ព័ត៌មានជាតិ
កម្ពុជាស្វាគមន៍ទស្សនកិច្ចទ័ពជើងទឹកប្រទេសណាខ្លះ អាចចូលមូលដ្ឋានទ័ពសមុទ្ររាម?
ថ្លែងក្នុងអញ្ជើញធ្វើសន្និសីទសារព័ត៌មាន ស្ដីពី លទ្ធផលនៃកិច្ចប្រជុំកំពូលអាស៊ានលើកទី ៤០-៤១ និងកិច្ចប្រជុំកំពូលពាក់ព័ន្ធ នៅល្ងាចថ្ងៃទី១៣ ខែវិច្ឆិកានេះថា សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់ថា ចំពោះករណី ជប៉ុនមានបំណងបញ្ជូននាវាកងកម្លាំងស្វ័យការពារដែនសមុទ្រជប៉ុន មកកម្ពុជា និងចង់បំពេញទស្សនកិច្ចនៅមូលដ្ឋានទ័ពសមុទ្ររាម នោះមិនមែនរឿងថ្មីទេ គឺតាំងពីសម្ដេចបានចូលលរួមបុណ្យសព អតីតនាយករដ្ឋមន្ត្រីជប៉ុន លោក ស៊ីនហ្សូអាបេ កាលចុងខែកញ្ញា មុននេះឯណោះ។
សម្ដេចតេជោ ហ៊ុន សែន មានប្រសាសន៍ថា៖ “អ៊ីចឹង នាវាជប៉ុន នឹងចូលមកកំពង់ផែក្រុងព្រះសីហនុ សារជាថ្មីម្ដងទៀត ជាដំណើរទស្សនកិច្ចធម្មតា។ ហើយឆ្នាំនេះជាឆ្នាំមិត្តភាពកម្ពុជាជប៉ុន សហប្រតិបត្តិការក្នុងវិស័យការពារជាតិ ជាខួបលើកទី៣០ ជប៉ុនមកកម្ពុជា។ ដូចនេះយើងកំពុងធ្វើសហប្រតិបត្តិការជាមួយគ្នាដើម្បីឱ្យនាវាចររបស់កងទ័ពជើងទឹកជប៉ុនចូលមកដែនទឹកយើងដូចធម្មតា”។
សម្ដេចតេជោនាយករដ្ឋមន្ត្រី បញ្ជាក់ថា កម្ពុជាមិនមែនគ្រាន់តែស្វាគមន៍នាវាកងកម្លាំងស្វ័យការពារដែនសមុទ្រជប៉ុននោះទេ ពោលគឺ នាវាកងកម្លាំងស្វ័យការពារដែនសមុទ្ររបស់ប្រទេសអ្នកណាក៏ដោយ បើចង់ចូលមកកម្ពុជា កម្ពុជាអត់ទើសទាល់ទេ។
សម្ដេចតេជោ ហ៊ុន សែន មានប្រសាសន៍បន្ថែមថា៖ “ខ្ញុំបានប្រាប់លោកជំនាវនាយករដ្ឋមន្ត្រីនូវេសហ្សេឡង់ ថាបើចង់ចូលមក ក៏ចូលមក យើងអត់ជំទាស់ទេ អ្នកណាចង់មកលេង ចូលមក ហើយបើចូលមកចង់ធ្វើសមយុទ្ធជាមួយយើង លើការគ្រប់គ្រងគ្រោះមហន្តរាយ ឬប្រឆាំងភេររកម្ម យើងធ្វើ យើងថាអត់មានធ្វើតែមួយអ្នកប្រទេសណាម្នាក់ទេ”។
គួររំលឹកថា កាលពីពាក់កណ្ដាល ខែមីនា ឆ្នាំ២០២២នេះ កងកម្លាំងស្វ័យការពារជើងទឹកជប៉ុន បានធ្វើទស្សនកិច្ចពិនិត្យមើលសមិទ្ធផលនានា ដែលជាការអភិវឌ្ឍនៅមូលដ្ឋានកងទ័ពជើងទឹករាម ខេត្តព្រះសីហនុ រួមមកហើយ។ កាលពីចុងខែកក្កដា ឆ្នាំ២០២២កន្លងមក ក្រសួងការពារជាតិ បានបើកទ្វារដល់អ្នកកាសែតជាតិ និងអន្តរជាតិប្រមាណជាង ៧០ នាក់ ចូលទៅកាន់មូលដ្ឋានទ័ពជើងទឹករាម នៅក្នុងខេត្តព្រះសីហនុ ដើម្បីជាសាក្សីផ្ទាល់ភ្នែកបញ្ជាក់ការពិតក្រោយពីមានការចោទប្រកាន់មួយចំនួនថា កម្ពុជាបានអនុញ្ញាតឱ្យចិនសាងសង់មូលដ្ឋានទ័ពជើងទឹកនៅក្នុងតំបន់សមុទ្រ៕
អត្ថបទ៖ ច័ន្ទ វីរៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ