Connect with us

ព័ត៌មានជាតិ

អគ្គលេខាធិការអង្គការសម្ព័ន្ធពិភពឥស្លាម អបអរសាទរជាមួយប្រជាជនកម្ពុជា ដែលមានថ្នាក់ដឹកនាំមានភាពប្រាកដនិយម  

បានផុស

នៅ

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី ២១ ខែមិថុនា ឆ្នាំ ២០២២នេះ បានអនុញ្ញាតឲ្យលោកបណ្ឌិត មហាំម៉ាត់ អាប់ឌុលការីម អាល់អ៊ីសា អគ្គលេខាធិការអង្គការសម្ព័ន្ធពិភពឥស្លាម ចូលជួបសម្តែងការគួរសម និងពិភាក្សាការងារ នៅវិមានសន្តិភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក អ៊ាង សុផល្លែត ជំនួយការផ្ទាល់របស់សម្ដេចតេជោ បានឲ្យដឹងថា នៅក្នុងជំនួបនេះលោកបណ្ឌិត មហាំម៉ាត់ អាប់ឌុលការីម អាល់អ៊ីសា បានសម្ដែងក្ដីរីករាយជាខ្លាំង ដែលបានមកបំពេញទស្សនកិច្ចនៅកម្ពុជា ដែលជាប្រទេសលោកស្រលាញ់ពេញចិត្ត ហើយជាប្រទេសមិនមានការរើស​អើងសាសនា ពោលគឺជាប្រទេសសន្តិសហវិជ្ជមានជាតិសាសន៍ និងសាសនា ដោយនេះជាតម្លៃពិតរបស់កម្ពុជា ហើយក៏ជាគំរូសម្រាប់ពិភពលោកផងដែរ។

លោកអគ្គលេខាធិការអង្គការសម្ព័ន្ធពិភពឥស្លាម ក៏បានអបអរសាទរជាមួយប្រជាជនកម្ពុជា ដែលមានថ្នាក់ដឹកនាំជាទីគោរព និងគំរូ ហើយមានភាពប្រាកដនិយមក្នុងការដឹកនាំប្រទេសកម្ពុជា ឲ្យទទួលបានសុខសន្តិភាព ស្ថិរភាព និងការអភិវឌ្ឍ។ លោកបណ្ឌិត បានបន្តទៀតថា ប្រទេសអារ៉ាប៊ី សាអូឌីត មានភាពរីករាយជាខ្លាំង ជាមួយនឹងការគោរព និងស្រលាញ់ នូវការដឹកនាំរបស់សម្ដេចតេជោ ហ៊ុន សែន ហើយនឹងយកបទពិសោធន៍ពីប្រទេសកម្ពុជា ទៅចែករំលែកនៅតាមវេទិកាផ្សេងៗ និងជាមួយថ្នាក់ដឹកនាំប្រទេសដទៃទៀត អំពីការដឹកនាំដែលផ្ដល់ជូនប្រជាពលរដ្ឋ នូវសេរីភាព និងក្ដីស្រលាញ់ តាមការអនុវត្តជាក់ស្ដែង។

ជាការឆ្លើយតបសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងអំណរគុណចំពោះពាក្យពេច​ន៍ របស់លោកបណ្ឌិត មហាំម៉ាត់ អាប់ឌុលការីម អាល់អ៊ីសា ហើយសម្ដេចតេជោ បានមានប្រសាសន៍ថា សុខដុម​នីយកម្ម ជាតិសាសន៍ និងសាសនា គឺមានសារៈសំខាន់ណាស់។

សម្ដេចតេជោ ហ៊ុន សែន បានលើកឡើងថា ប្រទេសមួយ អាចទទួលបានសុខសន្តិភាព ស្ថិរភាព និងការអភិវឌ្ឍ ត្រូវមានភាពអត់អោន និងសុខដុម​នីយកម្មជាតិសាសន៍ និងសាសនា ហើយត្រូវខិតខំធ្វើយ៉ាងណា កុំឲ្យមានភាពលម្អៀង ​និងមិនអាចយកច្បាប់ ព្រមទាំងវិធានរដ្ឋបាលគ្រប់គ្រងជំនឿ របស់ប្រជាជននោះទេ។ ផ្ទុយទៅវិញ ត្រូវមានគោលនយោបាយ និងវិធីសាស្រ្ដ ដើម្បីបំពេញបន្ថែម ហើយបង្កលក្ខណៈឲ្យមានការរីកចម្រើន៕​

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៣ នាទី មុន

រាជរដ្ឋាភិបាលបន្តដាក់ចេញវិធានការបន្ថែម សម្រាប់បន្តគ្រប់គ្រង និងគាំទ្រការងើបឡើងវិញ នៃវិស័យទេសចរណ៍

ព័ត៌មានជាតិ៥៣ នាទី មុន

គណបក្ស​ប្រជាជនកម្ពុជា​បើកសន្និបាត​គណៈកម្មា​ធិការកណ្តាល​ពិនិត្យ​ការងារ​កន្លងមក​ និងលើក​ទិសដៅបន្ត

ព័ត៌មានអន្ដរជាតិ៥៧ នាទី មុន

រលកកម្តៅ កំពុងវាយប្រហារខ្លាំងក្លា ទូទាំងទ្វីប អឺរ៉ុប

ព័ត៌មានជាតិ១ ម៉ោង មុន

កម្ពុជាអនុម័ត​គម្រោង​វិនិយោគវិស័យ​កសិកម្ម​និងកែច្នៃ​ចំណីអាហារ ​៤០០ គម្រោង​មានទុន​ជាង១០ ប៊ីលានដុល្លារ

សេដ្ឋកិច្ច១ ម៉ោង មុន

ពាក់កណ្តាលខែកក្កដា ​CDC ​អនុម័ត​គម្រោង​វិនិយោគជិត ៧ លានដុល្លារបង្កើតការងារជាង ២ ពាន់កន្លែង

Sokha Hotels

ព័ត៌មានពេញនិយម