកនៅទីក្រុងហូជីមិញ ប្រទេសវៀតណាមដើម្បីចូលរួមកិច្ចប្រជុំពាក់ព័ន្ធនឹងអាជីវកម្ម។ លោកនឹងវិលត្រឡប់មកទីក្រុងភ្នំពេញនៅវេលាម៉ោង៤:៤០នាទីល្ងាច ថ្ងៃសៅរ៍ ទី៣០ ខែមីនា។ យន្តហោះរបស់លោកនឹងមិនពន្យារពេលដូចមុនទេ ដូច្នេះអ្នកសារព័ត៌មានអាចរង់ចាំសម្ភាសលោកបាននៅពេលត្រឡប់មកដល់ភ្នំពេញ។

កីឡាករបាននិយាយថា ៖«លើកនេះ ជើងហោះហើររបស់ខ្ញុំនឹងមិនត្រូវបានពន្យារពេលទេ ហើយខ្ញុំក៏មានអ្វីត្រូវនិយាយទៅកាន់ប្រព័ន្ធផ្សព្វផ្សាយខ្មែរផងដែរ។ ខ្ញុំមិនសប្បាយចិត្តទេ។ ខ្ញុំត្រូវការពាក្យសុំទោសពី ព្រុំ សំណាង។ ខ្ញុំនឹងពន្យល់នៅថ្ងៃស្អែក»។

នៅចាំបានថា ការធ្វើដំណើរមកប្រទេសកម្ពុជាលើកទី២ Dave Leduc បានធ្វើឲ្យមានការចាប់អារម្មណ៍អំពីអាវធំ និងខោជើងវែងរបស់ខ្លួនដែលរំលេចដោយរូបភាពរបស់ ព្រំ សំណាង ពេញក្រណាត់ខោ-អាវ។ រូបគេបានសរសេរថា រូបភាពនៅលើអាវជាជនរងគ្រោះចុងក្រោយរបស់ខ្លួន។ វាមានន័យថា ព្រុំ សំណាង ជាជនរងគ្រោះចុងក្រោយបំផុតដែលចាញ់ខ្លួន ប៉ុន្តែលទ្ធផលនៃការប្រកួតស្មើគ្នា ដោយសារគ្មានអ្នកសន្លប់៕