សន្តិសុខសង្គម
បាញ់ស្រោចចូលក្នុងផ្ទះជាច្រើនគ្រាប់ យប់រំលងអាធ្រាត្រសង្ស័យជារឿងគំនុំ
មានការភ្ញាក់ផ្អើលមួយបានកើតឡើងព្រមទាំងមានសមត្ថកិច្ចចុះដល់កន្លែងកើតហេតុ ក្រោយពីមានករណីផ្ទុះអាវុធជាច្រើនគ្រាប់ដែលមុខសញ្ញាសង្ស័យបានបាញ់ស្រោចទៅលើទ្វារផ្ទះរបស់ជនរងគ្រោះ បណ្ដាលឲ្យធ្លុះធ្លាយជាច្រើនកន្លែងហើយដែលហេតុការណ៍នេះត្រូវបានគេដាក់ការសង្ស័យថាអាចជារឿងគំនុំ។
ទីតាំងកើតហេតុស្ថិតក្នុងភូមិសូភី១ សង្កាត់រតនៈ ក្រុងបាត់ដំបង ខេត្តបាត់ដំបង។ បើតាមប្រភពជុំវិញទីតាំងកើតហេតុបានបញ្ជាក់ថា ករណីបាញ់បោះនេះកើតឡើងក្នុងយប់រំលងអាធ្រាត្រព្រោះសំឡេងគ្រាប់ដែលផ្ទុះឡើងជាច្រើនគ្រាប់នោះ គឺជាពេលដែលពលរដ្ឋលង់លក់នៅក្នុងដំណេកអស់ទៅហើយដែលអ្នកខ្លះក៏បានឮរីឯអ្នកខ្លះទៀតក៏មិនបានឮផងដែរ។
យោងតាមការបញ្ជាក់របស់សមត្ថកិច្ច ផ្ទះដែលរងការបាញ់ប្រហារនេះគឺម្ចាស់មានឈ្មោះ កែវ ឌាំង មានមុខរបរលក់គ្រឿងអគ្គិសនី និងជួសជុលទូរសព្ទ ដែលនៅពេលផ្ទុះអាវុធជាច្រើនគ្រាប់នោះគឺម្ចាស់ផ្ទះពុំបានដឹងឡើយដោយសារតែលង់លក់ក្នុងដំណេក។ លុះព្រឹកឡើងពេលបើកទ្វារដើម្បីប្រកបមុខរបរជាធម្មតា ក៏មានការងារឆ្ងល់ដោយសារតែទ្វារផ្ទះដែលធ្វើឡើងអំពីដែកជាច្រើនផ្ទាំងនោះ បានធ្លុះធ្លាយជាប្រហោងតូចៗទើបមានការសង្ស័យថាអាចជារន្ធគ្រាប់កាំភ្លើងហើយក៏បានប្ដឹងសមត្ថកិច្ចតែម្ដង។
នៅព្រឹកថ្ងៃទី ២៨ ខែមីនា ឆ្នាំ២០២៤ នេះ កម្លាំងសមត្ថកិច្ចជំនាញនៃស្នងការដ្ឋាននគរបាលខេត្តបាត់ដំបង បានចុះត្រួតពិនិត្យទីតាំងកើតហេតុនិងសង្កេតឃើញថា ទ្វារផ្ទះជនរងគ្រោះត្រូវបានជនមិនស្គាល់មុខបាញ់ស្រោចបណ្ដាលឲ្យធ្លុះធ្លាយចំនួន ៦ កន្លែង។ ដោយឡែកសំបកកាទូសពុំមាននៅនឹងកន្លែងកើតហេតុនោះឡើយ ដែលធ្វើឲ្យសមត្ថកិច្ចមួយចំនួនបានធ្វើការសន្និដ្ឋានថា អាវុធដែលជនមិនស្គាល់មុខប្រើប្រាស់នោះអាចជាប្រភេទកាំភ្លើងរ៉ូឡូ ៦ អុិញ ដែលអាវុធប្រភេទនេះមានតែ ៦ គ្រាប់ប៉ុណ្ណោះ ហើយក៏មិនអាចបន្សល់សំបកកាទូស្តនោះឡើយ ព្រោះវាជាប់នៅក្នុងបង់រ៉ូឡូទាំងអស់។
បច្ចុប្បន្នម្ចាស់ផ្ទះដែលជាជនរងគ្រោះត្រូវបានសមត្ថកិច្ចធ្វើការសាកសួរ ដើម្បីឈានទៅកំណត់មុខសញ្ញា ព្រោះពេលនេះគេមិនទាន់ដឹងថាតើជាគំនុំឬក៏ជុំវិញរឿងអ្វីឡើយ ដែលធ្វើឲ្យជនមិនស្គាល់មុខបាញ់ស្រោចចូលទៅក្នុងផ្ទះបែបនេះ។ ប៉ុន្តែជាសំណាងល្អពុំមានប៉ះពាល់ដល់អាយុជីវិតមនុស្សឡើយ៕
អត្ថបទ :សោ និយមរ័ត្ន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ