Connect with us

ព័ត៌មានជាតិ

អ្នក​ជំនួញ សិល្បករ ឥស្សរជន​០៣​នាក់ ប្រកាស​ស្ម័គ្រចិត្ត​ចាក់​វ៉ាក់សាំង​ Sinopharm

បានផុស

នៅ

ក្រោយ​ជំនួយវ៉ាក់សាំង​កូវីដ​របស់​ចិន​បាន​ដឹក​មក​ដល់​ប្រទេស​កម្ពុជា ត្រៀម​ចាក់​ដល់​ពលរដ្ឋ​និង​ឥស្សរជន​មួយ​ចំនួន មក​ដល់​ពេលនេះ​មាន​អ្នក​ជំនួញ សិល្បៈករ រួម​ទាំង​មន្រ្តី​មួយ​ចំនួន​បានប្រកាស​ស្ម័គ្រ​ចិត្ត​ចាក់​វ៉ាក់សាំង Sinopharm។

ឧកញ៉ា ឡេង ណាវ៉ាត់ត្រា (ពាក់អាវស)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧកញ៉ា ឡេង ណាវ៉ាត់ត្រា​បាន​ប្រកាស​ស្ម័គ្រចិត្ត​ដើម្បី​ចូលរួម​ជាមួយ​រដ្ឋាភិបាល​ក្នុង​ការ​ទប់ស្កាត់​រាលដាល​ជំងឺ​កូវីដ ១៩។ អគ្គនាយក​ក្រុម​ហ៊ុ​ន​ឡេង​ណាវ៉ាត្រាគ្រុប​បាន​ប្រកាស​នឹង ចាក់វ៉ាក់សាំងកូវីដ១៩ ប្រសិន​បើមាន​លក្ខខណ្ឌ​គ្រប់​គ្រាន់​តា​ម​ការកំណត់​របស់​ក្រសួង​សុខាភិបាល​។

តារា​កំប្លែង​ជើង​ចាស់ លោក អ៊ូ ប៉ុណ្ណារ៉ាត់ ហៅ​នាយ​ក្រឹម ក៏​ប្រកាស​ចូល​ខ្លួន​ចាក់​វ៉ាក់សាំង ​Sinopharm ​របស់​ចិន។

លោកអ៊ូ ប៉ុណ្ណារ៉ាត់ហៅនាយក្រឹម តារាកំប្លែង

ថ្លែង​នៅ​លើ​បណ្តាញ​សង្គម តារា​កំប្លែង​ល្បី​លំដាប់​ប្រទេស​រូប​នេះ​ក៏​អំពាវនាវ​ដល់​បងប្អូន​ទាំងអស់គ្នា ចូលរួមបង្ការការពារ មេរោគកូវីដ១៩​។

ដោយ​ឡែក​រដ្ឋលេខាធិការ​ក្រសួង​សុខាភិបាល​លោក​ជំទាវ ឱ វណ្ណឌីន ក៏​នឹង​ស្ម័គ្រ​ចិត្ត​ក្នុង​ការ​ចាក់​វ៉ាក់សាំង​កូវីដ ១៩ នៅ​ព្រឹក​ស្អែក​នេះ។

លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល

លោក​ជំទាវ​បាន​ថ្លែង​បញ្ជាក់ថា ក្នុង​នាមមន្រ្តី​ទទួលបន្ទុកការងារ​ផ្នែកសុខភាព លោកជំទាវ​ចង់​បង្កើនជំនឿ​ចិត្ត​ដល់​ប្រជាពលរដ្ឋ លើ​វ៉ាក់សាំង​នេះ។

លោក​ជំទាវ​ក៏​អញ្ជើញ​បងប្អូន​អ្នក​សារព័ត៌មាន​​ចូលរួម​ផ្ដិត​យក​រូបភាព​ពី​ដំណើរការ​ចាក់វ៉ាក់សាំង​ ដែល​ជាឧបករណ៍​ដ៏មាន​សារសំខាន់​សម្រាប់​អាយុជីវិត​របស់​មនុស្ស មិនមែនជាឧបករណ៍ដែលធ្វើ​យក​មក​លេងសើចនោះទេ។

ប្រមុខ​រដ្ឋាភិបាល សម្តេចតេជោ ហ៊ុន សែន បាន​ផ្ញើសារ​ទៅ​ជន​រួមជាតិ​ទាំង​សមាជិក​រាជរដ្ឋាភិបាល​មន្ត្រីតាមក្រសួង មន្ត្រីនគរបាល និងកងទ័ពជាដែលមានអាយុក្រោម៥៩ឆ្នាំ និង​មាន​លក្ខខណ្ឌ​គ្រប់គ្រាន់ ត្រូវទៅចាក់វ៉ាក់សាំង​កូវីដ​១៩​ដើម្បីធ្វើជាគំរូដល់ប្រជាពលរដ្ឋ។

សម្ដេចតេជោ ហ៊ុន សែន បាន​លើក​រដ្ឋមន្ត្រី​មាន​ដូចជា ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំ ឯកឧត្តម ជា វណ្ណដេត រដ្ឋមន្ត្រីក្រសួងប្រៃសណីយ៍ និង ទូរគមនាគមន៍ ឯកឧត្តម វ៉េង សុខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និង​អ្នកដែលអាយុក្រោម៥៩ឆ្នាំ ត្រូវតែចាក់​វ៉ាក់សាំងដើម្បីធ្វើជាគំរូ។

សម្តេច​ប្រកាស​ថា ​កូនៗសម្ដេចទាំង៥រូប ក៏ត្រៀមទៅចាក់វ៉ាក់សាំងផង​ដែរ។

ក្រសួង​សុខាភិបាល​បាន​ប្រកាសស្ដីពីការចាក់វ៉ាក់សាំងបង្ការជំងឺកូវីដ-១៩ ជូនឥស្សរជនជាន់ខ្ពស់ចាប់តាំងពីទេសរដ្ឋមន្ត្រី រហូតដល់អ្នកសារព័ត៌មាន ចាប់ពីថ្ងៃពុធទី​១០ ខែកុម្ភៈ នេះ នៅ៤មន្ទីរពេទ្យ មានដូចជា៖

១. មន្ទីរពេទ្យកាល់ម៉ែត (សាស្ត្រាចារ្យ គង់ សន្យា ០១២ ៩៦៥ ៩៥៤) សម្រាប់ឥស្សរជនជាទេសរដ្ឋមន្ត្រី រដ្ឋមន្ត្រី រដ្ឋលេខាធិការ ឬមានឋានៈស្មើ
២. មន្ទីរពេទ្យព្រះអង្គឌួង (សាស្ត្រាចារ្យ លូ លីឃាង ០៧៦ ៨៨៣ ៧៨៧៨) សម្រាប់ឥស្សរជន ជាអនុរដ្ឋលេខាធិការ ឬមានឋានៈស្មើ
៣. មន្ទីរពេទ្យមិត្តភាពខ្មែរ-សូវៀត (សាស្ត្រាចារ្យ ងី ម៉េង ០៧៨ ៩៩៧ ៩៧៨) សម្រាប់ឥស្សរជនជាអភិបាលនៃគណៈអភិបាលរាជធានី-ខេត្ត
៤. មន្ទីរពេទ្យកុមារជាតិ (សាស្ត្រាចារ្យ ញឹប អង្គាបុស្ស ០១១ ៨១១ ១៣២) សម្រាប់អ្នកសារព័ត៌មាន។

ក្រសួង​សុខាភិបាល​បញ្ជាក់​ថា វ៉ាក់សាំង Sinopharm ​មាន​ប្រសិទ្ធភាព​សម្រាប់​អ្នក​មាន​អាយុ​ពី ១៨ ឆ្នាំ ទៅ ៥៩ ឆ្នាំ និង​មិន​មាន​បញ្ហា​សុខភាព​ធ្ងន់ធ្ងរ៕

អត្ថបទ៖ ប៊ុណ្ណារ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា៧ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ៧ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ៩ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៩ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ៩ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម