ព័ត៌មានជាតិ
អភិបាលខេត្តបាត់ដំបង បើកកិច្ចប្រជុំបន្ទាន់ ជុំវិញការគេចវេះរបស់ពលករ ដែលមិនព្រមធ្វើចត្តាឡីស័ក
រដ្ឋបាលខេត្តបាត់ដំបង បានបើកកិច្ចប្រជុំបន្ទាន់មួយ ស្តីពីការទប់ស្កាត់ការគេចវេះធ្វើចត្តាឡីស័ករបស់ពលករ និងពិនិត្យសភាពការនៅច្រកទ្វារអន្តរជាតិដូង ស្រុកកំរៀង ខេត្តបាត់ដំបង នារសៀលថ្ងៃទី១៥ ខែកុម្ភៈ ដែលមានការចូលរួមពី អាជ្ញាធរមូលដ្ឋាន កងកម្លាំងចម្រុះ និងស្ថាប័នពាក់ព័ន្ធនៅតំបន់ព្រំដែន ។
លោក ងួន រតនៈ អភិបាលនៃគណអភិបាលខេត្តបាត់ដំបង បានបញ្ជាដល់អាជ្ញាធរមូលដ្ឋាននៅស្រុកជាប់ព្រំដែន ធ្វើការចុះបញ្ជីឈ្មោះពលរដ្ឋនៅតាមស្រុកជាប់ព្រំដែនឲ្យបានច្បាស់លាស់ និងមានឯកសារសម្រាប់ពួកគាត់ ក្នុងការកំណត់អត្តសញ្ញាណឲ្យបានត្រឹមត្រូវពីលំនៅដ្ឋាន ដើម្បីកុំឲ្យមានពលករទើបចេញពីប្រទេសថៃ ដែលរស់នៅស្រុក ខេត្តផ្សេង ប្រាប់ពីព័ត៌មានមិនពិតថា ខ្លួនរស់ នៅជាប់ព្រំដែន គេចវេះមិនធ្វើចត្តាឡីស័ក។
ការបញ្ជានេះបន្ទាប់ពីមានលេចធ្លាយពលករដែលត្រឡប់មកពីថៃទៅកាន់ស្រុកកំណើតដោយគេចវេះមិនព្រមចូលខ្លួនធ្វើចត្តាឡីស័ក ជាបន្តបន្ទាប់។
លោកអភិបាលខេត្តបន្ថែមថា អាជ្ញាធរនិងស្ថាប័នពាក់ព័ន្ធត្រូវចាត់វិធានការបន្ទាន់ ដើម្បីទប់ស្កាត់កុំឲ្យពលករគេចវេះពីការធ្វើចត្តាឡីស័ក និងត្រូវអនុវត្តវិធានការមួយចំនួនភ្លាមៗ ក្នុងនោះការរឹតបន្តឹងដូចជា ៖ តាមចាប់ពួកមេខ្យល់នាំពលករឆ្លងដែនខុសច្បាប់ ការអប់រំផ្សព្វផ្សាយពីសារសម្លេងរបស់សម្ដេចតេជោ នាយករដ្ឋមន្ត្រី ពាក់ព័ន្ធនឹងការទប់ស្កាត់ការរីករាលដាលជំងឺកូវីដ១៩ នៅតាមមូលដ្ឋាន នៅតាមមណ្ឌលចត្តាឡីស័កជាដើម ។
គួរបញ្ជាក់ថា ចាប់ពីមានការផ្ទុះឆ្លងរីករាលដាលជំងឺកូវីដ១៩ ក្នុងសហគមន៍ខេត្តសាមុទសាខន ប្រទេសថៃ គឺមានពលករឆ្លងដែនពីថៃ តាមច្រកនានាជាប់ខេត្តបាត់ដំបង មានជាង៦០០០នាក់ បានបញ្ចប់ការធ្វើចត្តាឡីស័កជាង៣០០០នាក់ និងកំពុងធ្វើចត្តាឡីស័កជាង២០០០នាក់ ខណៈអាជ្ញាធរក៏បានឃាត់ខ្លួនមេខ្យល់ ដែលនាំពលករឆ្លងដែនខុសច្បាប់ជាបន្តបន្ទាប់ និងបញ្ជូនទៅតុលាការចាត់ការតាមនីតិវិធីច្បាប់ និងបន្តស្វែងរកពួកមេខ្យល់មួយចំនួនទៀត ៕
អត្ថបទ ៖ សោ និយមរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង