Connect with us

ព័ត៌មានជាតិ

លោក ​ជិន ម៉ាលីន ៖ កម្ពុជាកំពុងពិនិត្យមើលក្រមគោលចំនួន ៤ ដើម្បីធានាភាពយុត្តិធម៌ជូនពលរដ្ឋ

បានផុស

នៅ

រដ្ឋលេខាធិការ និងជាអ្នកនាំពាក្យក្រសួងយុត្តិធម៌ លោក ជិន ម៉ាលីន លើកឡើងថា កម្ពុជាកំពុងពិនិត្យមើលក្រមច្បាប់ចំនួន ៤ ដើម្បីធានាភាពយុត្តិធម៌ជូនពលរដ្ឋ។ លោកថ្លែងដូច្នេះនៅក្នុងវេទិការពិភាក្សា ស្ដីពី វឌ្ឍនភាពនៃវិស័យសិទ្ធិមនុស្ស និងយុត្តិធម៌នៅកម្ពុជា ដែលមានការចូលរួមពីសំណាក់តួអង្គអ្នកសារព័ត៌មាន និងតួអង្គសង្គមស៊ីវិល ដែលធ្វើការងារទាក់ទងនឹងវិស័យសិទ្ធិមនុស្ស និងវិស័យយុត្តិធម៌។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជិន ម៉ាលីន បញ្ជាក់ថា ក្រមទាំង ៤ ដែលជាច្បាប់គោល និងជាសរសរគ្រឹះនៃប្រព័ន្ធយុត្តិធម៌របស់កម្ពុជា រួមមាន៖ ក្រមព្រហ្មទណ្ឌ ក្រមនីតិវិធីព្រហ្មទណ្ឌ ក្រមរដ្ឋប្បវេណី និងក្រមនីតិវិធីរដ្ឋប្បវេណី កំពុងត្រូវបានពិនិត្យមើលឡើងវិញ។ លោកថា នៅក្នុងក្រមទាំង ៤ នេះ មានបទបញ្ញត្តិខ្លះ មិនអាចយកមកអនុវត្តនៅក្នុងសង្គមកម្ពុជាបានទេ ខណៈដែលការប្រើប្រាស់ពាក្យពេចន៍ និងភាសាមួយចំនួននោះទៀតសោត ក៏មិនត្រូវនឹងសង្គមកម្ពុជាដែរ ដែលជាហេតុធ្វើឲ្យប្រជាពលរដ្ឋ និងអ្នកសិក្សាខ្លះស្ដាប់បានតែមិនអាចយល់បាន និងបង្កឲ្យមានការបកស្រាយផ្ទុយគ្នា។

អ្នកនាំពាក្យរូបនេះ បញ្ជាក់ទៀតថា ក្រសួងយុត្តិធម៌ កំពុងត្រួតពិនិត្យមើលបញ្ហានេះ តាមរយៈការបង្កើតគណៈកម្មាការចម្រុះ ដើម្បីធ្វើការសិក្សាស្រាវជ្រាវ និងវាយតម្លៃទៅលើក្រមទាំង ៤ ដោយចាប់ផ្ដើមពីការវាយតម្លៃ ថាតើច្បាប់គោលនេះមានបញ្ហាអ្វី ហើយហេតុអ្វីបញ្ញត្តិខ្លះមិនទាន់អាចអនុវត្តបាន និងថាតើយើងត្រូវធ្វើរបៀបណាដើម្បីឲ្យក្រមទាំង ៤នេះ អាចអនុវត្តបាន និងឆ្លើយតបទៅនឹងសេចក្ដីត្រូវការ ក្នុងបរិបទរបស់កម្ពុជាពិតប្រាកដ។

រដ្ឋលេខាធិការក្រសួងយុត្តិធម៌រូបនេះ ឲ្យដឹងទៀតថា ក្រៅតែពីការពិនិត្យឡើងវិញនូវច្បាប់ដែលជាសរសរគ្រឹះទាំង ៤ របស់កម្ពុជា ក្រសួងយុត្តធម៌ ក៏នឹងកំពុងរៀបចំ និងសម្រេចឲ្យបាននូវច្បាប់លក្ខន្តិកៈ ពាក់ព័ន្ធនឹងវិជ្ជាជីវៈចំនួន ៣ រួមមាន៖ ច្បាប់ស្ដីពីលក្ខន្តិកៈក្រឡាបញ្ជី ច្បាប់ស្ដីពីលក្ខន្តិកៈអាជ្ញាសាលា និងច្បាប់ស្ដីពីលក្ខន្តិកៈសារការី ដែលនឹងត្រូវបញ្ចប់នៅចុងឆ្នាំ ២០២២ខាងមុខនេះ។

ទន្ទឹមនឹងនេះ ក្រសួងយុត្តិធម៌ក៏នឹងរៀបចំគោលនយោបាយស្ដីពីវិជ្ជាជីវៈសន្ទានការី ឬអ្នកសម្រ​បសម្រួលវិវាទក្រៅប្រព័ន្ធតុលាការ ដើម្បីកំណត់ពីគុណសម្បត្តិ និងការឧបត្ថម្ភគាំទ្រ ការត្រួតពិនិត្យ និងការវាយតម្លៃគុណភាពនៃការងារសន្ទានកម្មផងដែរ។

សូមបញ្ជាក់ថា កម្ពុជាបានចំណាយពេល ១០ឆ្នាំ ក្នុងការកសាងក្រម ឬច្បាប់គោល សម្រាប់អនុវត្តនៅក្នុងវិស័យតុលា ការកម្ពុជា ដោយក្នុងនោះក្រមនីតិវិធីព្រហ្មទណ្ឌ និងក្រមព្រហ្មទណ្ឌទទួលបានការជួយជ្រោមជ្រែង និងផ្ដល់បច្ចេកទេសពីសំណាក់ក្រុមអ្នកជំនាញ របស់ប្រទេសបារាំង។ ចំណែកឯក្រមនីតិវិធីរដ្ឋប្បវេណី និងក្រមរដ្ឋប្បវេណី ទទួលបានការជ្រោមជ្រែង និងផ្ដល់ជាបច្ចេកទេសពីសំណាក់ក្រុមអ្នកជំនាញ របស់ប្រទេសជប៉ុន៕

អត្ថបទ៖ លន់ សេនី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៥ នាទី មុន

រដ្ឋមន្រ្តីការបរទេសបង់ក្លាដែស កោតសរសើរពីចំនួនពលរដ្ឋដ៏ច្រើនបានចេញទៅបោះឆ្នោត ឃុំ-សង្កាត់

ព័ត៌មានជាតិ៣៥ នាទី មុន

ក្រសួងអប់រំប្រកាសទទួលស្គាល់សញ្ញាបត្របាក់​ឌុបសាលាអន្តរជាតិ អាយ ស៊ី អេស មានតម្លៃដូចសញ្ញាបត្រក្រសួងដែរ

ព័ត៌មានជាតិ២ ម៉ោង មុន

រដ្ឋមន្ត្រីការបរទេសបង់ក្លាដែស ចុះពិនិត្យផ្លូវមួយខ្សែ ដែលដាក់ឈ្មោះបិតាជាតិរបស់ខ្លួន

ព័ត៌មានជាតិ៣ ម៉ោង មុន

រាជរដ្ឋាភិបាលបន្តដាក់ចេញវិធានការបន្ថែម សម្រាប់បន្តគ្រប់គ្រង និងគាំទ្រការងើបឡើងវិញ នៃវិស័យទេសចរណ៍

ព័ត៌មានជាតិ៣ ម៉ោង មុន

គណបក្ស​ប្រជាជនកម្ពុជា​បើកសន្និបាត​គណៈកម្មា​ធិការកណ្តាល​ពិនិត្យ​ការងារ​កន្លងមក​ និងលើក​ទិសដៅបន្ត

Sokha Hotels

ព័ត៌មានពេញនិយម