ព័ត៌មានជាតិ
ខេត្តពោធិ៍សាត់មានតំបន់ទេសចរណ៍អេកូធម្មជាតិចំនួន៣៨កន្លែង និងមាន១៨កន្លែង ជាតំបន់ដែលមានសក្តានុពល
លោក អ៊ឹង គឹមលាង អភិបាលរង នៃគណៈអភិបាលខេត្តពោធិ៍សាត់បានអះអាងថា បច្ចុប្បន្នខេត្តពោធិ៍សាត់ មានតំបន់ទេសចរណ៍អេកូធម្មជាតិចំនួន៣៨កន្លែង ហើយក្នុងនោះមាន១៨កន្លែង ជាតំបន់ដែលមានសក្តានុពល ជាមួយគ្នានោះ លោកក៏បានអំពាវនាវដល់អ្នកវិនិយោគទុនជាតិ និងអន្តរជាតិ ឲ្យចូលទៅដាក់ទុនវិនិយោគនៅតាមតំបន់ទេសចរណ៍ទាំងនោះផងដែរ ពីព្រោះវាអាចទទួលបានចំណេញច្រើន។
លោក អ៊ឹង គឹមលាង បញ្ជាក់ថា ភូមិសាស្ត្រខេត្តពោធិ៍សាត់មានតំបន់ទេសចរណ៍ចំនួន៣៨កន្លែង ជាតំបន់ទេសចរណ៍អេកូធម្មជាតិ ហើយក្នុងនោះមានចំនួន១៨កន្លែង គឺជាតំបន់ល្អ ឬជាតំបន់ដែលមានសក្តានុពល ដែលអាចធ្វើការអភិវឌ្ឍជាតំបន់ទេសចរណ៍បានយ៉ាងល្អ។ លោកថា តំបន់សក្តានុពលទាំង ១៨នេះ មានតំបន់ទឹកធ្លាក់ មានតំបន់វប្បធម៌សាសនា តំបន់បុរេប្រវត្តិ និងតំបន់វប្បធម៌ជនជាតិភាគតិច ហើយក្នុងចំណោមតំបន់ទេសចរណ៍ទាំង១៨កន្លែង ដែលមានសក្តានុពលនោះ ខេត្តបានធ្វើការអភិវឌ្ឍចំនួនចំនួន១១កន្លែងហើយ។
បើតាមលោកអភិបាលរង ពេលនេះខេត្តបានធ្វើការផ្ដោតការសំខាន់ទៅលើអូសោមមុនគេ នៅឆ្នាំ២០២១នេះ ហើយនឹងបន្តទៅតំបន់ទឹកធ្លាក់ច្រកល្ហៀង តំបន់អូដាតូច អូដាធំបន្តទៀត។ លោកថា នៅពោធិ៍សាត់មានកន្លែងមួយទៀត ដែលយើងគិតស្មានមិនដល់ គឺជាកន្លែងសមាធិ នៅភ្នំល្អាង១២ ដែលនៅក្នុងភ្នំនេះមានល្អាងចំនួន២ ដែលមានផ្ទៃដីជាង១០០ ហិកតា ហើយមកដល់ពេលនេះ លោកអភិបាលខេត្តកំពុងជំរុញធ្វើយ៉ាងណាឲ្យប្រជាពលរដ្ឋ ដែលមានសតិអារម្មណ៍ អាចទៅធ្វើសមាធិនៅទីនោះ។
ស្របពេលជាមួយ នឹងការអភិវឌ្ឍតំបន់ទេសចរណ៍ទាំង១៨ កន្លែង នៅក្នុងខេត្តពោធិ៍សាត់នេះ លោកក៏បានអំពាវនាវដល់អ្នកវិនិយោគទុនជាតិ និងអន្តរជាតិ ចូលទៅដាក់ទុនវិនិយោគនៅតាមតំបន់ទេសចរណ៍ក្នុងខេត្តពោធិ៍សាត់។ ពីព្រោះវាជាតំបន់ទេសចរណ៍ល្អៗ ហើយតំបន់ទេសចរណ៍ ដែលមានសក្តានុពលនេះ បានស្រូបយកចំណូលចូលថវិការដ្ឋបានយ៉ាងច្រើនផងដែរ។
សូមបញ្ជាក់ថា ការបញ្ជាក់របស់លោក អ៊ឹង គឹមលាង អភិបាលរង នៃគណៈអភិបាលខេត្តពោធិ៍សាត់នេះ បានធ្វើឡើងក្នុងសន្និសីទសារព័ត៌មាន ស្តីពីវឌ្ឍនភាពការងារប្រចាំឆ្នាំ២០២០ និងលើកទិសដៅការងារឆ្នាំ២០២១ របស់រដ្ឋបាលខេត្តពោធិ៍សាត់ កាលពីថ្ងៃទី១១ ខែកុម្ភៈ ឆ្នាំ២០២១នេះ។
តាមរបាយការណ៍ខេត្តបានឲ្យដឹងដែរថា ក្នុងឆ្នាំ២០២០ ភ្ញៀវទេសចរសរុបចំនួន៤៤០.៩២៩នាក់ ក្នុងនោះ ភ្ញៀវទេសចរជាតិមានចំនួន ៤៣៨.៥៥៣នាក់ និងភ្ញៀវទេសចរអន្តរជាតិមានចំនួន២.៣៧៦នាក់។ តំបន់ទេសចរណ៍ ដែលមានសក្តានុពលក្នុងខេត្តរួមមាន៖ បុរីវប្បធម៌កោះសំពៅមាស មូជនីយ៍ដ្ឋានប្រវត្តិសាស្ត្រឧកញ៉ាឃ្លាំងមឿង តំបន់ទេសចរណ៍បឹងទន្លេសាប,ទឹកធ្លាក់ច្រកល្អៀង, ល្បាក់កំរោញ, ទេសចរណ៍ធម្មជាតិភ្នំ១៥០០ ឬហៅថាផ្លូវបុប្ផាលាក់ខ្លួន, ទឹកធ្លាក់ថ្មដាតូច ថ្មដាធំ និងតំបន់ទេសចរណ៍ធម្មជាតិ និងច្នៃប្រឌិតជាច្រើនកន្លែងទៀត សម្រាប់ទាក់ទាញភ្ញៀវទេសចរណ៍ជាតិ អន្តរជាតិ។
សក្តានុពលដែលជាការចាប់អារម្មណ៍ខ្លាំង និងទស្សនវិស័យអភិវឌ្ឍន៍របស់ថ្នាក់ដឹកនាំខេត្តចម្បង គឺការលើកកម្ពស់ទេសចរណ៍ធម្មជាតិ នៅឃុំអូរសោម ស្រុកវាលវែង ដែលជាតំបន់ដ៏មានសក្តានុពលខ្លាំង ក្នុងការលើកកម្ពស់សេដ្ឋកិច្ចប្រជាពលរដ្ឋក្នុងតំបន់ ក៏ដូចជាខេត្តពោធិ៍សាត់តាំងមូលផងដែរ។
ឃុំអូរសោម មានលក្ខណៈ អំណោយផលខ្លាំង មានអាកាសធាតុត្រូពិច បើប្រៀបធៀបនឹងនីវូទឹកសមុទ្រមានរយៈកំពស់៦៥០ ម៉ែត្រ ដែលធ្វើឲ្យតំបន់នេះ សម្បូរទៅដោយធនធានធម្មជាតិ តំបន់ទេសចរណ៍ធម្មជាតិ៕
ដោយ ៖ កោះកែវ
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៧ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ