ព័ត៌មានជាតិ
ក្រុមប្រឹក្សាជាតិភាសាខ្មែរ គ្រោងបោះពុម្ពសៀវភៅវចនានុក្រមខ្មែរថ្មី មានជាង ៤ ម៉ឺនពាក្យ
បច្ចុប្បន្នការប្រើប្រាស់អក្សរ និងភាសាខ្មែររបស់កូនខ្មែរ ស្ទើរតែគ្រប់រូបមានបញ្ហាកំហុស អក្ខរាវិរុទ្ធ វេយ្យាករណ៍ អំណាន សំណេរ ការប្រើប្រាស់ឃ្លា គួរឱ្យព្រួយបារម្ភ។ ដោយមើលឃើញពីបញ្ហាទាំងនេះ ក្រុមប្រឹក្សាជាតិភាសាខ្មែរ នៃរាជបណ្ឌិត្យសភាកម្ពុជា មានគម្រោងបោះពុម្ពផ្សាយនូវ វចនានុក្រមខ្មែរថ្មី មួយទៀត ដែលមានជាង ៤ ម៉ឺនពាក្យ ដើម្បីឱ្យសាធារណជនបានស្វែងយល់ពីពាក្យខ្មែរនីមួយៗឱ្យកាន់តែច្បាស់នៅក្នុងឆ្នាំ ២០២២នេះ។
ក្នុងសិក្ខាសិលាស្តីពី “វិការភាពនៃការប្រើប្រាស់ភាសាខ្មែរបច្ចុប្បន្ន” នៅថ្ងៃទី៨ ខែសីហា ឆ្នាំ២០២២ នេះ លោក គឹម ពីនន់ អនុរដ្ឋលេខាធិការក្រសួងវប្បធម៌ ថ្លែងថា វចនានុក្រមខ្មែរថ្មី ត្រូវបានបង្កើតឡើងក្រោមទម្រង់ ៣ យ៉ាង។ ទី១ ពាក្យខ្មែរមួយចំនួន ដែលមានក្នុងវចនានុក្រមខ្មែរ របស់សម្តេចសង្ឃរាជ ជួន ណាត នឹងយកមកពិនិត្យឡើងវិញ នូវពាក្យណាមួយដែលលោកមិនបានបកស្រាវច្បាស់លាស់។ បន្ទាប់ពីមានការកែសម្រួលពាក្យចាស់ៗ ទី២ ក៏មានការបង្កើតនូវពាក្យថ្មី ផ្សេងទៀតផងដែរ។ មិនត្រឹមតែប៉ុណ្ណោះ ទី៣ គឺមានការបកប្រែពាក្យពីភាសាបរទេស មកជាភាសាខ្មែរ ដូចជាឈ្មោះរបស់ប្រទេស ឬឧបករណ៍ប្រើប្រាស់មួយចំនួនដែលប្រើជាភាសាបរទេស មកបកប្រែក្នុងន័យជារួមមួយ រួចដាក់ឱ្យប្រើប្រាស់ជាសាធារណៈ។ ក្នុងនោះ ក៏មានបកប្រែនូវពាក្យបច្ចេកទេសមួយចំនួនដែលមកពីវិស័យជាច្រើន ដូចជាវិស័យសុខាភិបាល វិស័យច្បាប់ ជាដើម។
អនុរដ្ឋលេខាធិការក្រសួងវប្បធម៌រូបនេះបានបន្ថែមថា ដោយមើលឃើញពីបញ្ហាប្រឈមទាំងអស់នេះហើយ ក្រុមប្រឹក្សាជាតិភាសាខ្មែរ បានបង្កើតជា កម្មវិធីការពារការសរសេរអក្ខរាវិរុទ្ធខុស ប៉ុន្តែហាក់ដូចមិនសូវមានការចាប់អារម្មណ៍ច្រើនពីសំណាក់ប្រជាជនខ្មែរមួយចំនួនធំទៅវិញ។ ពួកគេយកចិត្តទុកដាក់ជាមួយនឹងការលក់អីវ៉ាន់ តាមប្រព័ន្ធអេឡិចត្រូនិច ជាជាងការអប់រំផ្សេងៗ។
ចំណែក លោក សន ពៅ អនុប្រធានក្រុមប្រឹក្សាជាតិភាសាខ្មែរ នៃរាជបណ្ឌិត្យសភាកម្ពុជា បានលើកឡើងថា សៀវភៅវចនុក្រមខ្មែរដែលគ្រោងនឹងបោះពុម្ពផ្សាយឆ្នាំ២០២២នេះ គឺមានពាក្យខ្មែរប្រមាណ ជាង ៤ម៉ឺនពាក្យ។ បន្ទាប់ពីបោះពុម្ពសៀវភៅវចនានុក្រមដល់សាធារណជន ប្រមាណពី ១ ទៅ ២ ឆ្នាំ នឹងមានការបញ្ជូលទៅកម្មវិធីវចនានុក្រមក្នុងទូរសព្ទដៃផងដែរ។
លោក សន ពៅ បានអះអាងបន្ថែមថា ទោះបីជាកន្លងមកកម្ពុជាមានបញ្ហាទាក់ទងជាមួយនឹងការប្រើប្រាស់ភាសាខ្មែរយ៉ាងណាក្តី ក៏ប៉ុន្តែ ទន្ទឹមនឹងបញ្ហាទាំងនេះ ក៏មានការខិតខំប្រឹងប្រែងថែរក្សានូវប្រពៃណី វប្បធម៌ ក៏ដូចជាអក្សរខ្មែរពីសំណាក់ប្រជាជនខ្មែរ មិនឱ្យបាត់បង់ដូចគ្នា។ មិនតែប៉ុណ្ណោះ ក្រសួងពាក់ព័ន្ធ ក៏ដូចជាអ្នកជំនាញមួយចំនួន បានសហការគ្នាបង្កើតឱ្យមានគោលការណ៍ ក៏ដូចជាកម្មវិធីមួយចំនួនដើម្បីអភិរក្ស និងអភិវឌ្ឍអក្សរខ្មែរឱ្យបានគង់វង្សជារៀងរហូត៕
អត្ថបទ៖ អុន ស្រីមាន
-
សេដ្ឋកិច្ច៥ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៦ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច២ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៦ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៥ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៦ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
សន្តិសុខសង្គម៥ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ៥ ថ្ងៃ ago
ភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល