ព័ត៌មានជាតិ
អង្គការហ្វារពន្លឺសិល្បៈ នាំយកឯកទគ្គកម្មពិភពលោកថ្មីឱ្យកម្ពុជា
អង្គការហ្វារពន្លឺសិល្បៈ បានបំបែកឯកទគ្គកម្មពិភពលោក Guinness World Records តាមរយៈការសម្តែងសៀក រយៈពេល ២៤ម៉ោង ១០នាទី និង៣០វិនាទី ដោយមិនមានការឈប់សម្រាក។ នេះជាកំណត់ត្រានៃការសម្តែងសៀកដ៏យូរជាងគេលើពិភពលោក ដោយមានសិល្បករចូលរួមសម្តែងប្រមាណ ៩០នាក់។
បើតាមការផ្សព្វផ្សាយនៅលើផេកហ្វេសប៊ុកផ្លូវការរបស់ក្រសួងអប់រំ យុវជន និងកីឡា ភាពជោគជ័យដែលអង្គការហ្វារពន្លឺសិល្បៈ ទទួលបាននៅពេលនេះ គឺបន្ទាប់ពីការសម្តែងសៀកមួយ ដែលមានរយៈពេល ២៤ម៉ោង ១០នាទី និង៣០វិនាទី ដោយមិនមានការឈប់សម្រាកទាល់តែសោះ កាលពីថ្ងៃទី៧-ថ្ងៃទី៨ ខែមីនា ឆ្នាំ២០២១ កន្លងទៅ។ ក្រោយ Guinness World Records បានបញ្ចប់នូវការវាយតម្លៃក្នុងរយៈពេលមួយឆ្នាំ ទៅលើភស្ថុតាងជាឯកសារ ដែលមានចំនួន១៣១ ទំព័រ និង២៥វីដេអូ ក៏អាចសម្រេចបានថា ក្រុមសម្តែងសៀករបស់អង្គការហ្វារពន្លឺសិល្បៈ ជាអ្នកដែលអាចបំបែកកំណត់ត្រានៃការសម្តែងសៀក យូរជាងគេនៅលើពិភពលោក។
អ្នកជំនាញសម្តែងសៀកមួយរូប នៅអង្គការហ្វារពន្លឺសិល្បៈ និយាយថា ដំបូងឡើយលោកគិតថា វាមិនអាចទៅរួចទេ ដែលត្រូវឆ្លងកាត់ការសម្តែងរហូតដល់ទៅ២៤ម៉ោង ប៉ុន្តែទីបំផុតក្រុមសម្តែងរបស់អាចធ្វើបាន។ ក្រុមអ្នកសម្តែងសៀកគ្រប់រូប ដែលបានចូលរួមសម្តែងកយកកំណត់ត្រា បានបង្ហាញអារម្មណ៍រីករាយ អបអរចំពោះជោគជ័យនេះ ព្រោះថា កម្ពុជាពុំធ្លាប់មានការបំបែកឯកទគ្គកម្មនេះពីមុនមកទេ។
គួរបញ្ចាក់ថា អង្គការហ្វារពន្លឺសិល្បៈ គឺជាអង្គការមួយស្ថិតនៅខេត្តបាត់ដំបង ដែលបានដំណើរការកម្មវិធីបណ្តុះបណ្តាល សិល្បៈដោយឥតគិតថ្លៃ ដល់ប្រជាជនកម្ពុជាក្រីក្រ តាំងពីឆ្នាំ១៩៩៤ ហើយក្នុងរយៈពេលប៉ុន្មានឆ្នាំចុងក្រោយនេះ សិល្បករសៀក ត្រូវបានអញ្ជើញឱ្យទៅសម្តែងនៅបណ្ដាប្រទេសជាច្រើនជុំវិញពិភពលោក៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង