ព័ត៌មានជាតិ
ក្រសួងបរិស្ថាន បន្តខិតខំប្រឹងប្រែងរកដំណោះស្រាយ ដើម្បីកាត់បន្ថយជម្លោះរវាងមនុស្ស និងដំរី
ជាទូទៅដំរីដើររកចំណីចម្ងាយឆ្ងាយក្នុងមួយថ្ងៃៗ ចន្លោះពី ៨០ ទៅ ១០០ គីឡូម៉ែត្រ ហើយវាជាសត្វដែលរកស៊ីវិលជុំ ទៅកាន់ទីតាំងដែលវាធ្លាប់ទៅ និងឆ្លងកាត់ប៉ុណ្ណោះ ប៉ុន្តែដោយសារតែមានមនុស្ស បានទន្ទ្រានយកកន្លែងដែលវាធ្លាប់ឆ្លងកាត់ ទៅធ្វើជាកន្លែងដាំដំណាំ ទើបធ្វើឱ្យមានការបំផ្លាញកើតឡើង។ នេះបើតាមការឱ្យដឹងពី លោក នេត្រ ភក្ត្រា អ្នកនាំពាក្យ និងជារដ្ឋលេខាធិការក្រសួងបរិស្ថាន។
ដើម្បីកាត់បន្ថយជម្លោះ រវាងមនុស្សនិងដំរី ក្នុងន័យដែលមនុស្សទៅទន្ទ្រានដីកន្លែងដំរីរស់នៅនិងរកចំណី ទៅធ្វើជាដីដាំដំណាំ ហើយតែងត្រូវបានដំរីជាន់កម្ទេច ក្រសួងបរិស្ថាន នឹងបន្តខិតខំប្រឹងប្រែងរកដំណោះស្រាយផ្សេងៗ។ ប៉ុន្តែក្នុងនោះ អ្នកនាំពាក្យ ក៏ដូចជាក្រសួងពាក់ព័ន្ធ អំពាវនាវផងដែរ ដល់បងប្អូនប្រជាពលរដ្ឋ សូមកុំប៉ះពាល់សត្វដំរី និងប្រើប្រាស់មធ្យោបាយប្រពៃណី ដូចជាគោះប៉ោត គង់ឆ្នាំង ដើម្បីបង្អើលដំរីពេលវាចូលក្នុងចម្ការ ឬប្រើប្រាស់ការបរបាញ់ ឬធ្វើវិធីសាស្ត្រផ្សេងៗដែលប៉ះពាល់ដល់សត្វដំរីជាបន្តទៀត។
បើតាមលោក នេត្រ ភក្ត្រា បច្ចុប្បន្ន រាជរដ្ឋាភិបាលតាមរយៈក្រសួងបរិស្ថាន សហការជាមួយអង្គការអភិរក្សនានា និង សហគមន៍ ខិតខំប្រឹងប្រែងដើម្បីការពារអភិរក្សដំរីព្រៃឱ្យបានគង់វង្ស និងផ្តល់ជម្រកប្រកបដោយសុវត្ថិភាពដល់ពួកវា។ អ្នកនាំពាក្យរូបនេះអះអាងទៀតថា តាមរយៈរូបភាព ដែលថតបាន ដោយ ម៉ាស៊ីនថតស្វ័យប្រវត្តិ បង្ហាញថា មានវត្តមានដំរីព្រៃនៅក្នុងតំបន់ព្រៃស្រោង និងឃើញមានកូនដំរីតូចៗនៅក្នុងហ្វូងផងដែរ។
នេះគឺជាក្តីសង្ឃឹមមួយនៃការងារអភិរក្សដំរីព្រៃ នៅកម្ពុជា ហើយសម្រាប់វត្តមានកូនដំរីទាំងនេះ បញ្ជាក់យ៉ាងច្បាស់ថា ចំនួនសត្វដំរីព្រៃនៅកម្ពុជានឹងបន្តរក្សាបាន។
គួរបញ្ជាក់ថា ដំរីព្រៃកម្ពុជាបច្ចុប្បន្នមានចន្លោះពី ៤០០ ទៅ ៦០០ក្បាល ដែលជម្រកធំៗរបស់វា គឺនៅក្នុងតំបន់ភូមិភាគឦសាន និងតំបន់ជួរភ្នំក្រវាញនៃប្រទេសកម្ពុជា៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង