ព័ត៌មានជាតិ
បញ្ជាក់បន្ថែមជុំវិញករណីសិស្សជួយចេញទឹកភ្លើង ២ ម៉ឺនរៀលនៅវិទ្យាល័យទួលទំពូង
អ្នកនាំពាក្យក្រសួងអប់រំយុវជននិងកីឡាបានឱ្យដឹងថា ករណីតម្រូវឱ្យសិស្សជួយចេញទឹកភ្លើង ២ ម៉ឺនរៀលនៅវិទ្យាល័យទួលទំពូង ថ្នាក់ដឹកនាំសាលាមិនមានកំហុសទេ ព្រោះអាណាព្យាបាលនិងមាតាបិតាសិស្សបានស្ម័គ្រចិត្តចូលរួមឧបត្ថម្ភទាំងអស់គ្នា។

លោក ស្រី ឃួន វិច្ឆិកា អ្នកនាំពាក្យក្រសួងអប់រំយុវជននិងកីឡាបានឱ្យដឹងនៅរសៀលថ្ងៃទី ១៩ កញ្ញានេះថា បន្ទាប់ពីមានករណីនាយករងវិទ្យាល័យទួលទំពូងម្នាក់ឱ្យសិស្សជួយចេញថ្លៃទឹកភ្លើងម្នាក់២ ម៉ឺនរៀល បើមិនបង់ទេនាំគ្នាទៅរៀនក្រោមដើមឈើ រួចមកក្រសួងបានចាត់តាំងឱ្យមន្ទីរអប់រំយុវជននិងកីឡាចុះស្រាវជ្រាវនៅថ្ងៃទី ១៥ ខែកញ្ញាឆ្នាំ២០២៣ ដោយបានជួបផ្ទាល់ជាមួយថ្នាក់ដឹកនាំសាលាលោកគ្រូអ្នកគ្រូ ហើយជាលទ្ធផលឃើញថាសាលាមិនមានកំហុសនោះទេដោយសារមុននឹងឱ្យសិស្សបង់ជូនសាលាថ្នាក់ដឹកនាំសាលាបានប្រជុំពិភាក្សាជាមួយអាណាព្យាបាលសិស្សពីតម្រូវការថវិកាមួយចំនួន ដើម្បីទិញសម្ភារបន្ថែមបំពាក់ក្នុងថ្នាក់រៀនដើម្បីជួយសម្រួលដល់ការសិក្សារបស់សិស្ស។
លោកស្រីបានបន្តថា ចំពោះសិស្សដែលមិនមានលទ្ធភាពគឺសាលាមិនតម្រូវឱ្យចូលរួមឧបត្ថម្ភនោះទេហើយគ្រួសារណាមានកូនរៀនពីរនាក់សាលាតម្រូវឱ្យបង់តែម្នាក់ដែរគឺក្នុង ១ ខែ ២៥០០រៀលក្នុង១នាក់និង ២ម៉ឺនរៀលក្នុង១ឆ្នាំសិក្សាដែលមាន ៨ ខែ។

លោកស្រីបានបន្តទៀតថា «អីចឹងការចូលរួមនេះជាការចូលរួមក្នុងស្មារតីស្ម័គ្រចិត្ត ហើយសម្រាប់មាតាបិតាឬសិស្សានុសិស្សណាគាត់អត់មានលទ្ធភាព សាលាមិនបានបង្ខំឱ្យបង់ទេ។ ជាក់ស្តែងចំនួនសិស្សសរុប ២៤១៤ នាក់សិស្សដែលបានផ្តល់ថវិកាចូលរួមមានតែ ១៨១១ នាក់ប៉ុណ្ណោះ»។
អ្នកនាំពាក្យអប់រំបានបន្ថែមថា ចំពោះការលើកឡើងរបស់នាយករងសាលាដែលថាបើសិស្សណាមិនបង់ទេ នាំគ្នាទៅរៀនក្រោមដើមឈើជាពាក្យលេងសើច ហើយគាត់បានសុំទោសជាសាធារណៈរួចហើយដែរ។
ករណីខាងលើនេះលោក ម៉ី សាម៉ុន នាយកវិទ្យាល័យរងទួលទំពូងបានចេញលិខិតសុំទោសជាសាធារណៈថា នៅរសៀលថ្ងៃទី១៤ ខែកញ្ញា ឆ្នាំ២០២៣ រូបលោកបាននិយាយជាមួយសិស្សានុសិស្សឲ្យជួយបង់ថវិកាថ្លៃទឹកភ្លើង ម្នាក់២ ម៉ឺនរៀល សម្រាប់ ៨ ខែ។ ហើយករណីសិស្សមិនបង់ថវិកាឲ្យទៅរៀនក្រោមដើមឈើនោះ វាជាពាក្យសម្តីនិយាយលេងសើចជាមួយសិស្ស និងគ្រូទេ ។
លោកស្រី ឃួន វិច្ឆិកា បានឱ្យដឹងទៀតថា ក្រសួងមានការគាំទ្រថវិកាសម្រាប់ចំណាយទៅលើទឹកនិងភ្លើងនៅតាមសាលានីមួយៗ តែថវិកាមានកម្រិតនៅឡើយ។ ការចូលរួមរបស់សហគមន៍ជាការចូលរួមដ៏សំខាន់ក្នុងការគាំទ្របង្រៀននិងរៀនដែរ ប៉ុន្តែត្រូវមានការស្ម័គ្រចិត្តមានការយល់ព្រមឬជជែកគ្នាជាមួយអាណាព្យាបាលមាតាបិតាសិស្សជាមុនសិន៕
អត្ថបទ៖ សំអឿន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ