Connect with us

ព័ត៌មានជាតិ

កសិករត្អូញត្អែរពីឈ្មួញទិញគ្រាប់ស្វាយចន្ទីទម្លាក់ថ្លៃ

បានផុស

នៅ

កសិករដាំស្វាយចន្ទីនៅខេត្តស្ទឹងត្រែងបានត្អូញត្អែរពីឈ្មួញប្រមូលទិញគ្រាប់ស្វាយចន្ទីស្រស់ទម្លាក់ថ្លៃទីផ្សារធ្វើឱ្យប្រជាកសិករបាត់បង់ប្រាក់ចំណូលប្រមាណជិតទៅ២០%។

កសិករថានៅដើមរដូវគ្រាប់ស្វាយចន្ទីមានតម្លៃ ៦ ៨០០ រៀល មកដល់ខែកុម្ភៈនេះ បានធ្លាក់តម្លៃមកត្រឹមតែ ៥ ២០០ រៀលទៅ ៥ ០០០ ឬក្រោមនេះក៏មាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៉ូ ស៊ីថា កសិករនៅភូមិអូរលាងគ្រួស ឃុំក្បាសរមាស ស្រុកសេសាន ខេត្តស្ទឹងត្រែងបានបញ្ជាក់ថា៖ រហូតមកដល់ថ្ងៃទី ២២កុម្ភៈនេះ គ្រាប់ស្វាយចន្ទីបានធ្លាក់តម្លៃស្ទើររៀងរាល់ថ្ងៃ។ ផលដំណាំឧស្សាហកម្មមួយនេះពីមួយឆ្នាំទៅមួយឆ្នាំឈ្មួញទិញចេះតែទម្លាក់ថ្លៃ កាលពីដើមខែមករាគ្រាប់ចន្ទីស្រស់លក់បាន ៦ ៨០០ រៀល ក្នុងមួយគីឡូក្រាម តែមកដល់សប្តាហ៍ទី ៣ កុម្ភៈនេះ ឈ្មួញទិញទម្លាក់ថ្លៃនៅតែ ៥ ២០០ ឬ ៥ ០០០រៀលខ្លះជាង ៤ ០០០ រៀលក៏មាន។

លោកបន្តថា៖ បញ្ហានេះស្នើឱ្យស្ថាប័នពាក់ពន្ធ័ជាពិសេស មន្ត្រីមន្ទីរពាណិជ្ជកម្មនិងផ្នែកមណ្ឌលសភាពាណិជ្ជកម្ម ជួយតាមដានកិច្ចការងារទីផ្សារនេះផង ដើម្បីកុំឱ្យឈ្មួញចេះតែដាក់តម្លៃតាមតែមាត់ថាធ្វើឱ្យកសិករបាត់បង់ប្រាក់ចំណូល ខ្លះទៀតខាតទៅលើការចំណាយនិងការថែទាំច្រើន។

លោក ហេង ពេជ្រ អ្នកទទួលទិញគ្រាប់ស្វាយចន្ទីប្រចាំនៅក្រុងស្ទឹងត្រែង បានអះអាងថា៖ គ្រាប់ស្វាយចន្ទីក្រុមហ៊ុនបានបែងចែកជាបីប្រភេទគឺគ្រាប់ពូជ M23 មាន លេខ១ និងលេខ២ -ចំណែកពូជ០៩គ្រាប់តូច គិតតម្លៃផ្សេងតម្រូវទៅតាមទីផ្សារក្រៅប្រទេសដែលបានកំណត់ ព្រោះគ្រាប់ស្វាយមានគុណភាពខុសគ្នា ខ្លះទុកមិនបានយូរបណ្តាលខូចគុណភាព ទំរាំដឹកចេញទៅរោងចក្រកែច្នៃ។

លោកទទួលស្គាល់ថាៈ បច្ចុប្បន្នក្រុមហ៊ុនទិញគ្រាប់ស្វាយចន្ទីបានឲ្យតម្លៃទៅលើកត្តាពូជ ដូចជាពូជក្នុងស្រុកទិញតម្លៃជាង៤.០០០រៀលក្នុងមួយគីឡូក្រាម ចំណែកពូជ M២៣ មានតម្លៃជាង៥.០០០រៀល ព្រោះវាមានគុណភាពល្អគ្រាប់ធំ និងងាយស្រួលនាំយកទៅលក់បន្ត។

លោក កែវ ណារិទ្ធ ប្រធានមណ្ឌលសភាពាណិជ្ជកម្មក្រចេះ ស្ទឹងត្រែង រតនគីរី បានបញ្ជាក់ថា៖ បញ្ហានេះសភាពាណិជ្ជកម្មបានប្រឹងប្រែងទាក់ទងក្រុមហ៊ុនប្រមូលទិញឱ្យមកបោះទីតាំងនៅតាមបណ្តាខេត្តនីមួយៗ និងតម្រូវឱ្យធ្វើកិច្ចសន្យាជាមួយសហគមន៍កសិករដើម្បីចុះកុងត្រាទិញ ដើម្បីធានាតម្លៃទីផ្សារជូនកសិករយើង។

លោកបានសំណូមពរទៅកសិករដាំដំណាំស្វាយចន្ទី ត្រូវគិតពីគុណភាពផលិតផល ដើម្បីប្រកួតប្រជែងផ្នែកទីផ្សារ ជាពិសេសកសិករយើង ពេលដាំត្រូវជ្រើសរើសពូជល្អៗ យកទៅដាំដុះ ដើម្បីទទួលបានផលគ្រាប់ធំល្អ មានគុណភាពលក់បានថ្លៃ។

សួមបញ្ជាក់ថា៖ ទីតាំងទិញផលគ្រាប់ស្វាយចន្ទីនៅខេត្តស្ទឹងត្រែងបច្ចុប្បន្នមានចំនួន ៤ កន្លែង ក្នុងនោះមានក្រុមហ៊ុន​វៀតណាម២កន្លែង នឹងខ្មែរ២កន្លែងកំពុងប្រមួលទិញសម្រាប់នាំចេញទៅប្រទេសវៀតណាមតែមួយប៉ុណ្ណោះ៕

អត្ថបទ៖ ងិនលីម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៣ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង៤ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

សន្តិសុខសង្គម៤ ម៉ោង មុន

ផ្តន្ទាទោស​ប្អូន​ថ្លៃ​ដាក់ពន្ធនាគារ ២ ឆ្នាំ ក្រោមរូបភាពបញ្ចុះបញ្ចូលធ្វើមន្តអាគម

ព័ត៌មានអន្ដរជាតិ៤ ម៉ោង មុន

Breaking News! សមាជិកសភាបក្សកាន់អំណាច កូរ៉េខាងត្បូង ត្រូវជនដៃ ដល់អាយុ ១៥ ឆ្នាំយកដុំថ្មវាយបែកក្បាល

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម