ព័ត៌មានជាតិ

អ្នកម្តាយគួរយល់ដឹងដើម្បីជៀសវាងនូវហានិភ័យក្នុងពេលសម្រាលបុត្រ!

បានផុស

៣ years មុន

នៅ

ថ្ងៃពុធ ១៦ ធ្នូ ២០២០

ដោយ

សុខភាពអ្នកម្តាយ និងទារកគឺមានសារៈសំខាន់ណាស់ ដូចនេះនៅពេលអ្នកកំពុងពរពោះ អ្វីដែលចាំបាច់នោះគឺ អ្នកត្រូវមកធ្វើការតាមដានផ្ទៃពោះអោយបានទៀងទាត់ តែត្រូវចាំថា អ្នកមិនមែនជាអ្នកជំងឺទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្វីដែលអ្នកត្រូវធ្វើក្នុងអំឡុងពេលមានផ្ទៃពោះរួមមាន៖

ក) ពិនិត្យផ្ទៃពោះ :

១) ការពិនិត្យផ្ទៃពោះក្នុងអំឡុងត្រីមាសទី១ គឺដើម្បីបញ្ជាក់ថា៖

តើអ្នកមានកូនមែន ឬអត់?

កូនចាប់កំណើតថ្ងៃណា? គ្រប់ខែថ្ងៃណា?

អ្នកមានកត្តាប្រឈម គ្រោះថ្នាក់ឬទេ?

២) ការពិនិត្យក្នុងអំឡុងត្រីមាសទី២:

-តើទារកក្នុងផ្ទៃលូតលាស់ សមស្របតាមអាយុរបស់គេ ដែរឬទេ?

– តើអ្នកមានជម្ងឺអ្វីកើតឡើងទេ អំឡុងពេលពរពោះ? (ឧ. លើសឈាម,ទឹកនោមផ្អែម, បេះដូង…)

– តើកូនអាចប្រឈមកើតមុនខែឬ?

៣) ការពិនិត្យក្នុងត្រីមាសទី៣:

– មើលការលូតលាស់របស់ទារកដើម្បីវាយតម្លៃ និងរៀបចំទុកជាមុន ថាតើកូនរបស់អ្នកអាចកើតបានតាមធម្មជាតិ ឬក៏ត្រូវការអន្តរាគមន៌វះកាត់បែបវេជ្ជសាស្ត្រ។ ខ) ការពិនិត្យអេកូផ្ទៃពោះ៖ ការពិនិត្យអេកូផ្ទៃពោះចំពោះស្ត្រីមានគភ៌ មានសារៈសំខាន់ណាស់ក្នុងការតាមដានការវិវត្តន៍សរីរាង្គ និងដឹងពីជំងឺផ្សេងៗរបស់ទារកដែលនៅក្នុងផ្ទៃ។ គ) ការពិនិត្យឈាម និងទឹកនោម ៖

១. នៅពេលចាប់ផ្តើមមានកូន:

+ ការពិនិត្យរកក្រុមឈាម គ្រាប់ឈាម និងជំងឺផ្សេងៗ

+ ពិនិត្យជាតិស្ករ ក្នុងឈាម ខ្វះជាតិស្ករ ទឹកនោមផ្អែមពេលមានទំងន់?

២. នៅពេលជិតសម្រាលៈ

ការពិនិត្យឈាមនៅរយៈពេលនេះមានសារៈសំខាន់ សម្រាប់ត្រៀមនៅពេលសម្រាល (សម្រាលដោយធម្មជាតិ ឬវះកាត់)។

ឃ) ការពិនិត្យរោគស្ត្រី ៖

+ រលាកមាត់ស្បូន រលាកទ្វាមាស

+ ធ្លាក់ស បង្ករដោយមេរោគ (មេរោគអាចបណ្តាលឲ្យកូនលូតលាស់មិនសមស្រប បែកទឹកភ្លោះខុសប្រក្រតី ឬ កូនកើតមិនគ្រប់ខែ)

ង) ការចាក់វ៉ាក់សាំង ៖

ក្នុងអំឡុងពេលមានផ្ទៃពោះ វ៉ាក់សាំងសំខាន់ចាំបាច់ដែលត្រូវចាក់ និងគ្មានផលប៉ះពាល់ដល់ទារកក្នុងផ្ទៃ។

ច) ការទទួលជាតិដែក acide folique និង វីតាមីនផ្សេងៗដើម្បីឲ្យទារកក្នុងផ្ទៃ លូតលាស់បានល្អគ្រាប់គ្រាន់ និងត្រឹមត្រូវ ព្រមទាំងអាចបង្ការពីជំងឺផ្សេងៗមួយចំនួនទៀតផង ។

បញ្ជាក់៖ អ្នកម្តាយត្រូវធ្វើការពិនិត្យជារៀងរាល់ខែ ទៅតាមការណាត់របស់គ្រូពេទ្យជំនាញនៃមន្ទីរពេទ្យកាលម៉ែត។ ក្នុងករណីមានភាពមិនធម្មតា (ឧ. ធ្លាក់ឈាម ឈឺពោះ ឫមានសញ្ញាអ្វីមួយមិនប្រក្រតី …) អ្នកត្រូវមកជួបគ្រូពេទ្យជាបន្ទាន់កុំរង់ចាំថ្ងៃណាត់ជួប។ «ការគោរពបានទៅតាមតំបូន្មានគ្រូពេទ្យជំនាញ និងការពិនិត្យសុខភាពបានទៀងទាត់ជាកត្តាដែលនាំអោយអ្នកម្តាយ និងបុត្រធីតាជៀសផុតពីគ្រោះថ្នាក់ក្នុងកំឡុងពេលសម្រាល»៕

អត្ថបទ ៖ រស្មី

Related Topics:សុខភាព