ព័ត៌មានជាតិ
មន្ត្រីជំនាញកសិកម្មចុះចាក់វ៉ាក់សាំងបង្ការជំងឺសារទឹកគោ-ក្របីនៅស្រុកបាធាយ
មន្ត្រីជំនាញកសិកម្ម បន្តចុះផ្សព្វផ្សាយដល់ប្រជាកសិករ និងចាក់វ៉ាក់សាំងបង្ការជំងឺសារទឹកដល់សត្វគោ ក្របី របស់បងប្អូនប្រជាពលរដ្ឋដែលរស់នៅក្នុងស្រុកបាធាយ ខេត្តកំពង់ចាម។
នៅព្រឹកថ្ងៃទី ១៥ ខែសីហា ឆ្នាំ២០២៣ លោក នង ម៉េងហ៊ាង ប្រធានការិយាល័យផលិតកម្ម និងបសុព្យាបាល នៃមន្ទីកសិកម្មរុក្ខាប្រមាញ់ និងនេសាទខេត្តកំពង់ចាម បានដឹកនាំមន្ត្រីជំនាញ នៃការិយាល័យ សហការជាមួយអាជ្ញាធរស្រុក និងមន្ត្រី ការិយាល័យ ធនធានធម្មជាតិ និងបរិស្ថានស្រុក បន្តចុះផ្សព្វផ្សាយដល់ប្រជាកសិករ និងចាក់វ៉ាក់សាំងបង្ការជំងឺសារទឹក ដល់សត្វគោ ក្របី របស់បងប្អូនប្រជាពលរដ្ឋនៅភូមិស្វាយព្រៃ ឃុំសណ្តែក ស្រុកបាធាយ។
ក្នុងឱកាសនេះដែរ លោក នង ម៉េងហ៊ាង ប្រធានការិយាល័យផលិតកម្ម និងបសុព្យាបាល នៃមន្ទីកសិកម្មរុក្ខាប្រមាញ់ និងនេសាទខេត្តកំពង់ចាម ក៍បានជំរុញដល់ប្រជាកសិករ ដែលចិញ្ចឹមសត្វគោក្របីទាំងអស់ ត្រូវយកចិត្តទុកដាក់មើលថែរទាំ និងមកទទួលវ៉ាក់សាំងបង្ការជម្ងឺសារទឹក និងជម្ងឺផ្សេងៗទៀត ពីមន្ត្រីជំនាញ ហើយប្រសិនបើមានករណីណាកើតឡើងគួរឲ្យកត់សម្គាល់ សូមរាយការណ៍មកមន្ត្រីជំនាញ ឬភ្នាក់ងារសុខភាពសត្វភូមិ ដើម្បីតាមដាន និងពិនិត្យព្យាបាលលើសត្វគោក្របីរបស់បងប្អូន។
លោកប្រធានការិយាល័យផលិតកម្ម និងបសុព្យាបាល បន្ថែមទៀតថា យុទ្ធនាការចាក់វ៉ាក់សាំងបង្ការជម្ងឺសារទឹកនេះ ក្នុងមួយព្រឹក បានសត្វចំនួន២៩៣ក្បាល ក្នុងនោះ គោ ៦៤ក្បាល និងក្របី ២២៧ក្បាល។
ការចាក់ថ្នាំការពារជម្ងឺសត្វគោក្របី នៅតាមភូមិឃុំ ស្រុកនេះ ក្នុងន័យលើកស្ទួយសុខមាលភាពសុខភាពសត្វ សម្រាប់ក្រុមគ្រួសារបានចិញ្ចឹម រួមមាន គោ ក្របី ត្រូវមើលថែរទាំឲ្យបានល្អប្រសើរ និងទប់ស្កាត់ការផ្ទុះជម្ងឺឆ្លង ដែលបណ្តាលឲ្យបាត់បង់ថវិកា ពេលវេលាជាដើម។
លោក នង ម៉េងហៀង ប្រធានការិយាល័យផលិតកម្ម និងបសុព្យាបាល នៃមន្ទីកសិកម្មរុក្ខាប្រមាញ់ និងនេសាទខេត្តកំពង់ចាម ក៏បានអំពាវនាវដល់ប្រជាកសិករគ្រប់រូប ដែលបានចិញ្ចឹមសត្វគោក្របី ត្រូវយកមកចាក់ថ្នាំការពារជម្ងឺឆ្លង ដូចជា៖ ជំងឺអ៊ុតក្តាម សារទឹក ឲ្យបានគ្រប់ៗគ្នា ពីព្រោះថា យើងមានមន្ត្រីជំនាញចុះពិនិត្យព្យាបាល និងចែកជូនថ្នាំ ដោយឥតគិតថ្លៃផងដែរ៕
អត្ថបទ៖ ឡេក ចាន់ពេជ្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ