Connect with us

ព័ត៌មានជាតិ

មន្ត្រីជាន់ខ្ពស់ណែនាំដល់មន្ទីរសុខាភិបាលទប់ស្កាត់ជំងឺភ្នែកក្រហមនៅតាមសហគមន៍

បានផុស

នៅ

មន្ត្រីជាន់ខ្ពស់ក្រសួងសុខាភិបាលបានណែនាំដល់មន្ទីរសុខាភិបាល និងក្រុមឆ្លើយតបបន្ទាន់នៅទូទាំងប្រទេសខិត ខំប្រឹងប្រែងធ្វើការផ្សព្វផ្សាយសារអប់រំដល់ប្រជាពលរដ្ឋ ក្នុងការអនុវត្តវិធានការសុខាភិបាលឱ្យបានខ្ជាប់ខ្ជួន អំពីការ ព្យាបាល និងបង្ការការចម្លងនៃជំងឺភ្នែកក្រហម ដើម្បីទប់ស្កាត់ការរីករាលដាលទ្រង់ទ្រាយធំ នៅតាមសហគមន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងឱកាសដឹកនាំកិច្ចប្រជុំក្រុមការងារដែលជាមជ្ឈមណ្ឌលប្រតិបត្តិការបន្ទាន់ក្នុងក្របខណ្ឌទូទាំងប្រទេស តាមប្រព័ន្ធវី ដេអូសន្និសីទកាលពីថ្ងៃទី២១តុលា លោក ស្រី វេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល បានមាន ប្រសាសន៍ថា ការបើកកិច្ចប្រជុំនាពេលនេះ គឺដើម្បីឱ្យថ្នាក់ដឹកនាំមន្ទីរសុខាភិបាល ក្រុមឆ្លើយតបបន្ទាន់ ក្រុមគ្រូពេទ្យ​ថ្នាក់ជាតិ ថ្នាក់រាជធានីខេត្ត ស្រុកប្រតិបត្តិ មណ្ឌលសុខភាព និងប៉ុស្តិ៍សុខភាពពិនិត្យស្ថានភាព និងផ្សព្វផ្សាយការ​បណ្តុះបណ្តាលអំពីការបង្ការការចម្លង និងព្យាបាលជំងឺភ្នែកក្រហម។

លោកស្រីរដ្ឋលេខាធិការក៏បានណែនាំឱ្យមន្ត្រីសុខាភិបាលទូទាំងប្រទេសបន្តខិតខំប្រឹងប្រែងធ្វើការផ្សព្វផ្សាយសារអប់រំដល់ប្រជាពលរដ្ឋ ក្នុងការអនុវត្តវិធានការសុខាភិបាលឱ្យបានខ្ជាប់ខ្ជួន អំពីការព្យាបាល និងបង្ការការចម្លង​នៃជំងឺភ្នែក​ក្រហម ដើម្បីទប់ស្កាត់ការរីករាលទ្រង់ទ្រាយធំ នៅតាមសហគមន៍។

ជាងនេះទៀតត្រូវបន្តតាមដានស្ថានភាពជំងឺឆ្លងភ្នែកក្រហម ជារៀងរាល់ថ្ងៃ លើកផែនការត្រៀមទប់ស្កាត់ និងធ្វើសកម្មភាព​ដោយត្រូវសហការជាមួយអាជ្ញាធរមូលដ្ឋាន និងមន្ទីរអប់រំ យុវជន និងកីឡា មន្ទីរការងារ និងបណ្តុះបណ្តាលវិជ្ជាជីវៈ មន្ទីរទេសចរណ៍ និងមន្ទីរធម្មការនិងសាសនា ដែលជាអង្គភាព​គ្រប់គ្រងការ​ជួបជុំដែលមានមនុស្សច្រើន។

បើតាម លោកសាស្ត្រាចារ្យ​ ងី​ ម៉េង​ ឯកទេសចក្ខុរោគៈ​ បានពន្យល់ថា ជំងឺភែ្នកក្រហមឆ្លង ជាការរលាកភ្នាស “ស”​ នៃភ្នែក ភាគច្រើនបង្កដោយពពួកវីរុស ជាពិសេស Adeno Virus និង ពពួកបាក់តេរី ដូចជា Staphylococcus aureus and staphylococcus ។​ នៅប្រទេស​កម្ពុជា គេសង្កេតឃើញ​ច្រើនកើតមានឡើងនៅក្នុងចំណោម​សិស្សសាលា និង​នៅក្នុងសហគមន៍ ដែលមាន​អ្នកកើតជំងឺភ្នែកក្រហមឆ្លង​នេះនៅរដូវភ្លៀង និងពេលខ្យល់ធា្លក់ពីជើង។ ជំងឺនេះមានលក្ខណៈរាតត្បាតក្នុងសហគមន៍ ដោយឆ្លងពីមនុស្សម្នាក់ទៅមនុស្សម្នាក់ទៀតយ៉ាងឆាប់រហ័ស តាមរយៈការប៉ះពាល់ផ្ទាល់​ឬប្រយោលជាមួយអ្នកមានជំងឺភែ្នកក្រហមឆ្លង។

លោកវេជ្ជបណ្ឌិតបានបន្តថា ភ្នែកក្រហមឆ្លងមានរោគសញ្ញាសំខាន់ៗដូចជា ភ្នែកឡើងក្រហម និងឈឺចុកចាប់ខ្លាំង ឬខ្សោយអាស្រ័យទៅតាមសភាពធ្ងន់ឬស្រាលនៃជំងឺ ហើមត្របកភ្នែក  រកាំភ្នែក និងមានអារម្មណ៍ថា ហាក់ដូចជាមាន​កំទេចសំរាមនៅក្នុងភ្នែក  ស្រវាំងភ្នែក និងចាញ់ពន្លឺ  មានពពឹកភ្នែក (អាចម៌ភ្នែក) និងហៀរទឹកភ្នែកជាប់​ជានិច្ចដែល​ធ្វើឱ្យរំខានការមើលឃើញ  ពិបាកបើកភែ្នកនៅពេលភ្ញាក់ពីដំណេកពេលព្រឹកដោយសាររោមភែ្នកខាងលើ​ និងខាងក្រោមស្អិតជាប់គ្នា។

ជំងឺនេះឆ្លងពីមនុស្សម្នាក់ទៅមនុស្សម្នាក់ទៀតតាមរយៈការប៉ះពាល់ផ្ទាល់ ឬចាប់ដៃគ្នាជាមួយអ្នកជំងឺភ្នែកក្រហមឆ្លង ការប៉ះពាល់វត្ថុប្រើប្រាស់ដូចជាភួយ ខ្នើយ កនែ្សង ក្រមា ឬវ៉ែនតាជាដើមដែលមានផ្ទុកវីរុស ឬបាក់តេរី ហើយយកមក​ប៉ះភ្នែកនិងការប្រើប្រាស់ថ្នាំបន្តក់ភែ្នករួមគ្នាក្នុងគ្រួសារ ឬអ្នកដែលមានជំងឺភែ្នកក្រហម។

ចំពោះវិធីការពារការឆ្លងជំងឺភ្នែកក្រហមត្រូវ លាងដៃឱ្យបានញឹកញាប់ជាមួយសាប៊ូ និងទឹកក្តៅឧណ្ហៗយ៉ាងហោចណាស់ ២០ វិនាទី  ​មុននិង​ក្រោយ​ពេល​សម្អាតភ្នែក ឬ​ដាក់​ថ្នាំ​​ភ្នែក។ប្រសិនបើមិនមានសាប៊ូ និងទឹកទេ សូមប្រើទឹកលាងដៃ​ដែលមានជាតិអាល់កុល យ៉ាងតិច ៦០% ដើម្បីលាងសម្អាតដៃ។ជៀសវាងការប្រើប្រាស់របស់របររួមគ្នាដូចជាភួយ ខ្នើយ កនែ្សង ក្រមា ឬវ៉ែនតាជាដើមដែលមានផ្ទុកវីរុស ឬបាក់តេរី ហើយយកមកប៉ះភ្នែក។ជៀសសវាងការប្រើថ្នាំភ្នែក​ខាងភ្នែក​ដែលឈឺ ទៅប្រើភ្នែកដែលមិនឈឺ ឬប្រើថ្នាំភ្នែករួមគ្នាក្នុងគ្រួសារ និងជៀសវាងការប្រើវិធីបុរាណក្នុង​ការព្យាបាល​ដោយខ្លួនឯង (លាងទឹកម្លូ ដាក់ទឹកនោម ដាក់ទឹកប្រមាត់ត្រី។ល។)។ត្រូវសម្រាកពីការងារ ឬសាលារៀនចំនួន៥ថ្ងៃ ឬ១សប្ដាហ៍ដើម្បីចៀសវាងទំនាក់ទំនងជិតស្និទ្ធជាមួយមនុស្សផ្សេងទៀត និងត្រូវពាក់វ៉ែនតាការពារការ​ចម្លងរោគ​និងចៀសវាងការប៉ះ ឬត្រដុសឬញ៉ីភ្នែក ពីព្រោះធ្វើអោយស្ថានភាពកាន់តែអាក្រក់ទៅៗ ឬរាលដាលទៅ​ភ្នែកម្ខាងទៀត។

ជំងឺនេះអាចជាទៅវិញរយៈពេល ៧-១៤ ថ្ងៃ ហើយជួនកាលមានករណីកម្រខ្លះអាចវិវត្តទៅជាលក្ខណៈ​ធ្ងន់ធ្ងរអាច​ប៉ះពាល់ដល់​កញ្ចក់ភ្នែក និងគំហើញ។ ការព្យាបាលអាចជួយកាត់បន្ថយរោគ​សញ្ញា​នានា​ខាង​លើ ជាពិសេសកាត់​បន្ថយការឈឺចាប់ ការរលាក និងការរីករាលដាលនៃជំងឺនេះ​។​ ករណីចាំបាច់ត្រូវទៅជួបគ្រូពេទ្យនៅមណ្ឌលសុខភាព ឬកន្លែងផ្ដល់សេវាព្យាលបាលភ្នែកដែលនៅជិតបំផុត៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៦ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៩ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១០ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម