ព័ត៌មានជាតិ
លោកចម ប្រសិទ្ធ អំពាវនាវឲ្យអ្នកវិនិយោគឥណ្ឌាមកបណ្តាក់ទុននៅកម្ពុជាលើវិស័យអាទិភាពជាច្រើនកំពុងតែរង់ចាំ
ភ្នំពេញ ៖ លោកកិត្តិសេដ្ឋាបណ្ឌិតទេសរដ្ឋមន្ត្រី ចម ប្រសិទ្ធ បានអំពាវនាវឲ្យអ្នកវិនិយោគឥណ្ឌាមកបណ្តាក់ទុននៅកម្ពុជាលើវិស័យអាទិភាពជាច្រើនកំពុងតែរងចាំដូចជា កសិកម្មដាំល្មៀត ការកសាងមន្ទីរពេទ្យ វិស័យទូរគមនាគមន៍ និងបច្ចេកវិទ្យា ព័ត៌មាន ជាដើម។
លោក កិត្តិសេដ្ឋាបណ្ឌិត ទេសរដ្ឋមន្ត្រី ចម ប្រសិទ្ធថ្លែងបែបនេះ ក្នុងជំនួបសំដែងការគួរសម និងពិភាក្សាការងារកាលពីម្សិលមិញនៅទីស្តីក្រសួងជាមួយលោកស្រី Davyani Uttamkhobragade ឯកអគ្គរដ្ឋទូតឥណ្ឌាដែលទើបតែងតាំងថ្មីប្រចាំកម្ពុជា ។ ក្នុងជំនួបនោះដៃគូសន្ទនា បានលើកឡើងពីទំនាក់ទំនងដ៏ល្អ និងយូរលង់រវាងប្រទេសទាំងពីរទាំងផ្នែកការទូត សេដ្ឋកិច្ច និងនយោបាយ ហើយតែងតែគាំទ្រគ្នាទៅវិញទៅមកក្នុងសកម្មនានាលើឆាកអន្តរជាតិ ក្នុងនាមជាប្រទេសដែលមានទំនាក់ទំនងនិងការផ្លាស់ប្តូរផ្នែកអរិយធម៌ វប្បធម៌ និងសាសនា ជាឫសគល់ដ៏ស៊ីជម្រៅ។
លោកកិត្តិសេដ្ឋាបណ្ឌិតទេសរដ្ឋមន្ត្រី ចម ប្រសិទ្ធ បានអបអរសាទរចំពោះបេសកកម្មកាទូតរបស់លោកជំទាវ Davyani Uttamkhobragade នៅកម្ពុជា និងសង្ឃឹមថា ក្នុងបេសកកម្មរបស់លោកស្រីនឹងពង្រឹងពង្រីកកិច្ចសហប្រតិបត្តិការដែលមានស្រាប់ឲ្យកាន់តែរីកធំធាត់មួយកំរិតថែមទៀត ជាពិសេសលើវិស័យវិនិយោគ និងការផ្លាស់ប្តូរពាណិជ្ជកម្ម ។
លោកកិត្តិសេដ្ឋាបណ្ឌិត ទេសរដ្ឋមន្ត្រី មិនភ្លេចទេនូវការថ្លែងអំណរគុណដល់ប្រទេសឥណ្ឌា ដែលជាប្រទេសទី១ដំបូងគេ ដែលគាំទ្រកម្ពុជា បន្ទាប់ពីថ្ងៃរំដោះ៧មករា ហើយក៏បានជួយដល់កម្ពុជាជាបន្តបន្ទាប់ទាំងផ្នែកស្បៀង អភិវឌ្ឍ ធនធានមនុស្ស និងការជួសជុលប្រាង្គប្រាសាទ។
លោកកិត្តិសេដ្ឋាបណ្ឌិតទេសរដ្ឋមន្ត្រី បានអំពាវនាវឲ្យអ្នកវិនិយោគឥណ្ឌាមកបណ្តាក់ទុននៅកម្ពុជាលើវិស័យអាទិភាពមួយចំនួនដូចជាកសិកម្មដាំល្មៀត ការកសាងមន្ទីរពេទ្យ វិស័យទូរគមនាគមន៍ និងបច្ចេកវិទ្យា ព័ត៌មាន ជាដើម។
ជាមួយគ្នានេះ លោកកិត្តិសេដ្ឋាបណ្ឌិត ក៏បានស្នើឲ្យប្រទេសឥណ្ឌាសហការគាំទ្រដល់ក្រសួងផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ (STI) និងផ្តល់ការបណ្តុះបណ្តាលដល់សិស្ស និស្សិតលើជំនាញ STEM គឺ ផ្នែកវិទ្យាសាស្ត្រ បច្ចេកវិទ្យា វិស្វកម្ម និង គណិតវិទ្យា ដែលប្រទេស ឥណ្ឌា មានជំនាញខ្ពស់លើវិស័យនេះ៕
ដោយ ៖ វិមាន
-
ព័ត៌មានជាតិ៧ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៣ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានអន្ដរជាតិ១៩ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ២២ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ១ សប្តាហ៍ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ១ សប្តាហ៍ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ៧ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ