ព័ត៌មានជាតិ
សម្ដេច ហ៊ុន សែន អំពាវនាវឱ្យអ៊ីស្រាអែល និងក្រុមហាម៉ាស់ អត់ធ្មត់ ហើយដោះស្រាយដោយសន្តិវិធី
អតីតប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានអំពាវនាវដល់ភាគីទាំងអស់នៅក្នុងជម្លោះនៅប្រទេសអ៊ីស្រាអែល បន្តការអត់ធ្មត់ ហើយខិតខំដោះស្រាយបញ្ហានេះដោយសន្តិវិធី។
ការអំពាវនាវរបស់សម្ដេចតេជោ ហ៊ុន សែន គ្រាដែលមានហេតុការណ៍នៃការវាយប្រហារគ្នារវាងកងទ័ពអ៊ីស្រាអែល និងក្រុមហាម៉ាស់ កាលពីថ្ងៃទី៧ ខែតុលា ឆ្នាំ២០២៣មកនេះ។ ក្នុងពិធីបិទបញ្ចប់កញ្ចក់កាមេរ៉ា-ថតខ្សែភាពយន្តភាគរឿងកូនប្រុសក្រោមពន្លឺព្រះចន្ទពេញបូណ៌មី នៅល្ងាចថ្ងៃទី៩ ខែតុលា ឆ្នាំ២០២៣ សម្ដេចតេជោ ហ៊ុន សែន បានថ្លែងដូច្នេះ ថា៖ «ក្នុងប៉ុន្មានថ្ងៃនេះ មានរឿងរ៉ាវនៅអ៊ីស្រាអែល ហើយយើងកំពុងតាមដានបន្ត ដោយនាយករដ្ឋមន្ត្រី បណ្ដារដ្ឋមន្ត្រីដែលមានការពាក់ព័ន្ធ កំពុងតាមដានដោយដិតដល់នូវព្រឹត្តិការណ៍នេះ»។
ជុំវិញការប្រយុទ្ធដោយអាវុធនេះ ត្រូវបានសម្ដេចតេជោ ហ៊ុន សែន អតីតប្រមុខរាជរដ្ឋាភិបាលកម្ពុជា បានអំពាវនាវឱ្យភាគីទាំងអស់អត់ធ្មត់ ស្វែងរកផ្លូវដោះស្រាយ តាមរយៈនៃការសន្ទនា។ ទន្ទឹមនេះ សម្ដេចតេជោ ក៏បានអំពាវនាវចំពោះក្រុមហាម៉ាស់ ឱ្យដោះលែងចំណាប់ខ្មាំង ដែលបានចាប់ខ្លួននៅក្នុងការវាយប្រហារនេះ ខណៈក្នុងនោះ ក៏មានពលរដ្ឋថៃចំនួនជាង១០នាក់ផងដែរ។
សម្ដេចតេជោ ហ៊ុន សែន បានបញ្ជាក់ថា ទង្វើរបស់ក្រុមហាម៉ាស់ វាមិនបានផ្ដល់នូវផលប្រយោជន៍សម្រាប់ពូកគេឡើយ។ សម្ដេចសង្កត់ធ្ងន់ថា៖ «ប្រសិនបើអ្នកចាប់ជំរិត ចាប់ជាចំណាប់ខ្មាំង យកទៅសម្លាប់ ធ្វើបាប គឺវាមិនមានផលប្រយោជន៍ទេ»។ ជាថ្មីម្ដងទៀត អតីតប្រមុខរាជរដ្ឋាភិបាលកម្ពុជារូបនេះ បានអំពាវនាវឱ្យមានការសន្ទនា ហើយរកការស្រុះស្រួលគ្នាដោយសន្តិវិធី ប្រសើរជាងការប្រយុទ្ធគ្នា៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង