ព័ត៌មានជាតិ

ផ្ទះ១ខ្នងរួមទាំងទ្រព្យសម្បត្តិ ប្រហែល២៥លានរៀល ត្រូវអគ្គិភ័យឆេះគ្មានសល់

បានផុស

៣ years មុន

នៅ

ថ្ងៃព្រហស្បតិ៍ ១៨ កុម្ភៈ ២០២១

ដោយ

អគ្គិភ័យបានឆាបឆេះផ្ទះ១ខ្នងយ៉ាងសន្ធោសន្ធៅស្របពេលមានខ្យល់ផង បណ្តាលឲ្យឥទ្ធិពលភ្លើងកាន់តែមានសន្ទុះឆេះខ្លាំងខ្លា បើទោះបីមានអន្តរាគមន៍ក៏ត្រូវបានហួសពេល។តាមរបាយការណ៍ពីសមត្ថកិច្ចមកថា ហេតុការខាងលើនេះបានកើតឡើងកាលពីវេលាម៉ោង៣និង០០នាទីរសៀលថ្ងៃទី១៨ខែកុម្ភៈ ឆ្នាំ២០២១នេះ នៅត្រង់ក្រុមទី១៩ភូមិកណ្តាលត្បូងឃុំគោកឃ្មុំស្រុកថ្មគោលខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការអគ្គិភ័យឆាបឆេះនេះបណ្តាលឲ្យផ្ទះប្រជាពលរដ្ឋឈ្មោះអ៊ុក.ខាន់ភេទប្រុសអាយុ៦៨ឆ្នាំរស់នៅភូមិកណ្តាលត្បូងឃុំគោកឃ្មុំស្រុកថ្មគោលខេត្តបាត់ដំបង១ខ្នងទ្រព្យសម្បត្តិនិងសម្ភារះមួយចំនួនធំត្រូវបានឆេះគ្មានសល់។ប្រភពដែលបានបន្តថា ការខូចខាតក្នុងហេតុការខាងលើរួមមានផ្ទះតម្កល់ទំហំ៥មx៧មធ្វើពីឈើប្រក់ស័ង្កសីជញ្ជាំងស័ង្កសីក្រាលបាតក្តារ(ខូចខាតទាំងស្រុង),ខ្សែកប្លាកទិន០១ខ្សែ(រកមិនទាន់ឃើញ),គ្រែ០៣ខូចខាតទាំងស្រុង,កង់០៥គ្រឿង(ខូចខាតទាំងស្រុង),ទូរទស្សន៍០១គ្រឿង(ខូចខាតទាំងស្រុង),ប្រាក់ខ្មែរ១.០០០.០០០រៀល,អង្ករ១ការ៉ុង។

ក្នុងនោះក៏មានឯកសារក២និងក៤សំបុត្រកំណើតអត្តសញ្ញាណប័ណ្ណនិងសំលៀកបំពាក់មួយចំនួនធំក៏បានឆេះខូចខាតទាំងស្រុងផងដែរសរុបការខូចខាតទាំងអស់ប្រហែល២៥,០០០,០០០រៀល(ម្ភៃប្រាំលានរៀល)។

សមត្ថកិច្ចបញ្ជាក់ដែរថា មូលហេតុដែលបង្កឲ្យមានអគ្គិភ័យឆាបឆេះនេះបណ្តាលមកពីឆ្លងចរន្តអគ្គិសនីប៉ុន្តែមិនមានរងរបួសដល់មនុស្សណាម្នាក់នោះទេ។សមត្ថកិច្ចបន្តថានៅក្នុងហេតុការខាងលើនេះបានចេញរថយន្តពន្លត់អគ្គិភ័យស្រុក០១គ្រឿងនិងឡានច្នៃ០២គ្រឿងប្រើប្រាស់ទឹកអស់០៤ឡានក្នុងនោះឡានធំ១ឡាន,ឡានច្នៃ៣ឡានទើបគ្រប់គ្រងអគ្គិភ័យបានទាំងស្រុង៕

សៅ សារិទ្ធ