Connect with us

ព័ត៌មានជាតិ

កាតព្វកិច្ច​ពាក់ម៉ាស់​ក្នុង​ថ្នាក់រៀន​ ទុកឱ្យសិស្ស​សម្រេចពាក់​ ឬមិនពាក់​

បានផុស

នៅ

ប្រធានមន្ទីរអប់រំ​យុវជន និងកីឡាបានមានប្រសាសន៍ថា ការពាក់ម៉ាសនៅក្នុងថ្នាក់រៀនរបស់សិស្សានុសិស្ស នៅរាជធានីភ្នំពេញលែងជាកាតព្វកិច្ច ទៀតហើយពោលគឺអាស្រ័យទៅលើការសម្រេចចិត្តរបស់សិស្សម្នាក់ៗប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក ហែម ស៊ីណារ៉េត​ ប្រធានមន្ទីរអប់រំយុវជន​និងកីឡា​បានមានប្រសាសន៍​នៅព្រឹកថ្ងៃទី១៤​ឧសភា​នេះថា «សម្រាប់នៅរាជធានីភ្នំពេញយើងលែង​តម្រូវឱ្យសិស្សានុសិស្សពាក់ម៉ាស​នៅ​ក្នុងថ្នាក់​រៀនបន្តទៀតហើយ។

ការពាក់ឬមិនពាក់វាជាសិទ្ធិសេរីភាពរបស់ពួកគាត់ម្នាក់ៗ គាត់ពាក់ក៏បានមិនពាក់ក៏បាន។​ប៉ុន្តែពួកគាត់ត្រូវបន្តអនុវត្តវិធាន​ការនានារបស់រាជ​រដ្ឋាភិបាល​ដើម្បី​ការពារទប់ស្កាត់ការឆ្លងរាល​ដាលជំងឺកូវីដ១៩នៅក្នុងសាលារៀន»។

​លោកប្រធានមន្ទីរបានបន្តថា​វិធានការវ៉ាស់កម្តៅ ​លាងដៃនិងសាប៊ូឬជែល​និងអាកុលនៅតែបន្តអនុវត្តជាប់​ជាប្រចាំនៅតាមសាលារៀននីមួយៗព្រោះថាបើទោះបីជាទៅថ្ងៃខាមុខជំងឺកូវីដ១៩លែងមានក៏យើងនៅតែបន្តអនុវត្តដដែលព្រោះវិធានការនេះអាចការពារការឆ្លងបានពីមេរោគផ្សេងៗផងដែរពិសេសជំងឺដែលឆ្លងតាមចំណីអាហារនិងកាត់បន្ថយបានពីជំងឺរាករូសដែលចម្លងពីចំណីអាហារ។

យ៉ាងណាក៏ដោយ លោកប្រធានមន្ទីរបានលើកទឹកចិត្តដល់សិស្សា នុសិស្សត្រូវបន្តអនុវត្តវិធាន​ការ​ការ​ពារ ៣កុំ និង​៣ការពាររបស់ប្រមុខរដ្ឋាភិបាលឱ្យបាន​ខ្ជាប់ខ្ជួនពិសេសការពាក់ម៉ាស​ឱ្យបានត្រឹម​ត្រូវ​ពិសេសនៅទីកន្លែងដែលបិទជិត តាមពិធីនានាដែលមានមនុស្សប្រមូលផ្តុំ​ច្រើនដើម្បីទប់ស្កាត់​ការឆ្លងជំងឺកូវីដ១៩ក្នុងសហគមន៍បើទោះបីជាកម្ពុជាមិនមានឆ្លងករណីជំងឺនេះថ្មីជាប់ៗគ្នាក្នុងរយៈពេល៧ថ្ងៃក៏ដោយ។

លោកប្រធានបានបញ្ជាក់ថាក្រៅពីពាក់ម៉ាសចំពោះការរៀននៅក្នុងថ្នាក់ពេញម៉ោងឬមិនពេញម៉ោងគឺអាស្រ័យទៅតាមស្ថានភាពជាក់ស្តែងរបស់សាលានីមួយៗជាអ្នកសម្រេចព្រោះថារហូតមកដល់ពេលនេះក្រសួងអប់រំយុវជននិងកីឡានៅមិនទាន់មានចេញសេចក្តីណែនាំថ្មីណាមួយនៅឡើយទេ។

​លោក ហែមស៊ីណារ៉េត បានឱ្យដឹងថា «ការរៀនពេញម៉ោងឬមិនពេញ​ម៉ោងគឺសាលានីមួយៗ​ជាអ្នក​រៀប​ចំទៅតាមជាក់ស្តែងដោយ​សាលាខ្លះមានសិស្សតិចបញ្ចូលគ្នា​រៀនបានពេញម៉ោង​នៅក្នុងថ្នាក់​រៀន។​

ចំណែកសាលាខ្លះទៀតដែល​មានសិស្សច្រើនអាចរំលែកគ្នារៀនឆ្លាស់គ្នាគឺរៀនក្នុងថ្នាក់ផង​និងរៀនតាមអនឡាញផងព្រោះថារហូតមកដល់ពេលនេះក្រសួងអប់រំយុវជននិងកីឡានៅមិនទាន់មានចេញសេចក្តីណែនាំណាមួយថ្មីនៅឡើយទេ»។

ក្រសួងសុខាភិបាលបានណែនាំរួចហើយពីទីតាំងដែលមិនតម្រូវឱ្យពាក់មាសនៅទីសាធារណៈ ដូចជា នៅផ្លូវឬសួនច្បារសាធារណៈ​អគារឬបន្ទប់បើកបង្អួចឬផ្សារទំនើបធំៗ​ដែលមានប្រព័ន្ធ​រំហូរខ្យល់ចេញ​ចូលល្អជាដើមដោយប្រជាជនទាំងអស់អាច​ជ្រើសរើសដោយខ្លួនឯង​ពីការបន្ត​ពាក់ម៉ាស់​ឬមិនពាក់ម៉ាស់។

ប៉ុន្តែការពាក់ម៉ាស់នេះត្រូវបានលើកទឹកចិត្តឱ្យបន្តអនុវត្តនៅពេលមានការ ចូលរួមក្នុងព្រឹត្តិការណ៍​ជួបជុំទីតាំងសកម្មភាពសង្គម-

សេដ្ឋកិច្ចនានាដែល​មានការប្រមូល​ផ្តុំមនុស្ស​ច្រើនកុះករកកកុញ ជាអាទិ៍ការរៀបចំសន្និសីទ កិច្ចប្រជុំ សិក្ខាសាលាឬវគ្គបណ្តុះបណ្តាលផ្សេងៗនិងទីតាំងបិទជិតនានាដែលពុំមានប្រព័ន្ធរំហូ រខ្យល់ចេញចូលល្អឬទីកន្លែងដែលមានការសង្ស័យថាមានបុគ្គលដែលប៉ះពាល់នឹងជំងឺកូវីដ-១៩។

ចំពោះ ទីតាំងបិទជិត ត្រូវបន្តអនុវត្តកាតព្វកិច្ចពាក់ម៉ាសឬការពាក់ម៉ាសជាជម្រើសដោយផ្អែកទៅតាមការកំណត់នៅគោលការណ៍ប្រតិបត្តិស្តង់ដារនានា (SOPs)ដែលក្រសួង-ស្ថាប័នមានសមត្ថកិច្ចបានដាក់​ចេញនាពេល​កន្លងមក។

ប៉ុន្តែកាតព្វកិច្ចពាក់ម៉ាសនេះ ត្រូវបន្តអនុវត្តសម្រាប់អ្នកជំងឺកូវីដ-១៩និងអ្នកដែល​មានការ​ពាក់ព័ន្ធនឹងអ្នកវិជ្ជមាន កូវីដ-១៩៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម