ព័ត៌មានជាតិ
អនុប្រធានទី២ ព្រឹទ្ធសភា ចុះសួរសុខ ទុក្ខប្រជាពលរដ្ឋងាយរងគ្រោះ ក្នុងសង្កាត់ដើមមៀន ក្រុងតាខ្មៅ
កណ្តាល ៖ ឯកឧត្តមកិត្តិសង្គហបណ្ឌិត ទេព ងន អនុប្រធានទី២ព្រឹទ្ធសភា កាលពីព្រឹកថ្ងៃទី២ ខែកុម្ភៈ ឆ្នាំ២០២១ បានអញ្ជើញចុះសួរសុខទុក្ខ និងនាំយកអំណោយចែកជូនដល់គ្រួសារដែលមានជីវភាពខ្វះខាតចំនួន២១១គ្រួសារ នៅសង្កាត់ដើមមៀន ក្រុងតាខ្មៅ ខេត្តកណ្តាល។
ក្នុងឱកាសនោះ ឯកឧត្តមកិត្តិសង្គហបណ្ឌិត ទេព ងន បានពាំនាំនូវការផ្តាំផ្ញើសួរសុខទុក្ខ ពីសម្តេចវិបុលសេនាភក្តី សាយ ឈុំ ប្រធានព្រឹទ្ធសភា សម្តេចអគ្គមហាពញ្ញាចក្រី ហេង សំរិន ប្រធានរដ្ឋសភា និងសម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលតែងតែគិតគូរពីសុខទុក្ខរបស់ប្រជា ពលរដ្ឋទូទាំងប្រទេស។ ឯកឧត្តមកិត្តិសង្គហបណ្ឌិតអនុប្រធានទី២ បានជម្រាបជូនបងប្អូនប្រជាពលរដ្ឋអំពី ស្ថានភាពទូទៅក្នុងប្រទេសកម្ពុជា ក្រោមការដឹកនាំដ៏ត្រឹមត្រូវរបស់រាជរដ្ឋាភិបាលដែលមានម្តេចអគ្គមហាសេនាបតីតេជោ ហ៊ុន សែន ជាប្រមុខថា ទោះបីប្រទេសជាតិត្រូវប្រឈមក្នុងការដោះស្រាយបញ្ហាជំងឺកូវីដ១៩ក៏ដោយ ក៏រាជរដ្ឋាភិបាលរក្សាបាននូវសន្តិភាព ស្ថិរភាពនយោបាយ និងស្ថិរភាពម៉ាក្រូសេដ្ឋកិច្ច ដើម្បីគ្រប់គ្រងស្ថានការណ៍ក្នុងពេលមានវិបត្តិនៃជំងឺកូវីដ-១៩នេះ។
បច្ចុប្បន្នប្រទេសកម្ពុជាពុំទាន់មានប្រជាជនណាម្នាក់បាត់បង់ជីវិតដោយសារជំងឺនេះទេ។ ទោះបីយ៉ាងនេះក្តី កម្ពុជានៅតែប្រឈមនឹងហានិភ័យខ្ពស់នៅឡើយចំពោះជំងឺរាតត្បាតមួយនេះ។ ឯកឧត្តមកិត្តិសង្គហបណ្ឌិតក៏បានផ្តាំផ្ញើឱ្យបងប្អូនប្រជាពលលរដ្ឋទាំងអស់ ត្រូវថែរក្សាសុខភាព ដោយរស់នៅតាមបែបគន្លងថ្មី និងចូលរួមអនុវត្តន៍តាមការណែនាំរបស់ក្រសួងសុខាភិបាលឱ្យបានជាប្រចាំ។
សូមបញ្ជាក់ថា អំណោយដែលចែកជូនប្រជាពលរដ្ឋចំនួន២១១គ្រួសារ នាឱកាសនោះ ក្នុងមួយគ្រួសារៗទទួលបានអង្ករចំនួន៣០គីឡូក្រាម ពងមាន់ ៣០គ្រាប់។ ដោយឡែក សិស្សានុសិស្សចំនួន៣០នាក់ នៅក្នុងសមាគមកុមារនៃក្តីសង្ឃឹមកម្ពុជា ម្នាក់ៗទទួលបានកាបូបស្ពាយសម្រាប់ដាក់សម្ភារសិក្សាចំនួន០១ សម្លៀកបំពាក់សិក្សា០១កំប្លេ និងសម្ភារសិក្សាមួយចំនួនទៀត៕
ដោយ ៖ ប៉ាល់សុង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង