Connect with us

ព័ត៌មានជាតិ

សិស្សឆ្នើមពីរនាក់ប្រាប់​គន្លឹះ​ប្រឡង​ចូល​មហាវិទ្យាល័យ​​ពីរផ្សេង​គ្នា​ រៀន​អត់អស់លុយ

បានផុស

នៅ

មុននឹងអាចឈានជើងចូលប្រឡងជាប់ជានិសិត្សអាហារូបករណ៏នៅក្នុងសកលវិទ្យាល័យណាមួយបាន លុះត្រាតែសិស្សម្នាក់ៗមានពិន្ទុខ្ពស់ ទទួលបាននិទ្ទេសល្អកាលរៀននៅវិទ្យាល័យ គួបផ្សំ​ត្រូវ​មាន​ភាពក្លាហាន និងការតស៊ូ អត់ធ្មត់ផងដែរ។

និសិត្ស២ រូបមានសមត្ថភាពជាប់អាហារូបករណ៍​នៅ​សាកលវិទ្យាល័យ​ពីរ​ផ្សេង​គ្នា​ បង្ហើប​ពី​គន្លឹះជោគជ័យ​​ដើម្បី​ទទួល​បាន​ការ​សិក្សា​ដោយ​ឥតគិតថ្លៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យុវសិស្សឈ្មោះ ឌន ស្រីណេត ជានិសិត្សឆ្នើមម្នាក់ដែលបានជាប់អាហារូបករណ៍នៅសកលវិទ្យាល័យភូមិន្ទវិចិត្រ​សិល្បៈ​ផ្នែក Interior Design បានប្រាប់«កម្ពុជាថ្មី» ថា «កត្តាដែលអាចឲ្យខ្ញុំជាប់ជាសិស្សអាហារូបករណ៍បាន គឺពាក់ព័ន្ធការសិក្សានៅវិទ្យាល័យរបស់ខ្ញុំទទួលបានពិន្ទុខ្ពស់។ មួយវិញទៀតគឺការស្រលាញ់ពេញចិត្ត និងរៀបចំគោលដៅខ្លួនឯងដើម្បីមកបន្តការសិក្សានៅសកលវិទ្យាល័យ។ លើសពីនេះទៅទៀត ខ្ញុំក៏មានដុងស្រាប់ស្រលាញ់ការគូរគំនូរ ព្រមទាំងការអត់ធ្មត់ តស៊ូ ព្យាយាមចំណាយពេលលើវាច្រើន មិនបោះបង់ចោលទោះជួបការលំបាក់»។

ស្រីណេតបានបន្ថែមថា ចំពោះផ្នែក Interior Design ត្រូវខិតខំទៅលើមុខវិទ្យាមួយចំនួនដូចជា គណិតវិទ្យា គូររូប កុំព្យូរទ័រ និង​ការប្រើប្រាស់ភាសារអង់គ្លេសឲ្យបានល្អ។ ជាមួយគ្នានេះ នៅពេលប្រឡងចូល តម្រូវទៅលើការគូសគំនូរ គំនូរមើលឃើញ គំនូរសខ្មៅ និងគំនូរពណ៌ ដោយ​តម្រូវឲ្យគូរដោយផ្ទាល់ដៃទៀតផង។

បើ​តាម​យុវតី​រូប​នេះ មុខជំនាញនេះ​ស្មុកស្មាញ និងធុញថប់ខ្លាំង ប៉ុន្តែដោយការស្រលាញ់ចូលចិត្ត ការរៀនផ្នែកនេះ ព្យាយាមធ្វើវាពេញដោយក្តីស្រលាញ់នោះ និងមានភាពងាយស្រួលទៅវិញ។

ស្រីណេតបានឲ្យដឹងផងថា «ការរៀនជាសិស្សអាហារូបករណ៍មិនមានលក្ខណៈខុសប្លែកគ្នាអ្វីនោះទេ គឺសាលាឲ្យរៀនដូចអ្នកដែលបានបង់ថ្លៃដែរ ប៉ុន្តែខុសត្រង់ថា ប្រសិនយើងមានពិន្ទុខ្ពស់ល្អនោះសាលានឹង​ដាក់អ្នកដែលមានពិន្ទុខ្ពស់ផ្សេង និងពិន្ទុខ្សោយផ្សេងជាដើម។ ជាចុងក្រោយស្រីណេត ដែល​ជាសិស្សឆ្នើមម្នាក់ដែលអាចប្រឡងជាប់អាហារូបករណ៍ និងជានិសិត្សដែលទទួលបានពិន្ទុខ្ពស់ក្នុងសាលា ចង់ឲ្យសិស្សប្អូនជំនាន់ក្រោយ ប្រសិនបើចងដាក់អាហារូបករណ៏ត្រូវខិតខំផ្នែក គណិត កុំព្យូទ័រ អង់គ្លេស ម៉្យាង​ត្រូវតស៊ូ អត់ធ្មត់ មិនត្រូវបោះបង់ចោលពាក់កណ្តាលទីនោះឡើយ ព្រោះពាក្យថារៀនមិនមែនងាយស្រួលនោះដូចការគិតទេ។

និសិត្សអាហារូបករណ៍​ម្នាក់​ទៀត ដែល​បានជាប់អាហារូបករណ៍ផ្នែកហិរញ្ញវត្ថុ និងធនាគារ នៅសកលវិទ្យាល័យជាតិគ្រប់គ្រង ​កញ្ញា​ ណៃ មនោរ៉ា បានផ្តល់​សម្ភាសន៍​ឲ្យ«កម្ពុជាថ្មី» ដឹងដែរថា កញ្ញា​បានត្រៀមរៀបចំគោលដៅសម្រាប់ការដាក់អាហារូបករណ៍រួចជាស្រេចតាំងពីដើមឆ្នាំថ្នាក់ទី១២ ព្រោះតែជីវភាពគ្រួសារមានការខ្វះខាត។ ដោយសារ​បាន​អាហាររូបករណ៍ ទើបអាចមានលទ្ធភាពរៀនដូចកូនគេដទៃដែរ។

យុវតី​រូប​នេះ​ក៏ប្រាប់​ពី​ដំណាក់​កាលខ្លះៗ​ពេលប្រឡង​យក​អាហារូបករណ៍ គឺ​ខាងសាលាតម្រូវ​ឲ្យ​ប្រឡងមុខវិទ្យាមួយចំនួនដូចជា គណិតវិទ្យា (១០លំហាត់) អង់គ្លេស (៧៥សំណួរ) ភូមិវិទ្យា ប្រវត្តវិទ្យា ពលរដ្ឋវិទ្យា និងភាសាខ្មែរ សរុបទៅ១០០សំណួរ។

ដោយសារ​ឆ្នាំ​ដែល​​កញ្ញា​ប្រឡង​ទី ១២ ក្រសួង​ប្រកាស​ឲ្យ​សិស្ស​ជាប់​ដោយ​ស្វ័យប្រវត្តិ ទើបការ​សុំអាហារូបករណ៍ត្រូវ​ឆ្លង​កាត់​ការ​ប្រឡង​។ ពេលនោះកញ្ញា​ក៏មានអារម្មណ៏ថាខ្លួនឯងធ្វើ​បាន​ល្អគួរសម ទើប​អាចប្រឡងជាប់។

មនោរ៉ា បានឲ្យដឹងទៀតថា ការដែលអាចប្រឡងជាប់ទាមទារឲ្យមានការតាំងចិត្ត សេចក្តីក្លាហាន ព្រោះការមានតែសមត្ថភាពមួយមុខ ហើយគ្មានភាពក្លាហាន ភ័យខ្លាច នោះក៏មិនអាចឲ្យជោគជ័យបានដែរ ព្រោះប្រឡង​ត្រូវ​ប្រកួតប្រជែងច្រើន ដូច្នេះត្រូវមានការតាំងចិត្តទើបអាចធ្វើវិញ្ញាសារបាន​ល្អ។

ដីមនោរ៉ា ក៏​បង្ហើប​ពីការ​ជ្រើសរើស​មុខជំនាញធនាគារមកសិក្សា ព្រោះជំនាញនេះអាចឲ្យយល់ដឹងកាន់តែច្បាស់ ពីការ​បើក​ក្រុមហ៊ុន ការបើកខាងវិស័យធនាគារដោយខ្លួនឯង ដឹងពីបៀបសន្សំលុយ គ្រប់គ្រងលុយ ដកលុយ ឬវេលុយពីក្រុមហ៊ុនមួយទៅក្រុមហ៊ុនមួយទៀត។ ម៉្យាង​ជំនាញនេះរៀនចម្រុះផ្នែកចូលគ្នា៕

អត្ថបទ៖ ថារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

លោកទេសរដ្ឋមន្ត្រី​ លី ធុជ ប្ដេជ្ញាអនុវត្ត​ប្រែក្លាយឆ្នាំ២០២៥ទៅជាឆ្នាំគ្មានមនុស្សស្លាប់ និងរបួស ដោយសារមីន

វប្បធម៌ ជំនឿ២ ម៉ោង មុន

យល់សប្ដិឃើញ “យមទូត” ជាប្រផ្នូលនៃសេចក្ដីស្លាប់ឬ?

ព័ត៌មានជាតិ៣ ម៉ោង មុន

ព្រឹកស្អែក សម្តេច​តេ​ជោ ហ៊ុន សែន នឹង​អញ្ជើញ​ជា​អធិបតី​ក្នុង​ពិធី​បើក​វេទិកា​អភិបាលក្រុង​អាស៊ាន​

ជីវិតកម្សាន្ដ៣ ម៉ោង មុន

ហេតុផលធ្វើឲ្យតារា ៣ដួងនេះ ឡើងច្រៀងក្នុងព្រឹត្តិការណ៍ជាតិ រហូតផ្ទុះពេញបណ្ដាញសង្គម

ព័ត៌មានជាតិ៣ ម៉ោង មុន

ឧ​ត្ត​ម​សេនីយ៍​ឯក ហ៊ុន ម៉ា​ណែ​ត អនុញ្ញាត​ឱ្យ​សេនានុព័ន្ធ​អង់គ្លេស​ចូល​ជួប​ណែនាំ​ខ្លួន និង​ពិភាក្សា​ការងារ

Sokha Hotels

ព័ត៌មានពេញនិយម