ព័ត៌មានជាតិ
សម្ដេចតេជោ ៖ កម្ពុជាមិនធ្វើអត្ថាធិប្បាយកិច្ចការផ្ទៃក្នុងរបស់ប្រទេសមីយ៉ាន់ម៉ាទេ
សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសថា កម្ពុជាមិនលូកដៃចូលកិច្ចការផ្ទៃក្នុងរបស់ប្រទេសមីយ៉ាន់មី ឬប្រទេសណាទាំងអស់។
ថ្លែងក្នុងពិធីបើកការដ្ឋានសាងសង់រោងចក្រប្រព្រឹត្តកម្មទឹក ស្អាតបាក់ខែង និងពិធីសម្ពោធដាក់ឱ្យដំណើរការជាផ្លូវការរោងចក្រប្រព្រឹត្តកម្មទឹកស្អាតចម្ការមន នៅព្រឹកថ្ងៃចន្ទ ទី០១ ខែកុម្ភៈ ឆ្នាំ២០២១នេះ សម្តេចតេជោ ហ៊ុន សែន បានមានប្រសាសន៍ថា ប្រទេសមីយ៉ាន់ម៉ាកំពុងចាប់ផ្ដើមមានភាពចលាចលនៅក្នុងប្រទេស ដោយមានការចាប់ខ្លួនថ្នាក់ដឹកនាំកំពូល និងឥស្សរជនជាន់ខ្ពស់ដទៃទៀតផង ប៉ុន្តែកម្ពុជាមិនធ្វើការអត្ថាធិប្បាយលើកកិច្ចការផ្ទៃក្នុងរបស់បរទេសទេ។
សម្ដេចតេជោមានប្រសាសន៍ថា ៖ “ឥឡូវ នៅ យ៉ាំងហ្គូន ចាប់ផ្ដើម ហើយ។ ប្រធានាធិបតី និងទីប្រឹក្សារដ្ឋ ត្រូវទាហានចាប់ខ្លួនហើយ តែកម្ពុជាមិនធ្វើអត្ថាធិប្បាយទៅលើកិច្ចការផ្ទៃក្នុងរបស់ប្រទេសណាទាំងអស់ នៅក្នុងក្របខណ្ឌអាស៊ានក្ដី ឬប្រទេសដទៃក្ដី។”
សម្ដេចតេជោបានបន្ថែមទៀតថា ៖ “អំបាញ់មិញឯកឧត្ដម ប្រាក់ សុខុន ប្រាប់ថា អ៊ិនធើណេតចាប់ផ្ដើមផ្ដាច់ បន្ថយបណ្ដើរៗហើយ [នេះគឺជា] អំពីសភាពការថ្មីៗនៅមីយ៉ាន់ម៉ា។ នោះជាកិច្ចការរបស់មិត្តភក្ដិនៅក្នុងក្របខណ្ឌអាស៊ាន យើងគ្រាន់តែផ្សាយព័ត៌មាន ក៏ប៉ុន្តែមិនត្រូវធ្វើអត្ថាធិប្បាយ។”
សម្ដេចតេជោ ហ៊ុន សែន បានរំលឹកថា កម្ពុជាបច្ចុប្បន្ន ជាជនរងគ្រោះ ដែលអ្នកជំនាន់មុនបង្កើតសង្គ្រាម បង្កើតបំណុល ឯអ្នកជំនាន់ក្រោយបច្ចុប្បន្នដើរសងបំណុល បង្កើតសន្តិភាព បញ្ចប់សង្គ្រាម។
សម្ដេចតេជោបានបញ្ជាក់ថា នេះជាកាតព្វកិច្ចកូនខ្មែរដែលមានតែអ្នកបានកសាងសន្តិភាពដោយផ្ទាល់ដៃទេ ទើបដឹងថា សន្តិភាពមានតម្លៃសន្តិភាពណា និងត្រូវទប់ស្កាត់សង្គ្រាមរបៀបណា៕
អត្ថបទ៖ ខាន់ ច័ន្ទវីរៈ
សូមចុចអាន៖ ធនាគារមីយ៉ាន់ម៉ា ទូទាំងប្រទេសត្រូវបិទទ្វារបន្ទាប់ពីរដ្ឋប្រហារ
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ