ព័ត៌មានអន្ដរជាតិ
ចិន ត្រៀមបន្ថែមរោងចក្រវៃឆ្លាតដល់ ១០០ ត្រឹមឆ្នាំ ២០២៦
ក្នុងរយៈពេលប៉ុន្មានឆ្នាំចុងក្រោយនេះ ប្រភេទរោងចក្រដំណើរការដោយបច្ចេកវិទ្យា ៤.០ រោងចក្រដំណើរស្វ័យប្រវត្តិដោយគ្មានមនុស្សបញ្ជា ក៏ដូចជាប្រភេទរោងចក្រវៃឆ្លាតកំពុងដំណើរការរីកដូចផ្សិតនៅក្នុងប្រទេសចិន ។ បើតាមការចុះផ្សាយរបស់ទីភ្នាក់សារព័ត៌មានជាតិចិន ស៊ីនហួរ កំណើនបរិមាណផលិតកម្ម ពិសេសក្នុងបរិបទបច្ចេកវិទ្យាស្វ័យប្រវត្តិកម្មនេះ កំពុងឆ្លុះបញ្ជាំងពីកំណើនគុណភាពផលិតផលរបស់មហាអំណាចសេដ្ឋកិច្ចទី ២ លើពិភពលោកផងដែរ ។
![](https://www.kampucheathmey.com/wp-content/uploads/2024/03/ChinaSmart1.jpg)
ប្រភពសារព័ត៌មានខាងលើដដែលបានឲ្យដឹងថា នៅត្រឹមចុងឆ្នាំ ២០២៣ ប្រទេសចិនក៏បានអនុវត្តដំណើរការរោងចក្របច្ចេកវិទ្យាកម្រិតជាតិប្រមាណ ៤២១ ក៏ដូចជាសិក្ខាសាលាបច្ចេកវិទ្យាកម្រិតខេត្តប្រមាណ ១០,០០០ រួមជាមួយរោងចក្រវៃឆ្លាតជាច្រើនផងដែរ ។
ដោយឡែកផែនការបន្ថែមរោងចក្រវៃឆ្លាត ទូទាំងប្រទេសរបស់ចិនក៏កំពុងដំណើរការផងដែរ ដែលក្នុងនោះរដ្ឋធានីប៉េកាំងគ្រោងនឹងបន្ថែមរោងចក្រវៃឆ្លាត ១០០ បន្ថែម ក៏ដូចជាសិក្ខាសាលាឌីជីថលនៅត្រឹមឆ្នាំ ២០២៦ ខណៈទីក្រុងសៀងហៃ ត្រៀមផែនការសង់បន្ថែមរោងចក្រឆ្លាតវៃប្រមាណ ៧០ បន្ថែមនៅត្រឹមឆ្នាំ ២០២៤ នេះ ។
គួររំឭកថា រោងចក្រថ្មីៗបន្ថែមក្នុងប្រទេសចិននាពេលបច្ចុប្បន្ននេះកំពុងអនុវត្តទៅតាមរបត់បច្ចេកវិទ្យាស្ទើរតែស្វ័យប្រវត្តិកម្មសឹង ១០០% ទាំងបរិមាណ និងគុណភាពនៅក្នុងតំបន់ផលិតកម្មឧស្សាហកម្មជាច្រើន ។ ជាឧទាហរណ៍នៅក្នុងរោងចក្រដ៏ធំរបស់ចិន ឈ្មោះ Aptiv Electrical Centers (Shanghai) Co.,Ltd., ម៉ាស៊ីនរ៉ូបូត ម៉ាស៊ីនវិភាគទិន្នន័យ ក៏ដូចជាម៉ាស៊ីនដំណើរការស្វ័យប្រវត្តិដោយខ្លួនឯង កំពុងដំណើរការយ៉ាងសស្រាក់សស្រាំ ហើយគេកម្រនឹងឃើញមានមនុស្សធ្វើការលើរឿងផលិតកម្មបច្ចេកវិទ្យានៅទីនោះណាស់ ពោលគឺរាល់កិច្ចការស្ទើរតែម៉ាស៊ីនស្វ័យប្រវត្តិជាអ្នករៀបចំក្នុងលំហូរផលិតកម្ម។
![](https://www.kampucheathmey.com/wp-content/uploads/2024/03/ChinaSmart2.jpg)
ប្រព័ន្ធវៃឆ្លាត បានរៀបចំដំណើរការផលិតផលទាំងអស់នៅឯរោងចក្រ Aptiv ដែលជារោងចក្រផ្គត់ផ្គង់គ្រឿងតំណភ្ជាប់រថយន្តធំនិងនាំមុខគេលំដាប់ពិភពលោក។
ជាទូទៅរោងចក្រវៃឆ្លាតពុំមែនជាការប្រើប្រាស់ឲ្យធ្វើការជំនួសមនុស្សទាំងស្រុងនោះទេ ប៉ុន្តែជាការបង្កើតថ្មី ក៏ដូចជាដំណើរការពេញលេញនៃការដំណើរការបច្ចកវិទ្យាឌីជីថល ដែលមានតាំងពីការស្រាវជ្រាវ ការអភិវឌ្ឍ ក៏ដូចជាផលិតកម្ម វិស័យដឹកជញ្ជូន និងផ្គត់ផ្គង់ ។ នេះបើតាមការលើកឡើងរបស់លោក Yang Xiaoming ប្រធានផលិតកម្ម Aptive ប្រចាំប្រទេសចិន និងអាស៊ីប៉ាស៊ីហ្វិក ៕
![](https://www.kampucheathmey.com/wp-content/uploads/2024/03/ChinaSmart3.jpg)
ដោយ៖ មាន រតនា
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ