អាជ្ញាធរស្រុកកណ្តាលស្ទឹង អនុញ្ញាតឲ្យបើកផ្សារដើមអម្ពិល ឡើងវិញ
Connect with us
Helistar Cambodia - Helicopter Charter Services

ព័ត៌មានជាតិ

អាជ្ញាធរស្រុកកណ្តាលស្ទឹង អនុញ្ញាតឲ្យបើកផ្សារដើមអម្ពិល ឡើងវិញ

Published

on

អាជ្ញាធរស្រុកកណ្តាស្ទឹង ខេត្តកណ្ដាល បានអនុញ្ញាតឲ្យបើកផ្សារដើមអម្ពិល ឬផ្សារបឹងខ្យាង ឡើងវិញ​នៅថ្ងៃទី១៦ ខែធ្នូ ឆ្នាំ២០២០នេះ តែត្រូវអនុវត្តទៅតាមគោលការណ៍ណែនាំរបស់ក្រសួងសុខាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ូច សៅវឿន អភិបាលស្រុកកណ្តាលស្ទឹង ខេត្តកណ្តាល បានមានប្រសាសន៍នៅព្រឹកថ្ងៃទី១៦ ខែធ្នូនេះថា ដោយ​មានការឯកភាពពីលោកអភិបាលខេត្ត អាជ្ញាធរស្រុក បានអនុញ្ញាតឲ្យផ្សារដើមអំពិល ឬផ្សារបឹងខ្យាង បើកដំណើរការឡើងវិញនៅថ្ងៃនេះ ដើម្បីជួយសម្រួលដល់អាជីវករក្នុងការលក់ដូរ និងប្រជាពលរដ្ឋទិញគ្រឿងឧបភោគបរិភោគប្រចាំថ្ងៃ។

លោកបានបន្តថា ប៉ុន្តែអាជីវករលក់ដូរ ក៏ដូចជាប្រជាពលរដ្ឋចេញចូលផ្សារបឹងខ្យាង ត្រូវអនុវត្តទៅតាមការណែនាំរបស់ក្រសួងសុខាភិបាល ដូចជាការដាក់អាកុល ឬជែលលាងដៃជាប្រចាំនៅតាមមាត់ច្រកផ្សារ និងតម្រូវឲ្យពាក់ម៉ាសពេលចេញចូលផ្សារ។

លោកបានបន្ថែមថា ការរឹតបន្តឹងនេះ ដើម្បីការពារកុំឲ្យមានការឆ្លងចូលទៅក្នុងសហគមន៍ដែលបច្ចុប្បន្ននេះ នៅស្រុកកណ្តាលស្ទឹង មានអ្នកជាប់ពាក់ព័ន្ធនឹងព្រឹត្តិការណ៍សហគមន៍២៨វិច្ឆិកា ចំនួន១០០អង្គ/នាក់ (ព្រះសង្ឃ៧អង្គ)ផងដែរ។

លោកអភិបាលស្រុក បានបញ្ជាក់ថា អ្នកពាក់ព័ន្ធទាំង១០០អង្គ/នាក់ កំពុងធ្វើចត្តាឡីស័ក ហើយបានធ្វើតេស្តលើកទី២រួចហើយដែរ ដោយលទ្ធផលអវិជ្ជមានទាំងអស់ និងកំពុងរង់ចាំការធ្វើតេស្តជាលើកទី៣ទៀត ដែលត្រូវធ្វើនៅថ្ងៃទី១៨ ខែធ្នូ។

លោកអភិបាលស្រុក បានឲ្យដឹងទៀតថា ដោយឡែកវត្តវិហារត្រាញ់ ដែលមានជាប់ពាក់ព័ន្ធនឹងព្រឹត្តិការណ៍សហគមន៍​២៨វិច្ឆិកាដែរ នៅមិនទាន់អនុញ្ញាតឲ្យបើកឡើងវិញនៅឡើយទេ ដោយសារអាជ្ញាធរបានយកទីតាំងនេះ សម្រាប់ធ្វើចត្តា​ឡីស័ក។ក្រៅពីនេះ មានមួយចំនួនទៀត ត្រូវធ្វើចត្តាឡីស័ក នៅពេទ្យជ័យជំនះ ក្រុងតាខ្មៅ នៅសាលាបឋមសិក្សាព្រែក​តាពៅ ក្រុងតាខ្មៅ និងធ្វើចត្តាឡីនៅមន្ទីរពេទ្យបង្អែក ស្រុកកណ្តាលស្ទឹង។

គួរបញ្ជាក់ថា ផ្សារបឹងខ្យាង និងវត្តវិហារត្រាញ់ ត្រូវបានអាជ្ញាធរបិទ កាលពីល្ងាចថ្ងៃទី៨ ខែធ្នូ ឆ្នាំ២០២០ ដោយសារមានការពាក់ព័ន្ធព្រឹត្តិការណ៍សហគមន៍២៨វិច្ឆិកា៕

អត្ថបទ ៖ សំអឿន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ1 hour ago

បន្ទាន់! សាលារាជធានីភ្នំ​ពេញ ប្រកាស​ស្នើសុំ​ឲ្យ​អ្នក​វិជ្ជមាន​កូវីដ១៩ ១២នាក់ ទាក់ទង​មក​អាជ្ញាធរ​ជា​បន្ទាន់

ព័ត៌មានជាតិ2 hours ago

លោកស្រី ឱ វណ្ណឌីន ថាពលរដ្ឋខ្មែរ និងបរទេសគង់តែទទួលបានវ៉ាក់សាំងគ្រាន់តែមុននិងក្រោយ

ព័ត៌មានជាតិ2 hours ago

រកឃើញ​អាជីវករ​ផ្សារ​ចាស់​១០នាក់​ តេស្ត​វិជ្ជមាន​កូវីដ១៩

ព័ត៌មានជាតិ2 hours ago

ឡូយ​មែន​!​ មាន​អេស៊ីលីដា​ម៉ូ​បា​លអាច​ខ្ចីលុយ​បាន​ភ្លាមៗ​មិនចាំបាច់​ទៅ​ធនាគារ​ឡើយ​

ព័ត៌មានជាតិ3 hours ago

សម្តេច​តេ​ជោ ហ៊ុន សែន កោតសរសើរ​ចំពោះ​តួនាទី​ឈានមុខ​របស់​អង្គការ​សុខភាព​ពិភពលោក ក្នុងការ​ប្រយុទ្ធប្រឆាំង​ជំងឺ​កូ​វីដ​-១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services