ព័ត៌មានជាតិ
សម្ដេចតេជោ ស្នើឲ្យពិនិត្យលទ្ធភាពជំរុញអ្នកវិនិយោគឥណ្ឌូណេស៊ី មកវិនិយោគលើរោងម៉ាស៊ីនសម្ងួត និងម៉ាស៊ីនកិនស្រូវ នៅកម្ពុជា
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានស្នើឲ្យពិនិត្យមើលលទ្ធភាពជំរុញអ្នកវិនិយោគឥណ្ឌូណេស៊ី មកវិនិយោគលើការសាងសង់ឃ្លាំង រោងម៉ាស៊ីនសម្ងួត និងម៉ាស៊ីនកិនស្រូវ ដើម្បីប្រមូលទិញស្រូវពីប្រជាជនកម្ពុជា យកទៅសម្ងួត កិន និងនាំចេញទៅឥណ្ឌូណេស៊ី។ ការស្នើនេះ គ្រាដែលសម្ដេចតេជោ ហ៊ុន សែន បានទទួលជួបពិភាក្សាការងារជាមួយលោកស្រី Puan Maharani ប្រធានរដ្ឋសភាឥណ្ឌូណេស៊ី នៅព្រឹកថ្ងៃទី ២៤ ខែវិច្ឆិកានេះ នាវិមានសន្តិភាព។
នៅក្នុងជំនួបនេះ សម្ដេចតេជោ ហ៊ុន សែន និងលោកស្រី Puan Maharani បានពិភាក្សាគ្នាអំពីបញ្ហាតំបន់ និងបញ្ហាពិភពលោក រួមទាំងទំនាក់ទំនងទ្វេភាគីរវាងកម្ពុជា និងឥណ្ឌូណេស៊ី ផងដែរ។ ក្នុងប្រធានបទនេះ លោកស្រីប្រធានរដ្ឋសភាឥណ្ឌូណេស៊ី បានវាយតម្លៃខ្ពស់ចំពោះការរៀបចំ និងការដឹកនាំក្នុងភាពជាប្រធានអាស៊ានរបស់កម្ពុជា ដែលបានរៀបចំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ ព្រមទាំងកិច្ចប្រជុំអាយប៉ា ប្រកបដោយជោគជ័យ ហើយបាននាំមកជូនតំបន់នូវវឌ្ឍនភាពយ៉ាងច្រើន។
លោកស្រី Puan Maharani បានបង្ហាញក្ដីរីករាយចំពោះទំនាក់ទំនងរវាងប្រទេសទាំងពីរ កម្ពុជា-ឥណ្ឌូណេស៊ី ដែលជាទំនាក់ទំនងជាប្រវត្តិសាស្រ្ដ ហើយនៅមានសក្ដានុពលពង្រីកទំនាក់ទំនងនេះបន្ថែមទៀត ដោយឈរលើមូលដ្ឋានដែលមានស្រាប់ តាមរយៈការជំរុញទំនាក់ទំនងរវាងសភា និងសភា ទំនាក់ទំនងរវាងប្រជាជន និងប្រជាជន ព្រមទាំងកិច្ចសហប្រតិបត្តិការលើវិស័យកសិកម្ម និងវិស័យដទៃទៀត ដែលអាចធ្វើទៅបាន។
ជាការឆ្លើយតប សម្ដេចតេជោ ហ៊ុន សែន បានយល់ស្របចំពោះការវាយតម្លៃរបស់លោកស្រីប្រធានរដ្ឋសភាឥណ្ឌូណេស៊ី។ សម្ដេចតេជោ ហ៊ុន សែន មានប្រសាសន៍ថា ការតភ្ជាប់តាមរយៈការហោះហើរត្រង់ អាចជំរុញទំនាក់ទំនងរវាង សភា និងសភា ប្រជាជន និងប្រជាជន រួមទាំងជំរុញវិស័យទេសចរណ៍ ផងដែរ។
ពាក់ព័ន្ធនឹងកិច្ចសហប្រតិបត្តិការលើវិស័យកសិកម្ម សម្ដេចតេជោ ហ៊ុន សែន បានស្នើឲ្យពិនិត្យមើលលទ្ធភាពជំរុញអ្នកវិនិយោគឥណ្ឌូណេស៊ី មកដាក់ទុនសាងសង់ឃ្លាំង រោងម៉ាស៊ីនសម្ងួត និងម៉ាស៊ីនកិនស្រូវ ដើម្បីប្រមូលទិញស្រូវពីប្រជា ជនកម្ពុជា យកទៅសម្ងួត កិន និងនាំចេញទៅឥណ្ឌូណេស៊ី។ ក្នុងនោះដែរ ក្រុមហ៊ុនឥណ្ឌូណេស៊ី អាចសហការជាមួយកសិករកម្ពុជា ឲ្យដាំដំណាំស្រូវដែលក្រុមហ៊ុនត្រូវការ ផងដែរ៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង