Connect with us

ព័ត៌មានជាតិ

គ្រោះថ្នាក់ចរាចរណ៍កើតឡើងខ្ពស់ គួរឲ្យព្រួយ​បារម្ភ ទៅលើកម្មកររោងចក្រ

បានផុស

នៅ

មន្ត្រីជាន់ខ្ពស់នៃបេឡាជាតិរបបសន្តិសុខសង្គមដែលហៅកាត់ថា ប.ស.សបានឱ្យដឹងថា បច្ចុប្បន្ននេះគ្រោះថ្នាក់​ចរាចរណ៍ផ្លូវគោកទៅលើកម្មកររោងចក្រ ហាក់មានការកើនឡើងគួរឱ្យព្រួយបារម្ភ បន្ទាប់ពីស្ថានភាពជំងឺកូវីដ ១៩ មានភាពធូរស្រាលរួចមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងកិច្ច ប្រជុំផ្សព្វផ្សាយអប់រំច្បាប់ស្តីពីសុវត្ថិភាពចរាចរណ៍ផ្លូវគោកនៅតំបន់សេដ្ឋកិច្ចពិសេស ខេត្តព្រះសីហនុ​កាលពីពេលថ្មីៗនេះ លោក ហេង សុផាន់ណារិទ្ធ អគ្គនាយករងបេឡាជាតិរបបសន្តិសុខសង្គម និងជាប្រធាន​ក្រុមការងារសុវត្ថិភាពចរាចរណ៍ផ្លូវគោក សម្រាប់គាំពារកម្មករនិយោជិត បានមានប្រសាសន៍ថា ស្ថានភាពកូវីដ-១៩ នៅប្រទេសកម្ពុជា ហាក់មានការធូរស្រាល តែករណីគ្រោះថ្នាក់ចរាចរណ៍នៅតែបន្តកើតឡើង ហើយវានៅតែ​ជា​កង្វល់របស់រាជរដ្ឋាភិបាលដដែល ជាពិសេសបញ្ហាគ្រោះថ្នាក់ចរាចរណ៍ ដែលកើតឡើងទៅលើបងប្អូនកម្មករនិយោជិត ដែលធ្វើដំណើរតាមរថយន្តដឹកកម្មករ និងតាមមធ្យោបាយផ្សេងៗ ក្នុងនោះរថយន្តដឹកកម្មករនិយោជិតមួយចំនួន ត្រូវបានកែច្នៃចេញពីរថយន្តដឹកទំនិញទៅជារថយន្តដឹកកម្មករ ជាហេតុធ្វើឱ្យមិនស្របទៅតាមលក្ខណៈ បច្ចេកទេស។

ជាក់ស្តែងគ្រាន់តែនៅក្នុងត្រីមាសទី១ ឆ្នាំ២០២២ មានគ្រោះថ្នាក់ចរាចរណ៍ផ្លូវគោក ចំនួន ៣៧០ករណី បាន​កើតឡើងមកលើបងប្អូនកម្មករនិយោជិត ដែលបណ្តាលឲ្យមានជនរងគ្រោះចំនួន ៤០២នាក់ ក្នុងនោះស្លាប់ ១៤នាក់ របួសធ្ងន់ ១១៩នាក់ និងរបួសស្រាល ២៦៩នាក់។ គ្រោះថ្នាក់លើរថយន្តដឹកកម្មករនិយោជិតមានចំនួន ៤លើក របួសសរុប ៨៨នាក់ ក្នុងនោះរបួសធ្ងន់ចំនួន ១៣នាក់ និងរបួសស្រាលចំនួន ៧៥នាក់។

លោក ហេង សុផាន់ណារិទ្ធ បានបន្តទៀតថា កន្លងមក ប.ស.ស. ដែលមានក្រុមការងារសុវត្ថិភាពចរាចរណ៍ផ្លូវគោក ជាសេនាធិការ តែងតែសហការជាមួយគ្រប់ក្រសួង ស្ថាប័ន និងអង្គភាពពាក់ព័ន្ធទាំងអស់​ដែលមានភារៈកិច្ចលើ​ការងារចរាចរណ៍ ក្នុងន័យបង្កើនការផ្សព្វផ្សាយអប់រំច្បាប់ស្តីពីសុវត្ថិភាពចរាចរណ៍​ផ្លូវគោកជូនដល់បងប្អូនកម្មករ​និយោជិត ពិសេសអ្នកបើកបររថយន្តដឹកកម្មករ ដើម្បីឲ្យពួកគេបានយល់ដឹងកាន់តែច្បាស់អំពីសុវត្ថិភាពធ្វើដំណើរ ធ្វើយ៉ាងណាចូលរួមទប់ស្កាត់ទៅលើករណីគ្រោះថ្នាក់ចរាចណ៍ផ្លូវគោកដែលបានកើតឡើង ចំពោះបង​ប្អូនកម្មករនិយោជិតឲ្យមកនៅកម្រិតទាបបំផុត។

លើសពីនេះទៀត លោកបានសំណូមពរដល់ អ្នកបើកបររថយន្តដឹកកម្មករ និងបងប្អូនកម្មករនិយោជិតទាំងអស់ ត្រូវគោរពច្បាប់ចរាចរណ៍ ជាពិសេសគោរពទៅលើសីលធម៌ ១០ចំណុច ព្រមទាំងពាក់មួកសុវត្ថិភាពឲ្យបានគ្រប់ៗគ្នា ក្នុងពេលធ្វើដំណើរតាមរយៈទោចក្រយានយន្តនៅតាមដងផ្លូវ។

លោកឧត្តមសេនីយ៍ត្រី ស៊ីធឿន តុលា ស្នងការរង នៃស្នងការដ្ឋាននគរបាលខេត្តព្រះសីហនុ ក៏បានអំពាវនាវ ដល់បងប្អូនអ្នកបើកបររថយន្តដឹកកម្មករ និងបងប្អូនកម្មករនិយោជិតទាំងអស់ ធ្វើយ៉ាងណាត្រូវចូលរួមគោរព និងអនុវត្តច្បាប់ចរាចរណ៍ផ្លូវគោកឱ្យបានខ្ជាប់ខ្ជួន និងគ្រប់ៗគ្នា។ ចំណែករថយន្តដឹកកម្មករ មិនត្រូវផ្ទុកកម្មករលើសចំណុះ ត្រូវត្រួតពិនិត្យយានយន្តមុនពេលចេញដំណើរទៅដឹកកម្មករ  ឆៀករថយន្តជាប្រចាំពិសេសអ្នកបើកបររថយន្តដឹកកម្មករទាំងអស់ ត្រូវទៅប្រឡងយកបណ្ណបើកបរឱ្យស្របតាមប្រភេទយានព្រមទាំងចូលរួមវគ្គបណ្តុះបណ្តាលរបស់ក្រុមការងារ ប.ស.ស. ស្តីពីច្បាប់ចរាចរណ៍ផ្លូវគោកដើម្បីបញ្ចៀសគ្រោះថ្នាក់ចរាចរណ៍ទៅលើកម្មករនិយោជិត៕ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១១ ម៉ោង មុន

ឯកឧត្តម ឃួង ស្រេង ផ្ញើសារគោរពជូនពរ លោកជំទាវ កិត្តិសង្គហបណ្ឌិត ម៉ែន សំអន ក្នុងឱកាសចម្រើនជន្មាយុគម្រប់ ៦៩ ឈានចូល ៧០ឆ្នាំ

ជីវិតកម្សាន្ដ១៤ ម៉ោង មុន

តួស្រីក្នុងរឿង “បុព្វេសន្និវាស” Prang សង្ស័យបែកគ្នា ក្រោយឃើញមិត្តប្រុសបង្ហោះសារចម្លែក

វប្បធម៌ ជំនឿ១៥ ម៉ោង មុន

យល់សប្ដិឃើញឆ្មាកើតកូន ជាប្រផ្នូលល្អឬអាក្រក់?

ព័ត៌មានអន្ដរជាតិ១៦ ម៉ោង មុន

តៃវ៉ាន់ កំពុងអភិវឌ្ឍន៍យន្តហោះដ្រូនមានប្រសិទ្ធភាពដូច អ៊ុយក្រែន ប្រើទប់ រុស្ស៊ី

ជីវិតកម្សាន្ដ១៦ ម៉ោង មុន

កាន់គ្រីស្ទាន ២៥ ឆ្នាំ ពេជ្រ សោភា ប្រាប់មូលហេតុធ្វើសប្បុរសធម៌ មិនដែលចែកចាយ​លើ​បណ្ដាញសង្គម

Sokha Hotels

ព័ត៌មានពេញនិយម