Connect with us

ព័ត៌មានជាតិ

សុំ​ម្ដាយ​ទៅ​លេង​ទឹក បែរ​ជា​លង់ស្លាប់​យ៉ាង​អាណោចអាធ័ម

បានផុស

នៅ

កុមារប្រុស ស្រី ចំនួនពីរនាក់ ត្រូវបានប្រទះឃើញស្លាប់ ដោយសារលង់ទឹក នាវេលាម៉ោង ១២ថ្ងៃត្រង់ ថ្ងៃទី២២ ខែធ្នូ ឆ្នាំ២០២០ នៅចំណុចក្លងជិកអូរធំ ស្ថិតក្នុងភូមិរស្មីសាមគ្គី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ។

​នគរបាល​មូលដ្ឋាន​ បានឲ្យដឹងថា សពក្មេងរងគ្រោះទាំង២នាក់ ម្នាក់ឈ្មោះ ម៉ៅ ដាវ ភេទប្រុស អាយុ៥ឆ្នាំ និងម្នាក់ទៀតឈ្មោះ វ៉ង់ វិដា ភេទស្រី អាយុ៦ឆ្នាំ ។ ក្មេងទាំង២នាក់ ជាបងប្អូនជីដូនមួយនិងគ្នា រស់នៅ​ភូមិ​រស្មីសាមគ្គី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​​តាមការរៀបរាប់របស់ម្តាយក្មេងរងគ្រោះ ឈ្មោះជុំ ស្រីថា អាយុ៣៦ឆ្នាំ បានប្រាប់​សមត្ថកិច្ច​ឱ្យដឹងថា នៅ​មុន​ពេលកើតហេតុ កូនរបស់គាត់ ឈ្មោះ វ៉ង់ វិដា បានមកឱបថើប ហើយ​សុំ​​ចុះងូតទឹក២នាក់់ បងប្អូន ។ដោយក្តីអា​ណិត​កូន ដែលពីមុនៗមកមិនមានសកម្មភាពឱបថើបម្តាយ ហើយដោយសារ​កូនលួងលោម​ពេក ​គាត់ក៏យល់ព្រមឲ្យងូតចុះ​ងូត​ទឹកមួយសន្ទុះក្រោយមក ឃើញក្មេងរងគ្រោះទាំង២នាក់ បានឡើងមក​វិញ​ រួចចូលងូតទឹកអាង​នៅ​ក្នុង​ផ្ទះ ។ដោយឃើញថា ក្មេងទាំង២នាក់ បងប្អូនលឺមាត់នៅអាងទឹក​ក្នុង​ផ្ទះ​គាត់​​មិនបានចាប់អារម្មណ៍ ក៏បន្តកាប់ឆ្ការស្មៅដុះនៅក្បែរផ្ទះ លុះមួយស្របក់ក្រោយមកស្រាប់តែបាត់មាត់ ក៏ដើរទៅរកនៅ​អាងទឹក​តែ​មិន​ឃើញ ហើយបានឲ្យជីដូនដើរទៅរកមើលនៅកន្លែងលក់នំ ក៏មិនឃើញទៀត ពេល​នោះ​ឃើញខោអាវនៅមាត់​អូរ គាត់បានចុះរាវមើល ស្រាប់តែប្រទះឃើញកូនស្រីរបស់គាត់ បន្ទាប់​មក​រាវរក​ឃើញក្មួយប្រុសម្នាក់ទៀត​។

នគរបាល​មូលដ្ឋាន បានបញ្ជាក់ថា ក្រោយពីរាវរកឃើញក្មេងទាំង២នាក់ហើយ ឪពុក-ម្ដាយ បាននាំកូនទៅ​មណ្ឌលសុខភាព​សង្កាត់ តែគ្រូពេទ្យបាននិយាយថា ក្មេងទាំង២នាក់ បានស្លាប់ហើយ ។

ដោយមិនអស់ចិត្តឪពុក-ម្តាយ បានបន្តយកក្មេងទាំង២នាក់ ទៅមន្ទីរពេទ្យបង្អែក ក្រុងប៉ោយប៉ែតទៀត គ្រូ​ពេទ្យ​បានប្រាប់ដែរថា ក្មេងទាំង២នាក់ បានបាត់បង់ជីវិតហើយ ទើបអស់ចិត្តក៏យកសពកូនមករៀបចំធ្វើ​បុណ្យ​តាមប្រពៃណីទាំងក្តីសោកសៅបំផុត ៕
 
អត្ថបទ ៖ វ៉ាន់ ណាង
 

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ២ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ២ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៣ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៤ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម