ព័ត៌មានជាតិ

អភិបាលក្រុងកែបស្ដីទី នឹងអប់រំអាជីវករដែលទារលុយពីភ្ញៀវទេសចរ នៅឆ្នេរកែប បន្ថែមទៀត

បានផុស

២ years មុន

នៅ

ថ្ងៃព្រហស្បតិ៍ ១១ មេសា ២០២៤

ដោយ

នាថ្ងៃទី ១១ ខែមេសា ឆ្នាំ ២០២៤ នេះ លោក ឃន វុទ្ធី អភិបាលក្រុងកែបស្ដីទី បានបញ្ជាក់ថា លោក នឹងហៅអាជីវករដែលបានទារលុយពីភ្ញៀវទេសចរនៅឆ្នេរកែប មកធ្វើការអប់រំ ណែនាំ នៅរដ្ឋបាលក្រុងកែប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃន វុទ្ធី បញ្ជាក់បន្ថែមថា កាលពីសប្ដាហ៍មុន លោកក៏បានចុះណែនាំអាជីវករដែលរកស៊ីនៅតាមបណ្ដោយឆ្នេរកែបនោះរួចហើយដែរ មុនរដូវចូលឆ្នាំថ្មីមកដល់ ប៉ុន្តែនៅតែមានអ្នកឆ្លៀតឱកាសបង្កភាពមិនសប្បាយរីករាយដល់ភ្ញៀវទេសចរទៀត។

លោកអភិបាលក្រុងកែបស្ដីទី បញ្ជាក់ទៀតថា អាជ្ញាធរហាមដាច់ខាតមិនឲ្យមានការក្រាលកន្ទេលយកលុយ ឬ ទារលុយពីភ្ញៀវទេសចរនោះទេ។ ដោយឡែកសម្រាប់ទីតាំងលើការូឡា តាមបណ្ដោយមាត់ឆ្នេរស្រីស ដែលភ្ញៀវទេសចរមកដាក់តុអង្គុយនោះ ក៏មិនអនុញ្ញាតឲ្យភ្ញៀវ ឬ អាជីវករ ក្រាលកន្ទេល ឬ ដាក់តុអង្គុយនោះដែរ ដោយទុកសម្រាប់តែផ្លូវថ្មើរជើងប៉ុណ្ណោះ។

គួរជម្រាបថា កន្លងមក លោក ឃន វុទ្ធី អភិបាលក្រុងកែបស្ដីទី ធ្លាប់បានធ្វើការណែនាំជាច្រើនដងរួចមកហើយចំពោះអាជីវករដែលរកស៊ីនៅតាមបណ្ដោយឆ្នេរកែប ប៉ុន្តែនៅតែមានអ្នកឆ្លៀតឱកាសទៀត៕

អត្ថបទ ៖ សឹង រ៉ាត់