ព័ត៌មានជាតិ
អាជ្ញាធរស្រុកឆែប រួមជាមួយអង្គការដៃគូ លើកទឹកចិត្តដល់ប្រជាសហគមន៍ ផលិតចង្កឹះទ្រាំង ក្នុងខេត្តព្រះវិហារ
ព្រះវិហារ ៖ ការគាំទ្រ និងលើកទឹកចិត្តឲ្យប្រជាសហគមន៍ផលិតចង្កឹះទ្រាំង បន្តថែរក្សាវប្បធម៌ដើម និងអភិវឌ្ឍមុខរបរ ពីសំណាក់អាជ្ញាធរស្រុកឆែប ខេត្តព្រះវិហារ រួមជាមួយអង្គការដៃគូ នៃកម្មវិធីផ្លាស់ប្តូរបទពិសោធន៍ អនុផលព្រៃឈើ ហៅកាត់ (NTFP-EP) ប្រចាំកម្ពុជា បានធ្វើឡើងកាលពីថ្ងៃទី១៧ ខែធ្នូឆ្នាំ២០២០ ក្នុងកិច្ចប្រជុំមួយ ស្តីពីការស្វែងយល់ ការបង្កើនប្រាក់ចំណូលសហគមន៍មូលដ្ឋាន នៅសាលាស្រុកឆែប ដែលមានការចូលរួម ពីប្រជាសហគមន៍ផលិតចង្កឹះទ្រាំងទាំង៥ នៅក្នុងខេត្តព្រះវិហារ នោះផងដែរ។
នៅក្នុងការពិគ្រោះយោបល់ រវាងអាជ្ញាធរស្រុកឆែប ខេត្តព្រះវិហារ និងអង្គការកម្មវិធីផ្លាស់ប្តូរបទពិសោធន៍ អនុផលព្រៃឈើ (NTFP-EP) នាគ្រានោះ ប្រជាសហគមន៍ផលិតចង្កឹះទ្រាំង នៅក្នុងឃុំឆែប១ និងឃុំសង្កែ បានត្អូញត្អែរពីផលិតផលចង្កឹះទ្រាំង នៅឆ្នាំ២០២០នេះ ពុំមានអតិថិជនគាំទ្រ និងទិញផលិតផលនេះឡើយ កត្តានេះគឺជាបញ្ហាប្រឈមដ៏ធំមួយ ធ្វើឲ្យប្រជាសហគមន៍ បាត់បង់ប្រាក់ចំណូលនិងឈានទៅបាត់បង់មុខរបរមួយនេះ នៅក្នុងឆ្នាំខាងមុខៗទៀត ជាក់ជាពុំខានឡើយ។
ប្រធានអង្គការកម្មវិធីផ្លាស់ប្តូរបទពិសោធន៍ អនុផលព្រៃឈើ (NTFP-EP) ប្រចាំកម្ពុជា លោក ស៊ីម ប៊ុនធឿន បានបញ្ជាក់ថា ការព្រួយបារម្ភរបស់ប្រជាសហគមន៍ គឺជាប្រធានបទមួយ សម្រាប់ឲ្យអាជ្ញាធរនិងផ្នែកដៃគូ ប្រឹងប្រែងស្វែងរកដំណោះស្រាយជូនប្រជាសហគមន៍ ព្រោះត្បិតកិច្ចគាំពារមុខរបរ គឺជាគោលនយោបាយផ្នែកសេដ្ឋកិច្ចប្រចាំគ្រួសារ សហគមន៍ និងជាយន្តការមួយ សម្រាប់តម្រូវឲ្យយើងរួមគ្នាអភិរក្សធនធានធម្មជាតិ ថែមទៀតផង។
លោកបានបន្តថា នៅក្នុងខណៈនេះ អាជ្ញាធរ រួមនឹងអង្គការដៃគូ បានស្នើដល់អង្គភាពសារព័ត៌មាននៅកម្ពុជា ជួយផ្សព្វផ្សាយពីផលិតផលចង្កឹះទ្រាំង ដែលប្រជាសហគមន៍ផលិតបាន ដើម្បីបង្ហាញដល់អ្នកនិយមប្រើប្រាស់ឲ្យចាប់អារម្មណ៍ និងរកទីផ្សានាំចេញលក់ផលិតផលចង្កឹះទ្រាំងនេះ ផងដែរ។
តំណាងសហគមន៍ផលិតចង្កឹះទ្រាំងទាំង ៥នៅក្នុងស្រុកឆែប លោក ឃួន រ៉ាត់ បានសម្តែងការគាំទ្រយ៉ាងពេញទំហឹង ចំពោះការគិតគូរ ជួយថែរក្សាអាជីព និងការស្វះស្វែងរកទីផ្សារលក់ផលិតផល របស់ប្រជាសហគមន៍ ពីអាជ្ញាធរ និងអង្គការដៃគូ ព្រោះជាងពីរឆ្នាំមកនេះ សម្ភារៈប្រើប្រាស់ផលិតពីដើមទ្រាំង មានអតិថិជនតិចតួចណាស់ ដែលបានទិញយកទៅប្រើប្រាស់ ដោយសារតែបងប្អូនខ្លះ មិនទាន់បានយល់ពីគុណភាព របស់ផលិតផលចង្កឹះទ្រាំងទាំងនេះ នៅឡើយទេ។
លោកបានស្នើឲ្យអាជ្ញាធរពាក់ព័ន្ធ ជួយរៀបចំឲ្យមានទីតាំងលក់ដូរ ឲ្យបានច្បាស់លាស់ ដើម្បីបង្កលក្ខណៈងាយស្រួលដល់អតិថិជន ឬភ្ញៀវទេសចរជាតិ អន្តរជាតិ ដែលចូលមកទស្សនាខេត្តព្រះវិហារបានឃើញ និងជួយទិញយកទៅប្រើប្រាស់ ប្រចាំគ្រួសារ និងសម្រាប់ទុកជាវត្ថុអនុស្សាវរីយ៍ ផងដែរ។
អភិបាលរងស្រុកឆែប ខេត្តព្រះវិហារ លោក អ៊ុ សុភឿន បានថ្លែងថា ការស្នើរបស់ប្រជាសហគមន៍ នៅក្នុងពេលនេះ គឺជាដំណោះស្រាយរួមមួយ និងការជំរុញឲ្យមានការលើកទឹកចិត្ត ដល់ប្រជាសហគមន៍ ឲ្យមានការអភិវឌ្ឍមុខរបរ និងថែរក្សាអាជីពរបស់ខ្លួន កុំឲ្យមានការបាត់តបង់ ហើយឈានទៅរួមគ្នាបង្កើតជាភូមិមួយ មានផលិតផលមួយ។
លោកបានបន្តថា អាជ្ញាធរស្រុក និងអង្គការដៃគូ នឹងពិគ្រោះពិភាក្សាគ្នា ជាមួយមន្ទីរពាក់ព័ន្ធក្នុងខេត្ត លើគម្រោងស្នើសុំបង្កើតឲ្យមានទីផ្សារចុងសប្តាហ៍ សម្រាប់លក់ដូរផលិតផលចង្កឹះទ្រាំង ទាំងនៅតាមទីប្រជុំជន និងនៅតាមតំបន់ទេសចរណ៍សំខាន់ៗក្នុងខេត្ត ដើម្បីជួយលើកកម្ពស់មុខរបរ និងជីវភាពក្នុងសហគមន៍ កាន់តែប្រសើរឡើង។
លោកអភិបាលរងស្រុក ក៏បានស្នើដល់ប្រជាសហគមន៍ ដែលជាម្ចាស់ផលិតផល ត្រូវផលិតចង្កឹះទ្រាំង ដោយរក្សាបរិមាណ គុណភាព និងសោភណ្ឌភាព ឲ្យស្ថិតនៅសភាពដើម ជាដដែលផងដែរ។
គួរបញ្ជាក់ថា សហគមន៍ផលិតចង្កឹះទ្រាំង នៅស្រុកឆែប ខេត្តព្រះវិហារ មានចំនួន៥ ក្នុងនោះ នៅឃុំឆែបមួយ មាន ៣សហគមន៍ និងនៅក្នុងឃុំសង្កែ មាន ២សហគមន៍ ដែលកំពុងដំណើរការផលិត ក្រោមការជួយឧបត្ថម្ភគាំទ្រ ពីអង្គការកម្មវិធីផ្លាស់ប្តូរបទពិសោធន៍ អនុផលព្រៃឈើ (NTFP-EP) ប្រចាំកម្ពុជា ដែលទទួលបានជំនួយ ពីពលរដ្ឋអាមេរិកកាំង (USAID)៕
វុទ្ធឦសាន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៧ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ