Connect with us

ជីវិតកម្សាន្ដ

ពិធីករ សុខ រ៉ាស៊ី សង្វេគឧបករណ៍ភ្លេងខ្មែរពេលសម្តែងពុំមានអ្នកមើល

បានផុស

នៅ

ពិធី​ករ​សម្បូរ​វោហារ​ស័ព្ទ​មិន​ចេះ​រីង​ស្ងួត លោក សុខ រ៉ាស៊ី ត្រូវ​បាន​គេ​កត់សម្គាល់​ឃើញ​ថា មកទល់ បច្ចុប្បន្ន​នេះ នៅតែ​រក្សា​បាន​ការ​គាំទ្រ និង​មាន​សន្ទុះ​ការងារ​ខ្លាំង​នៅ​លើ​វិស័យ​សិល្បៈ ពិសេស​ការ​ចេញ​ធ្វើជា​ពិធី​ករ​នៅ​តាម​បណ្ដា​កម្មវិធី​តូច​-​ធំ​មួយ​ចំនួន​ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដ​ណាស់​ការ​រក្សា​បាន​ប្រជាប្រិយភាព និង​ការ​គាំទ្រ​ពី​សំណាក់​ពិធី​ករ​លោក សុខ រ៉ាស៊ី នៅ​លើ​ទីផ្សារ​សិល្បៈ​សព្វថ្ងៃ​នេះ ត្រូវ​បាន​អ្នក​តាមដាន​វិស័យ​សិល្បៈ​ខ្មែរ​វិភាគ​ឃើញ​ថា ដោយសារ​លោក​គឺ​មាន​ឥទ្ធិពល​ដុង​សិល្បៈ​អំណោយផល​ពី​ធម្មជាតិ​ដែល​ធ្វើ​ឲ្យ​អ្នកគាំទ្រ និង​មិត្តៗ យុវវ័យ​ចូលចិត្ត និង​គាំទ្រ ខណៈ​លក្ខណៈ​សម្បត្តិ អត្តចរិត​រួសរាយ​រាក់ទាក់ ដែល​មើល​ឃើញ​ពី​ការ​ផ្តល់​តម្លៃ​ចំពោះ​អ្នក​ជុំវិញ​ខ្លួន។

ងាក​មក​ចាប់​អារម្មណ៍​ទស្សនៈ​របស់​លោក សុខ រ៉ាស៊ី ពាក់ព័ន្ធ​រឿង​ឧបករណ៍​ភ្លេងបុរាណ​ខ្មែរ លោក​លើក​ឡើង​ដោយ​ក្តី​សង្វេគ​ថា រាល់​ការ​សម្តែង​ម្តងៗ ពុំ​មាន​សូម្បី​អ្នកគាំទ្រ ឬ​ទស្សនៈ​ទេ។ ជាក់ស្ដែង​លោក សុខ រ៉ាស៊ី បាន​បង្ហោះ​រូបភាព​មួយ​សន្លឹក​ថា «ពេល​សម្តែង គ្មាន​អ្នកមើល គ្មាន​ទស្សនា គ្មាន​អ្នក​ស៊ែរ ហើយ​ចោទ​គ្នា​ថា​មិន​ថែរក្សា មិន​អភិរក្ស»។

តាមរយៈ​ការ​លើក​ឡើង​នេះ ត្រូវ​បាន​ទស្សនិកជន និង​អ្នកប្រើប្រាស់​បណ្ដាញ​សង្គម​ហ្វេស​ប៊ុក​ចាត់​ទុក​ថា​ជា​រឿង​ល្អ និង​មាន​ប្រយោជន៍​សម្រាប់​សង្គម ខណៈ​មាន​មតិ​លើក​ឡើង​ថា «ខ្មែរ​យើង បាន​ខ្លាំង​អា​ខាង​តែ​ស្ករ​តាម​គ្នា​ទាំង​ទទឹងទិស​,​អ្នក​អង្គុយ​មើល​ចាំតែ​ថា អ្នកធ្វើ​ចាំតែ​ខុស, ពិត​ណាស់​បង រីឯ​តម្លៃ​ក៏​ជូន​ទៅ​ពួកគាត់​តិចៗ ទៀត»។

គួរ​បញ្ជាក់​ថា សុខ រ៉ាស៊ី កន្លងមក លោក​ក៏​តែងតែ​បង្ហាញ​ការងារ​សង្គម និង​សប្បុរសធម៌​ជា​បន្ត​បន្ទាប់ ដើម្បី​ចូលរួម​ចំណែក​ជួយ​ដល់​សង្គម​ផង​ដែរ៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម