ព័ត៌មានជាតិ
ព្រៃកោងកាងនៅខេត្តកោះកុង ជាតំបន់សក្ដានុពលកំពុងស្ថិតក្នុងក្រសែភ្នែកអន្តរជាតិ
កោះកុង៖ គណៈប្រតិភូក្លិបឆ្នេរសមុទ្រដែលស្អាតជាងគេបំផុតលើពិភពលោកដែលមានសមាជិកមកពី១២០ប្រទេស កំពុងតាមដានសិក្សាពីសក្តានុពលជីវៈចម្រុះនៅក្នុងតំបន់សហគមន៍ព្រៃកោងកាងពាមក្រសោប ខេត្តកោះកុង។
បន្ទាប់ពីចូលរួមអបអរសាទរពិធីបុណ្យសមុទ្រ ជុំទី៣ លើកទី៩ នៅខេត្តព្រះសីហនុ ក្រសួងទេសចរណ៍បានរៀបចំជាដំណើរទស្សនៈកិច្ចសិក្សាស្វែងយល់តាមដែនកោះ និងតំបន់សហគមន៍ព្រៃកោងកាងពាមក្រសោប ក្រោយមានការយកចិត្តទុកដាក់របស់គណៈប្រតិភូក្លិបឆ្នេរសមុទ្រដែលស្អាតជាងគេបំផុតលើពិភពលោក។
លោក នី ផល្លី រដ្ឋលេខាធិការក្រសួងទេសចរណ៍ បានឱ្យដឹងកាលពីល្ងាចថ្ងៃទី១២ ខែធ្នូ ថា នេះជាដំណើរទស្សនៈកិច្ចកម្រមួយរបស់គណៈប្រតិភូក្លិបឆ្នេរសមុទ្រដែលស្អាតជាងគេបំផុតលើពិភពលោកមកកាន់តំបន់ព្រៃកោងកាងពាមក្រសោបដែលចាត់ថា ព្រៃកោងកាងធំជាងគេនៅតំបន់អាស៊ី។
រដ្ឋលេខាធិការក្រសួងទេសចរណ៍ បន្ថែមទៀតថា សហគមន៍ព្រៃកោងកាងពាមក្រសោបក្នុងខេត្តកោះកុង កំពុងស្ថិតនៅក្នុងក្រសែភ្នែករបស់មជ្ឈដ្ឋានអន្តរជាតិ ហើយកម្ពុជានឹងទទួលការផ្សព្វផ្សាយកាន់តែទូលំទូលាយប្រាប់ដល់មនុស្សលើសកលលោកបានស្គាល់ និងដឹង។
មន្រ្តីជាន់ខ្ពស់ក្រសួងទេសចរណ៍ ក៏បានព្យាករណ៍ទុកមុនដែរថា ទៅថ្ងៃអនាគត ខេត្តកោះកុងនឹងទទួលបានគម្រោងអភិវឌ្ឍន៍ជាច្រើនតាមតំបន់ឆ្នេរសមុទ្រ និងដែនកោះ តាមរយៈជំនួយគាំទ្រលើកកម្ពស់របស់គណៈប្រតិភូក្លិបឆ្នេរសមុទ្រដែលស្អាតជាងគេបំផុតលើពិភពលោក។
គួរជម្រាបថា គណៈប្រតិភូក្លិបឆ្នេរសមុទ្រដែលស្អាតជាងគេបំផុតលើពិភពលោកប្រមាណ១៣០នាក់ ចម្រុះជាតិសាសន៍ មកពី១២០ប្រទេស ចេញដំណើរពីខេត្តព្រះសីហនុ តាមអូប័រអញ្ជើញមកទស្សនាព្រៃកោងកាងពាមក្រសោប ដើម្បីទស្សនៈកិច្ចសិក្សាស្វែងយល់ពីសក្តានុពលដែលកំពុងមាននៅក្នុងមូលដ្ឋានខេត្តកោះកុង។
លោក នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាន កាលពីថ្ងៃទី១៨ ខែមិថុនា ឆ្នាំ ២០២០ កន្លងទៅ ក្នុងឱកាសដែលលោកដឹកនាំប្រតិភូក្រសួងបរិស្ថានចុះពិនិត្យដំណើរការចិញ្ចឹមខ្យងចំពុះទា និងការកែច្នៃផលិតផលជាច្រើនទៀតក្នុងសហគមន៍តំបន់ការពារធម្មជាតិពាមក្រសោប បានលើកឡើងថា ព្រៃកោងកាងជារបៀងយុទ្ធសាស្រ្តតភ្ជាប់ប្រព័ន្ធអេកូឡូស៊ីពីតំបន់ដីគោក ឆ្នេរ និងសមុទ្រ ហើយក៏ជារនាំងប្រឆាំងនឹងគ្រោះធម្មជាតិ និងការប្រែប្រួលអាកាសធាតុ មិនតែប៉ុណ្ណោះបានចូលរួមចំណែកក្នុងការអភិវឌ្ឍសេដ្ឋកិច្ចជាតិ និងចូលរួមចំណែកក្នុងការកាត់បន្ថយភាពក្រីក្រ ដោយមានតួនាទីយ៉ាងសំខាន់ជាកន្លែងរក្សាផលស្តុក ជាដែនជម្រក និងប្រភពមេពូជនៃមច្ឆធម្មជាតិដែលជាប្រភពធនធានសមុទ្រដ៏សម្បូណ៌បែប ហើយចាំបាច់យើងត្រូវការរពារ អភិរក្ស និងដាំស្តារព្រៃកោងកាងឡើងវិញ។
ក្រសួងបរិស្ថាន បង្ហាញថា កម្ពុជាមានផ្ទៃដីព្រៃកោងកាងចំនួន ៥៨ ៨០០ហិកតា ក្នុងនោះខេត្តកោះកុងមានទំហំ ៤៦ ៥២៩ ហិកតា។ ព្រៃកោងកាង ក្នុងតំបន់ពាមក្រសោប បានចូលរួមចំណែកក្នុងការអភិវឌ្ឍសេដ្ឋកិច្ចជាតិ និងចូលរួមចំណែកក្នុងការកាត់បន្ថយភាពក្រីក្រ ដោយមានតួនាទីយ៉ាងសំខាន់ ជាកន្លែងរក្សាផលស្តុក ជាដែនជម្រក និងប្រភពមេពូជ ដែលជាប្រភពធនធានសមុទ្រសម្បូរបែប៕ អត្តបទៈសិរីវឌ្ឍនៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ