ព័ត៌មានជាតិ
ព្រះមហាក្សត្រកម្ពុជា៖ សន្តិភាពមានហើយ តែត្រូវការមានការការពារ និងថែទាំ ទើបមិនបាត់បង់!
រដ្ឋសភាកម្ពុជា នៅព្រឹកថ្ងៃចន្ទនេះ បានរៀបចំមហាសន្និបាតអន្តរសភាអាស៊ាន(AIPA)លើកទី៤៣ នៅសណ្ឋាគារសុខាភ្នំពេញ ក្រោមអធិបតិភាពសម្តេចវិបុលសេនាភក្តី សាយ ឈុំ ប្រធានព្រឹទ្ធសភា សម្តេចអគ្គមហាពញាចក្រី ហេង សំរិន ប្រធានរដ្ឋសភា និងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃកម្ពុជា។ ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រកម្ពុជា បានចេញព្រះរាជសារបើកមហាសន្និបាតអន្តរសភាអាស៊ាន(AIPA)នេះ។
លោក ជាម យៀប អនុប្រធានទី១ រដ្ឋសភា ត្រូវបានចាត់តាំងតំណាងឲ្យព្រះមហាក្សត្រ ឡើងអានព្រះរាជសាររបស់ទ្រង់បើកមហាសន្និបាតអន្តរសភាអាស៊ាន(AIPA)លើកទី៤៣។ ព្រះមហាក្សត្រកម្ពុជា តាមរយៈលោក ជាម យៀប បានលើកឡើងពីបញ្ហារីកចម្រើននានានៅក្នុងតំបន់ក្រោមដំបូលសន្តិភាព។ ក្នុងនោះ ទ្រង់ បានមានព្រះរាជបន្ទូរថា សន្តិភាព កម្ពុជាមានហើយ ប៉ុន្តែ ត្រូវតែមានការការពារ និងថែទាំឲ្យបានជាប់លាប់ ទើបវាមិនបាត់បង់។ ក្នុងន័យនេះ ព្រះបាទ សម្តេច ព្រះបរមនាថ នរោត្តម សីហមុនី បានមានព្រះរាជបន្ទូរបញ្ជាក់ថា សន្តិភាពនេះ ក៏អាចបាត់បង់ទៅវិញដែរ ដោយសារបញ្ហាប្រឈមនានានៅក្នុងតំបន់ និងពិភពលោក។
ជាមួយគ្នានេះ ព្រះករុណា ក៏បានមានព្រះរាជបន្ទូរទាក់ទងនឹងប្រទេសមីយ៉ាន់ម៉ាផងដែរ។ ទ្រង់ មានព្រះរាជបន្ទូរថា ជម្លោះប្រដាប់អាវុធនៅក្នុងប្រទេសមីយ៉ាន់ម៉ា មិនត្រឹមតែបង្កមានការអំពើហិង្សានោះទេ ប៉ុន្តែ វាក៏ធ្វើឲ្យបាត់បង់នូវការអភិវឌ្ឍធនធានមនុស្សនៅក្នុងប្រទេសមួយនេះ។ លើសពីនេះទៅទៀត វា ក៏បានប៉ះពាល់ដល់មូលដ្ឋានគ្រឹះរបស់អាស៊ានដែលប្រទេសជាសមាជិកទាំងអស់ប្រឹងប្រែងកសាងឡើងផងដែរ៕
ដោយ៖ វណ្ណ សុគន្ធា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ